Rihapja dhe masat ndaj COVID- 19, Rama bisedë telefonike me Mitsotakis

Kryeministri

Rama zh villoi dje një bisedë telefonike me homologun grek, Mitsotakis, lidhur me situatën e COVID- 19. Siç bën me dije faqja zyrtare e Kyriakos Mitsotakis, dy kryeministrat kanë biseduar dje në mesditë për masat kundër koronavirusit dhe politikat që duhen ndjekur për lehtësimin e masave mbrojtëse apo dhe ristabilizimin e qarkullimit mes dy vendeve. Të dyja vendet, si Shqipëria edhe Greqia kanë si datë të fillimit të hapjes 4 majin dhe në mënyrë graduale. Ndërsa ministri në Detyrë i Jashtëm, Gent Cakaj, zhvilloi dje një bashkëbisedim “online” me drejtorin e përgjithshëm për Politikat Evropiane të Fqinjësisë dhe Zgjerimit në Komisionin Evropian, z. Christian Danielsson. Në një postim në “Facebook”, ai bëri me dije se diskutuan veçanërisht se shtimin e angazhimit për plotësimin e gjitha detyrimeve të nevojshme në rrugën e anëtarësimit. Po ashtu, biseduan edhe lidhur me bashkëpunimin mes Shqipërisë e BE- së në luftën e përbashkët kundër COVID- 19 dhe procesin e rindërtimit. “Nënvizuam veçanërisht faktin se pas çeljes së negociatave me Bashkimin Evropian, duhet shtuar angazhimi për plotësimin e të gjitha detyrimeve të nevojshme në rrugën e anëtarësimit. Po ashtu, biseduam edhe lidhur me bashkëpunimin mes Shqipërisë e BE- së në luftën e përbashkët kundër COVID- 19 dhe procesin e rindërtimit pas tërmetit të nëntorit 2019. Komunikimi me BE- në në këto rrethana është i vazhdueshëm dhe përparimi drejt BE- së është i sigurt, sikurse fitorja jonë e përbashkët mbi pandeminë”, - shprehet z. Cakaj.