Miratohet pagesa 40 mijë lekë për 12 mijë punonjës
Drejtoresha e Tatimeve shpjegon procedurat për të marrë paratë
kërkesa bizneset e pakontaktuara. Për ata, të cilëve iu është refuzuar kërkesa, kanë venë në dispozicion një adresë të veçantë për të bërë ankesën. Këtë javë mbyllet edhe dhënia e pagës së luftës prej 26 mijë lekësh për paketën e parë. Deri tani është derdhur paga për 52 mijë punonjës. Tatimet thonë se në fillim të muajt maj do të hidhet edhe trashi i dytë, pa pasur nevojë për aplikim të ri. Për të punësuarit e padeklaruar, Drejtoria e Tatimeve bën thirrje që të denoncohen rastet, në mënyrë që të përfitohet pagesa financiare. Deri më sot denoncimet kanë qenë të pakta, krahasuar me numrin e kërkesave për pagë nga kjo kategori", - bën të ditur Ibrahimaj. Për të dorëzuar formularin "Kërkesë për përfitim të ndihmës financiare 2", tatimpaguesve që plotësojnë kriteret e mësipërme, pasi të njoftohen në llogarinë e tyre të deklarimit elektronik në "e- filing", do t'iu jepet mundësia të aplikojnë nëpërmjet kësaj llogarie. Aplikimi do të kryhet vetëm 1 herë. Trajtimi i aplikimeve për subjektet përfitues të masave 2 dhe 3 është automatik, ndërsa aplikimet për përfituesit e masave 1 dhe 4 do të verifikohen dhe trajtohen nga DRT. Nëse aplikimi "Kërkesë për ndihmë financiare" është refuzuar ( plotësisht apo pjesërisht), tatimpaguesi do të ketë keni mundësi të ankohet, duke plotësuar formularin e ankesës në llogarinë "e- filing", e cila do të publikohet në ditët në vijim. Pas shqyrtimit të ankesës, nëse ajo do të rezultojë e drejtë, tatimpaguesi do të njoftohet dhe do të ketë mundësi të riaplikojë për përfitim të ndihmës financiare. Udhëzuesi praktik mbi mënyrën e aplikimit dhe plotësimit së "Kërkesës për ndihmë financiare nr. 2" shpjegon hapat që duhet të ndiqen për plotësimin në mënyrë korrekte të tij.