Bie kurba e koronavirusit, 14 raste të reja brenda 24 orëve
Specialistja e ISHP: Nuk mund të themi se piku ka kaluar
Kurba e COVID 19, ka pësuar rënie brenda 24 orëve të fundit, ndërkohë që një 60 vjeçar nuk ka mundur të fitojë betejën me virusin dhe ka humbur jetën. Ditën e djeshme, Instituti i Shëndetit Publik, në komunikimin e përditshëm për mediat, ka bërë me dije se 14 persona kanë rezultuar të infektuar me koronavirus pas testimit të 264 personave. Përkatësisht 9 raste të reja janë regjistruar në Krujë, 4 në Tiranë dhe 1 në Shkodër. "Si çdo ditë, ju bëjmë me dije rezultatet e 24 orëve të fundit sa i takon gjurmimit dhe hetimit epidemiologjik dhe situatën e deritanishme të përhapjes së COVID- 19. Gjatë 24 orëve të fundit janë testuar 264 persona të dyshuar me COVID19. Nga rezultatet e testimeve janë konfirmuar 14 raste pozitive me COVID- 19.
Vijon hetimi epidemiologjik nga ku rezulton se në Krujë janë zbuluar 9 raste të reja, 4 raste pozitive janë në Tiranë, mes të cilëve një në institucionin e vuajtjes së dënimit, dhe 1 rast i ri është në Shkodër",- tha në fjalën e saj dr. Marjeta Dervishi, në cilësinë e specialistes së ISHP- së. Ndërkohë deri në mesditën e se dielës janë testuar 7279 raste të dyshuara dhe prej tyre janë të konfirmuar pozitivë me COVID- 19, 726 raste. Dy ditë më parë, në vend u shënua shifra më e lartë e të prekurve brenda 24 orësh, 34 të infektuar të rinj. Por a ishte e shtuna e javës që lamë pas piku i epidemisë? "Pavarësisht shifrave, nuk mund të themi se është piku, pasi kemi të bëjmë me një përhapje në klastera, apo grupe të caktuara, dhe nuk kemi të bëjmë me një përhapje në komunitet. Është theksuar vazhdimisht hetuar epidemiologjik që po kryhet për të gjitha rastet e konfirmuara. Gjatë hetimit kryhet gjurmimi i kontakteve.
Dhe një pjesë e këtyre kontakteve mund të jetë asiptomatik",- theksoi specialistja e ISHP- së.
PACIENTËT E SHËRUAR DHE AKTIVË
Gjatë 24 orëve të fundit, 7
pacientë të tjerë, të gjithë nga Shkodra, i janë shtuar listës së të shëruarve, duke e çuar totalin e të shëruarve nga COVID- 19 në 410. "Aktualisht në vendin tonë 288 janë persona aktivë me COVID- 19 dhe, siç shihet, numri i
të shëruarve është më i lartë. Kjo tendencë tashmë vazhdon të jetë e qëndrueshme",bëri me dije Dervishi.
VIKTIMAT
Pas vdekjes së 60- vjeçarit mëngjesin e djeshëm, ka shkuar në 28 numri I person
ave që kanë humbur jetën si pasojë e koronavirusit. "Mëngjesin e sotëm ( djeshëm) ka ndërruar jetë një pacient 60- vjeçar në spitalin universitar "Shefqet Ndroqi, i konfirmuar me COVID19, i shtruar prej dy javësh në reanimacion, i cili vuante nga disa sëmundje bashkëshoqëruese. Deri sot, 28 qytetarë e kanë humbur betejën me këtë sëmundje me gjithë përpjekjet e stafit mjekësor", shtoi specialistja e ISHP- së. Në shërbimin infektiv aktualisht janë 30 të shtruar nga të cilët 4 pacientë janë në terapi intensive, ndërsa në spitalin COVID 2 "Shefqet Ndroqi", janë 6 pacientë të shtruar ku 2 pacientë janë në terapi intensive në gjendje të rënduar, ndërsa 4 pacientë janë në pavion. Në dy spitalet COVID aktualisht po marrin shërbim 36 pacientë.
APELI PËR QYTETARËT
Ditën e djeshme, Ministria e Shëndetësisë dhe Mbrojtjes Sociale i ka bërë thirrje të gjithë qytetarëve që të vazhdojnë të respektojnë masat e vendosura si e vetmja armë që kanë në dorë për të frenuar përhapjen e infeksionit. "Në kushtet e lehtësimit të disa masave është shumë e rëndësishme të zbatohen me përpikmëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID- 19 telefononi në linjën e gjelbër 0800 40 40",- theksoi Ministria e Shëndetësisë.