Ditë vendimtare, qeveria dhe FSHF- ja do ulen në tavolinë

"Dead- line" i caktuar nga Nioni do të verë në lëvizje palët për të gjetur skemën e duhur UEFA kërkon planin e rifillimit të kampionatit brenda 20 majit

shtë planifikuar të kryhet këtë javë taki mi mes Federatës Shqiptare të Futbollit dhe qeverisë, takim që do të ketë në qendër të vëmendjes detajimin e gjendjes aktuale të Covid- 19 në vendin tonë dhe krijimin e planit për të rifilluar kampionatin. Në një njoftim paraprak, sekretari i përgjithshëm i FSHF- së, Ilir Shulku, u pat komunikuar Ministrisë së Shëndetësisë dhe asaj të Sporteve dëshirën e federatës për rinisjen e stërvitjeve më 2 maj dhe rifillimin e kampionatit më 25 maj. Në letrën e tij, sekretari Shulku theksonte ndër të tjera se, "federata është e vendosur që në bashkëpunim me qeverinë të krijohen kushtet për të zbatuar me rigorozitet udhëzimin e ekspertëve dhe për të rifilluar jetën sportive në vend". Natyrisht, takimet do të jenë pa praninë e tifozëve, ndërsa pritet të caktohet edhe numri maksimal i individëve që do të lejohen të hyjnë në mjediset sportive gjatë ditëve të ndeshjes, por më e rëndësishmja ka të bëjë me kushtet higjieno- sanitare në stërvitje, për të cilat duhet të jenë vetë klubet ato që do të mbajnë përgjegjësi. Në Europë ndërkohë ka raste të kampionateve të mbyllura përfundimisht. I pari ishte ai belg, me federatën vendëse që shpalli Genkun kampion dhe i vuri vulën sezonit, ndërsa rast më ndryshe ishte ai holandez. Federata e këtij vendi pasi u njoh me urdhrin e kryeministrit Mark Rute për të ndaluar aktivitetet sportive deri më 1 shtator, e shpalli sezonin nul, nuk akordoi titull dhe anuloi rëniet e ngjitjet nga kategoria. Federata holandeze ndërkohë dorëzoi në UEFA listën e ekipeve pjesëmarrëse në Kupat e Europës, duke mbajtur në fuqi renditjen aktuale. Sa u takon federatave të tjera, e para që ka njoftuar rinisjen e aktivitetit ka qenë ajo e Ishujve Faroe, me kampionatin që do të nisë zyrtarisht më 9 maj. Të njëjtën gjë pritet të bëjë edhe Bundesliga gjermane, e cila vijon të presë vendimin e qeverisë për kërkesën e saj. E gjithë kjo gjendje pas orientimit të UEFA- s në mbledhjen e 23 prillit, kur Komiteti Ekzekutiv vendosi që si limit fundin e majit për dorëzimin e dokumentacioneve dhe planeve nga çdo federatë anëtare për rifillimin e kampionateve dhe për përfundimin e tyre përpara datës 3 gusht, me qëllim që të krijohet hapësira e duhur për zhvillimin e ndeshjeve të mbetura të Kupave të Europës.