SITUATA NË VEND
"Shkon në 30 numri i viktimave, humb jetën 52- vjeçari. 5 raste në terapi intensive"
Gjatë 24 orëve të fun dit, janë konfirmuar 14 raste të reja pozitive me koronavirus, pas testimit të 267 personave. Ndërkohë që numri i viktimave që kanë humbur jetën në betejën me virusin ka arritur në 30 në Shqipëri, pas vdekjes së një 52- vjeçari mëngjesin e djeshëm. Sakaq, mosha mesatare e rasteve të konfirmuara është 46.8 vjeç për vendin tonë. Drejtoresha e Institutit të Shëndetit Publik, Albana Fico, në komunikimin e përditshëm për mediat, ka sqaruar situatën e deritanishme epidemiologjike. "Si çdo ditë, ju bëjmë me dije rezultatet e 24 orëve të fundit sa i takon gjurmimit dhe hetimit epidemiologjik dhe situatën e deritanishme të përhapjes së COVID- 19. Gjatë 24 orëve të fundit janë testuar 267 persona të dyshuar me COVID- 19. Nga rezultatet e testimeve janë konfirmuar 14 raste pozitive me COVID19, nga të cilat 7 raste janë në Tiranë, 5 raste në Krujë dhe 2 raste në Shkodër. Deri në këto momente janë testuar 7758 raste të dyshuara dhe prej tyre janë të konfirmuar pozitivë me COVID19, 750 raste. Mosha mesatare e rasteve të konfirmuara është 46.8 vjeç",- tha Fico në fjalën e saj.
VIKTIMAT E PACIENTËT AKTIVË
Numri i personave që kanë humbur jetën nga koronavirusi në Shqipëri ka arritur në 30. "Mëngjesin e sotëm ( djeshëm) ka ndërruar jetë një 53- vjeçar nga Kruja me iniciale S. B, i cili ka qëndruar për 8 ditë në reanimacion i intubuar në spitalin infektiv. Ministria e Shëndetësisë i shpreh ngushëllimet familjarëve. Shkon në 30 numri i qytetarëve që e kanë humbur betejën me këtë sëmundje, me gjithë përpjekjet e stafit mjekësor",- u shpreh drejtoresha e ISHP- së. Aktualisht në vendin tonë, 289 persona janë aktivë me COVID19 dhe numri i të shëruarve është më i lartë. Kjo tendencë tashmë vazhdon të jetë e qëndrueshme. Ndërkohë në shërbimin infektiv aktualisht janë 27 të shtruar, e 3 pacientë janë në terapi intensive. Ndërsa në spitalin COVID 2 "Shefqet Ndroqi", janë 5 pacientë të shtruar, 2 prej të cilëve janë në terapi intensive në gjendje më të rënduar. Në dy spitalet COVID aktualisht po marrin shërbim 32 pacientë. Gjatë 24 orëve të fundit, 9 pacientë të tjerë i janë shtuar listës së të shëru
arve, duke e çuar totalin e të shëruarve nga COVID- 19 në 431.
SITUATA EPIDEMIOLOGJIKE
Drejtoresha e Institutit të Shëndetit Publik, Albana Fico tha se pavarësisht luhatjeve në numra ditorë situata vazhdon të jetë e kontrolluar. Sipas saj, tregues për këtë janë numri i qëndrueshëm i shtrimeve në spitale dhe numri i ulët i qytetarëve që kanë pasur nevojë për frymëmarrje të drejtuar. Ndërkohë Ministria e Shëndetësisë i ka bërë thirrje
qytetarëve që të zbatojnë masat e distancimit fizik me synim parandalimin e përhapjes së virusit. "Që kjo situatë të vazhdojë të jetë e kontrolluar dhe në kushtet e lehtësimit të disa masave, Ministria e Shëndetësisë dhe Mbrojtjes Sociale i bën thir
rje të gjithë qytetarëve që të vazhdojnë të respektojnë masat e vendosura, të respektohet distancimi fizik dhe ruajtja e higjienës personale.
Këto masa duhet të respektohen maksimalisht edhe brenda rretheve familjare, duke shmangur vizitat tek të
afërmit për çdo lloj arsye.
Nëse keni shenja të sëmundjes COVID- 19 telefononi numrin e urgjencës 127. Për çdo pyetje apo informacion rreth COVID- 19 telefononi në linjën e gjelbër 0800 40 40",- theksoi Ministria e Shëndetësisë.