“Po luhet një skenar i madh”, Salianji: Po paguhen biznese që heqin njerëzit nga puna me marrëveshje…
RTSH, tender 300 mijë euro për mallra që kushtojnë 50 mijë euro”
Ish-
deputeti i PD- së, Erv in Salianji, akuzoi dje kryeministri Edi Rama po përdor situatën e krijuar nga pandemia e koronavirusit për të “bërë batërdinë me paratë e shqiptarëve”. Sipas ish- deputetit, Rama po e përdor këtë situatë për të “dobësuar fuqinë e njerëzve”, duke shtuar se qeverisja e tij është “katastrofë për Shqipërinë”. “Rama po shfrytëzon mbylljen e ekonomisë që të përcaktojë kush do të përfitojë nga mbyllja dhe nga hapja e ekonomisë. Mundësitë për të mbijetuar, fryrë dhe rritur duke u majmur nga gjaku i shqiptarëve sot e kanë oligarkët afër qeverisë, ata që Rama po i paguan me paratë e taksave të vuajtjes pre mbijetesë të pjesës dërrmuese të qytetarëve! Çdo kompani që i vihet laku në fyt sot jo vetëm duke mos u ndihmuar, por duke i kërkuar taksa/ tatime dhe pagesat e punëtorëve është dërgimi i këtyre kompanive në faliment dhe oportunitet që oligarkët të zënë vendin në treg të këtyre kompanive. Duket qartë që këtu po luhet një skenar i madh për të ribërë dhe ekonominë/ bizneset. Shikoni se si me paratë e shqiptareve po paguhen vetëm disa biznese që i heqin njerëzit nga puna me marrëveshje të shpikura jashtë kodit të punës dhe përfitojnë nga ndihmat dhe të tjerët që respektuan kodin dhe punëtorët nuk përfituan asgjë madje përballojnë jo vetëm fitimin e munguar, por çdo kosto që ju vjen nga mbyllja. Ndërkohë që shpallja e gjendjes së fatkeqësisë natyrore e detyron qeverinë t’i paguajë një më një!”, - tha z. Salianji për News 24. Po dje Salianji, akuzoi qeverinë se po përdor situatën e krijuar nga koronavirusi për “pushtet personal dhe për zhvatjen e qytetarëve”. Salianji denoncoi atë që e cilësoi “tender të dyshimtë” nga TVSH, ku, sipas tij, vlerat e mallrave që pritet të blihen janë gjashtëfishua. Sipas Salianjit, drejtori i RTSH ka firmosur një tender 300 mijë euro për mallra që kushtojnë vetëm 50 mijë euro.