Vendimi i senatit akademik: Studentët e Mjekësisë, testime pas 23 qershorit
Sistemi i vlerësimit për kandidatët që kanë aplikuar për specializime afatgjata Si do të kryhen praktikat profesionale dhe mbrojtja e diplomës
Studentët e Univer sitetit të Mjekësisë do të testohen pas datës 23 qershor të këtij viti, duke respektuar të gjitha rregullat e distancimit fizik. Kjo është një ndër pikat e vendimit qarkullues nga Senati Akademik i UM- së "Mbi zhvillimin e proceseve akademike në situatën e krijuar nga infeksioni COVID 19, në Universitetin e Mjekësisë Tiranë. "Gazeta Shqiptare" zbardh sot vendimin e sipërpërmendur mbi vijimin e procesit akademik. Kështu në vendim theksohet se leksionet dhe seminaret e lëndëve/ moduleve, sipas planeve mësimore të programeve të ciklit të parë, të integruar të ciklit të dytë dhe të ciklit të dytë të zhvilluara nëpërmjet platformave online, konsiderohen detyrime të kryera nga pedagogët dhe studentët. Laboratorët dhe praktikat lëndore/ klinike/ mësimore që janë zhvilluar në masën jo më pak 50% e tyre, detyrime të kryera për lëndën/ programin përkatës. Ndërkohë orët e laboratorëve dhe praktikave lëndore/ klinike/ mësimore që janë kryer nën masën 50%, të realizohen seancat e prapambetura në mënyrë të përqendruar duke respektuar distancimin social ( fizik), në kohën e lejuar nga Ministria përgjegjëse për Shëndetësinë. Studentët do të ruajnë të drejtën e frekuentimit vullnetar të seancave të prapambetura në vitin e ardhshëm akademik, së bashku me grupet mësimore të rregullta.
PROVIMET
Provimet zhvillohen në përfundim të proceseve mësimore ( pas datës 23 qershor). Forma e zhvillimit të provimeve është me shkrim ose në distancë. "Realizimi i provimeve me shkrim bëhet në grupe të vogla, duke respektuar rregullat e distancimit social ( fizik) dhe të masave mbrojtëse ( studenti është i detyruar të paraqitet në provim me maskë mbrojtëse). Në lëndët ose modulet ku është e mundur të realizohen provime në distancë, personeli akademik merr përsipër realizimin e tyre nëse platformat në përdorim e mundësojnë këtë proces. Për këto raste, dekanatet miratojnë lëndët/ modulet që do të realizohen me provime në distancë, si dhe hartojnë dhe miratojnë procedurë të posaçme mbi mënyrën e zhvillimit dhe dokumentimit të provimeve duke informuar njëkohësisht pedagogët dhe studentët",- thuhet në vendim.
PUNIMET E DIPLOMËS
Për studentët e viteve të fundit sipas programeve të studimit, dekanatet në bashkëpunim me urdhrat përkatës ose Ministrinë përgjegjëse për Shëndetësinë, do tu mundësohet kryerja e praktikave profesionale në
Fazat
e hapjes së siste mit shëndetësor në Shqipëri nuk do të jenë të shpejta. Aktualisht po bëhet vlerësimi i fazave për të garantuar mbrojtjen e pacientëve. Lajmi është bërë me dije ditën e djeshme nga ministrja e Shëndetësisë dhe Mbrojtjes Sociale Ogerta Manastirliu gjatë inspektimit të masave të marra në Spitalin Universitar të Traumës. "Jemi duke vlerësuar me shumë kujdes të gjitha fazat e hapjes së sistemit shëndetësor që nuk do jenë dhe aq të shpejta, pasi duhet që të garantojmë mbrojtjen e pacienteve, mbrojtjen tuaj. Puna nuk ka ndalur në spitale, por për urgjencat kirurgjikale dhe ato malinje do të vazhdojë puna me intensitet nga stafet mjekësore kudo në vend",- tha Manastirliu.
URGJENCAT DHE NDËRHYRJET
Që prej fillimit të epidemisë deri më tani, në Shqipëri janë kryer rreth 500 ndërhyrje kirurgjikale ndërsa janë pritur rreth 4000 urgjenca. "Shqetësimi masën e përcaktuar, si dhe fillimi i punimit të diplomës ( studentët që nuk kanë detyrime akademike të mbartura të viteve të mëparshme dhe që e kanë detyrim mbrojtjen me punim diplome), për të shlyer detyrimin e mbrojtjes së diplomës brenda muajit korrik 2020. Në këtë sezon diplomimi përfshihet dhe datat e planifikuara ne 5 mujorin e parë të vitit 2020.
SPECIALIZIMET AFATGJATA
Vlerësimi i kandidatëve që kanë aplikuar për kuotat e pranimit për vitin akademik 2019- 2020, do të bëhet me sistem pikësh maksimumi 1000 pikë të konvertuara, 30% e pikëve ( 300 pikë të konvertuara) do të vijnë nga nota mesatare e ponderuar ( e rrumbullakosur me dy shifra pas presjes dhjetore) dhe 70 % ( 700 pikë të konvertuara, të rrumbullakosura me dy shifra pas presjes dhjetore) do të vijnë nga testimi i informatizuar sipas përcaktimeve në nenin 38 të Rregullores së specializimeve afatgjata në fushën e mjekësisë, miratuara nga Senati Akademik i UMT- së. Kandidatët që kanë grumbulluar jo më pak se 380 pikë nga numri i pikëve totale të konvertuara ( maksimumi 1000 pikë), kualifikohen për procesin e përzgjedhjes së programit të specializimit sipas sistemit të meritës. "Për shkak të situatës të situatës së krijuar nga COVID19: a. Nuk zhvillohet intervista me gojë; b. Numri i kandidatëve sipas grupeve do të zhvillojnë testimin e informatizuar ( pas datës 23 qershor), duke respektuar distancimin social ( fizik) dhe në bashkëpunim me QSHA; c. Dekani së bashku me Komisionin e Vlerësimit administrojnë procesin e pranimeve në programet specializime afatgjata në fushën e mjekësisë për vitin akademik 2019- 2020, duke respektuar distancimin social ( fizik)",- theksohet në vendim.
DOKTORATURAT
Por si do të vijojë procesi i mbrojtjes së doktoratave në njësitë kryesore dhe të promovimit të personelit akademik të UMT- së? Komisionet për dhënien e gradës shkencore "Doktor" dhe juritë e ngritura të vijojnë proceset për mbrojtjen e doktoratave. Mbledhjet e komisioneve/ jurive mund të zhvillohen fizikisht duke respektuar distancimin social ( fizik) ose nëpërmjet platformës online të dakordësuar prej tyre. Nëse përdoret mënyra online, kryetari i Komisionit/ Jurisë ka detyrimin e regjistrimit të çdo mbledhje dhe arkivimit të tij. Komisioni për promovimin e titujve akademik vijojnë me procedurat përkatëse duke respektuar distancimin social ( fizik) në mbledhjet e organizuar fizikisht ose nëpërmjet platformës online të dakordësuar prej tyre. Nëse përdoret mënyra online, kryetari i Komisionit ka detyrimin e regjistrimit të çdo mbledhje dhe arkivimit të tij.