BB: Rënia e ekonomisë në Shqipëri 5- 7 për qind
Raporti i Bankës Botërore për ndikimin makroekonomik të pandemisë COVID- 19 Dy faktorët kryesor që prekin tregun e punës
Banka Botërore parashikon ndikimin e pandemisë COVID- 19 në ekonominë shqiptare në dy skenarë. I pari, nëse kriza zgjat vetëm një 3 mujor rënia ekonomike do të jetë 5 %. I dyti, nëse pandemia shtrihet në 2 tremujor rënie ekonomike pritet të jetë 7 %. Raporti i Rregullt ekonomik për vendet e Ballkanit Perëndimor fokusohet në ndikimin makroekonomik të pandemisë COVID- 19 në këto vende. Rajoni i Ballkanit Perëndimor pritet të bjerë në recesion në vitin 2020, ku të gjashtë vendet parashikojnë normë negative të rritjes ekonomike teksa vijojnë përpjekjet për të trajtuar efektet ekonomike të pandemisë së COVID- 19.
Për sa i takon Shqipërisë, mesazhet kryesore të raportit janë në dy goditje të njëpasnjëshme me pasoja shkatërruese: tërmeti i nëntorit 2019 dhe pandemia COVID- 19 kanë ngrirë një pjesë të madhe të ekonomisë. "Nëse shumica e aktiviteteve ekonomike mund të rinisin në fillim të verës, rritja vjetore e PBB- së pritet të tkurret me 5 për qind për vitin 2020. Qeveria shqiptare ka ndërmarrë një seri masash për të mbështetur ekonomin edhe zbutur pasojat e saj në jetën e njerëzve. Një zbatim i shpejt edhe i mirëmenduar do të rriste efektivitetin e këtyre masave. Pasi të tejkalohet kriza, normalizimi i aktivitetit ekonomik dhe procesi i rindërtimit për zbutjen e pasojave të tërmetit pritet të mbështesin një rritje të shpejtë, por në planin afatmesëm nevojitet vazhdimi i reformave strukturore"- thuhet në raport.
TREGU I PUNËS
Ndjeshmëria më e madhe e Shqipërisë te tregu i punës. Banka Botërore ka publikuar një Hartë të të Dhënave për Ndjeshmërinë Relative ndaj COVID- 19 të Ballkanit Perëndimor. "Shqipëria e ka ndjeshmërinë më të madhe te tregu i punës për dy arsye: Së pari, për nivelin e lartë të vetëpunësimit, me 34.7% të totalit dhe së dyti me Punësimin informal (% e totalit të të punësuarve), që është 61%, një rekord në Ballkan. Më mirë Shqipëria renditet sa I përket sektorit financiar. Në dobësitë e jashtme është më e prekur në eksportet e shërbimeve dhe në turizëm"- thuhet në raport.
EFEKTI NË TURIZËM
Recesioni do të jetë veçanërisht i rëndë në Malin e Zi, Shqipëri dhe Kosovë për shkak të varësisë së tyre nga turizmi. Në nivel global, sipas supozimit të fundit të