Falja e gjobave dhe tërheqja e patentave, grafiku me datat

Miratohet propozimi për kthimin e makinave të bllokuara dhe gjobave të paguara

të shkaktuar nga COVID- 19, duke filluar nga momenti i konstatimit të kësaj sëmundjeje në territorin e Republikës së Shqipërisë deri në datën 17.4.2020. Ndërsa në nenin 2 parashikohet kthimi i detyrimit të masës administrative me gjobë të falur, por të paguar, për masat administrative me gjobë, që merret nga zëri përkatës i buxhetit të shtetit apo buxhetit të institucionit në të cilin është arkëtuar shuma, me urdhër të nëpunësit të parë autorizues dhe kalohet në mënyrë automatike në llogarinë bankare të individit ose në mungesë të saj, kjo shumë i dërgohet institucionit shtetëror që ka vendosur masën me gjobë për t'ia dorëzuar subjektit përfitues. Në këtë nen gjithashtu përcaktohet edhe detyrimi i të gjitha institucioneve shtetërore për të dërguar listat e personave ndaj të cilëve është vendosur masa administrative me gjobë, duke përfshirë shumën si dhe të dhënat e nevojshme për kthimin e saj brenda datës 30 prill 2020. Afati kohor për kthimin e shumave pranë llogarisë bankare të subjektit përfitues apo institucionit shtetëror që ka vendosur masën administrative me gjobë është caktuar të jetë brenda datës 15 maj 2020. Sa i përket mënyrës dhe rregullave të hollësishme të kthimit të shumave të paguara, do të përcaktohen me udhëzim të ministrit të Financave dhe Ekonomisë. Në nenin 3 parashikohet kthimi i lejeve/ licencave dhe të mjeteve të bllokuara, në zbatim të masave administrative, duke përcaktuar se ky proces do të realizohet brenda datës 15 maj 2020. Akti normativ vjen në të njëjtin kuadër me ndryshimet e fundit të Kodit Penal, sipas të cilit "moszbatimi ose kryerja e veprimeve në kundërshtim me aktet ligjore dhe nënligjore të nxjerra nga organet shtetërore, në funksion të gjendjes së epidemisë apo të zbatimit të masave të jashtëzakonshme, nga personi ndaj të cilit është dhënë më parë masë administrative, dënohet me gjobë ose me burgim deri në gjashtë muaj".