Duka: Kampionati do rifillojë, fatin e PSG- së dhe Lionit e ka UEFA
Ndërkohë kreu i Komisionit Mjekësor të UEFA- s deklaron se janë të gjitha shanset për të rinisur sezonin Kreu i FSHF- së dhe anëtar i KE- së së Nionit flet për "Radio Kiss Kiss"
Armand Duka, presi denti i Federatës Sh qiptare të Futbollit dhe anëtar i Komitetit Ekzekutiv të UEFA- s, ka folur për radion e njohur italiane, "Radio Kiss Kiss" në lidhje me kampionatin shqiptar, ku ka saktësuar se qëllimi është që gara të mbyllet normalisht. "Në Shqipëri po diskutojmë për rifillimin, kemi propozuar të rifillojmë kampionatet në fund të majit, por është i nevojshëm një protokoll mjekësor. Duam të kthehemi të luajmë sa më shpejt të jetë e mundur, por gjëja më e rëndësishme është shëndeti i lojtarëve. Nëse nuk kemi siguri, nuk kthehemi të luajmë".
Ai theksoi se jo të gjitha vendet do të ndjekin shembullin e Francës, pasi koronavirusi ka numër të ndryshëm të infektuarisht në shtete të ndryshme. "Është e pamendueshme që të ndiqet e njëjta linjë në të gjithë Europën. Numri i të infektuarve ndryshon nga shteti në shtet. Qëllimi është që të mbarojnë garat, por në disa vende ata tashmë kanë vendosur të mbyllin kampionatet. Për ata që mbyllin kampionatet pa mbaruar ndeshjet, është UEFA që vendos nëse do t'i pranojë në Kupat e Europës". Gjithashtu, si pjesë e organit më të lartë vendimmarrës të UEFA- s, Duka thekson se fatin e PSG- së dhe Lionit në Champions League e ka në dorë qeveria e futbollit në Nion dhe jo ajo e Francës. "Do të jetë një komision, që do të vendosë për pjesëmarrjen në kupat europiane, sipas argumenteve që do të paraqiten. PSG dhe Lion për mendimin tim do të luajnë ndeshjet e Ligës së Kampionëve, vendimi i qeverisë franceze s'ndikon. Ata mund të ndalojnë kampionatin francez, por jo Champions League".
REAGIMI I UEFA- S
Qeveritë e vendeve të ndryshme do ta kenë topin në fushën e tyre për të vendosur, por UEFA ka theksuar sërish sot se është e mundshme të programohet rifillimi i veprimtarive të ndërprera nga emergjenca e koronavirusit. Sigurisht, duke respektuar protokollet sanitare që çdo federatë do të bashkërendojë me legjislacionet e shtetit që i përkasin. Një qëndrim zyrtar ky i dhënë nga profesori Tim Mejer, presidenti i Komisionit Mjekësor të UEFA- s: "Në diskutimin e rifillimit të futbollit në nivel elitar, shëndeti i lojtarëve dhe i të gjithë atyre që janë të përfshirë në këto ndeshje si dhe i publikut, është i rëndësisë thelbësore. Të gjitha organizatat futbollistike që po planifikojnë rifillimin e veprimtarive të tyre do të realizojnë protokollin e plotë që diktojnë kushtet sanitare dhe shëndetësore për të garantuar që të jetë i sigurt shëndeti i njerëzve të përfshirë në ndeshje dhe që të ruhet integriteti i politikave publike. Në këto kushte dhe në respekt të plotë të legjislacioneve lokale, është e mundur të planifikohet rifillimi i veprimtarive të ndërprera gjatë sezonit 2019- 20".