Fashat e lëvizjes, Rama: Të shtunën dyqanet të hapura, të dielën gjithçka mbyllur
“1 Maji, nuk do të ketë mbyllje të detyrueshme”
Procesi i hapjes pas 3 fundjavash izolimi nis nga kjo e shtunë. Liridalja këtë fundjavë do të jetë ndryshe nga ajo e fundjavave të tjera. Por pavarësisht nga këto hapa lehtësues sërish do të ketë kufizime për këmbësorët. Kryeministri Edi Rama ka bërë një njoftim të rëndësishëm sa i takon daljen në fundjave të pensionisteve dhe prindërve më fëmijë, për të cilët do të këtë fasha orari të veçanta. Sipas Ramës, të moshuarve iu lejohet të dalin të shtunën dhe të dielën, deri në orën 10: 00 të paradites, ndërsa prindërve, duke nisur nga ora 11: 00, deri në 17: 30. Ndërkohë, që përgjatë fundjavës nuk do të lejohet qarkullimi i mjeteve private. Me anë të një statusi në Facebook, kryeministri Rama sqaron të shtunën dhe të dielën pensionistët do të lejohen të dalin lirisht deri në orën 10: 00. Gjithashtu, edhe prindërit me fëmijët deri në 14 vjeç do të lejohen të dalin lirisht nga ora 11: 00 deri në orën 17: 30. Të gjithë të tjerët në shtëpi brenda kësaj fashe orare. Gjithashtu, të shtunën do të qëndrojnë hapur vetëm ushqimoret dhe farmacitë deri në orën 17: 30, ndërsa të dielën nuk do të kenë mundësi të ushtrojnë aktivitetin e tyre. Gjatë fundjavës do të ndalohet kategorikisht qarkullimi i automjeteve private. “Të shtunën 2 maj dhe të dielën 3 maj, pensionistët do të lejohen të dalin lirisht deri në orën 10.00. Të gjithë të tjerët në shtëpi brenda kësaj fashe orare. Të shtunën 2 maj dhe të dielën 3 maj, prindërit me fëmijët deri në 14 vjeç do të lejohen të dalin lirisht nga ora 11.00 deri në orën 17.30. Të shtunën 2 maj do të qëndrojnë hapur vetëm ushqimoret dhe farmacitë deri në orën 17.30. Të dielën të gjitha mbyllur. Gjatë të shtunës 2 maj dhe
SALI BERISHA
Ish- kryeministri Sali Berisha publikoi dje një video ku shihet kryebashkiaku i Kukësit, Safet Gjici teksa bisedon me një të moshuar, i cili ka dalë nga shtëpia për të bërë pazar, edhe pse nuk lejohet në këtë kohë pandemie. Berisha shkruan se bëhet fjalë për një ishushtarak. “Ja hakërrimi i derrit të kënaqur Gjici ndaj pensionistit veteran ish- ushtarak. Dëgjojeni vetë! Sb”, shkruan Berisha. të dielës 3 maj do të ndalohet kategorikisht qarkullimi i automjeteve private. Kujdes! Nga sjellja e duhur në distancimin social dhe zbatimi i rregullit bazë të mosgrumbullimit jashtë qelizës familjare gjatë fashës orare të lëvizjes këtë fundjavë, varet ecuria e mëtejshme pozitive e kësaj lufte deri këtu të zhvilluar shkëlqyeshëm, po edhe vendimmarrja jonë për më tej”, - deklaroi z. Rama. Po dje pas shqetësimit të madh të qytetarëve se si do të veprohet sot, në ditën e 1 Majit, nëse do të ketë izolim total, reagoi sërish me një sqarim kryeministri i vendit, Edi Rama. Me një shënim në faqen e tij në Facebook, Rama sqaron se “Nuk do të ketë mbyllje të detyrueshme dhe të gjithë ata që duan të punojnë mund të punojnë, me të njëjtat rregulla si të çdo dite të kësaj jave”.