Ambasada e SHBA mbështetje për drejtësinë dhe SPAK, Yuri Kim thirrje politikanëve: Mbështesni punën e tyre!
35 mijë dosje “flenë” në Gjykatën e Lartë, ambasada e SHBA: Kemi punësuar avokatë “Mbështetja teknike e OPDAT është vetëm një pjesë e mbështetjes së dhënë për sistemin e reformuar të drejtësisë”
Shtetet e Bashkuara të Amerikës po vijojnë të japin kontributin për reformën në drejtësi. Kështu, përmes një mesazhi në faqen zyrtare, ambasada amerikane në Tiranë bën me dije se programi i OPDAT i Departamentit të Drejtësisë së Shteteve të Bashkuara vijon mbështetjen e tij për organet e drejtësisë së re. Gjatë diskutimit të tyre me ambasadoren Yuri Kim këtë javë, anëtarët e SPAK thanë se dhurimi i kompjuterëve portativë nga OPDAT do të përmirësojë aftësinë e tyre për të punuar në terren duke mbajtur kontakt sa më të pakët gjatë kësaj kohe sfiduese. Përgjatë muajve të fundit, anëtarët e SPAK kanë vijuar hetimet e tyre, duke shqyrtuar dhe ngritur çështje, gjë e cila pasqyron përkushtimin e tyre për ta bërë këtë institucion një forcë efikase kundër krimit të organizuar dhe korrupsionit.
Edhe gjatë kësaj periudhe të vështirë, janë kryer hetime proaktive mbi procedura penale të dyshuara për korrupsion. Ambasadorja Kim nënvizoi se mbështetja teknike e OPDAT është vetëm një pjesë e mbështetjes së plotë që ambasada e Shteteve të Bashkuara në Tiranë ka dhënë dhe do të japë gjithmonë për SPAK dhe të gjithë sistemin e reformuar të drejtësisë. Ambasadorja nxiti të gjithë në këtë vend – qytetarë të thjeshtë, zyrtarë, politikanë, të gjithë – që të mbështesin SPAK- un ndërsa vijon të hedhë themelet e tij me procesin përzgjedhës së Byrosë Kombëtare të Hetimit. Ndërkaq, mbrëmjen e së mërkurës, ambasada e SHBA në Tiranë ka njoftuar se do të ndihmojë Gjykatën e Lartë me stokun e dosjeve të prapambetura. Me një shënim në Facebook, ambasada e SHBA shkruan se janë 35 mijë dosje në gjykatë që presin, ndërsa shton se për të zgjidhur problemin, USAID dhe Këshilli i Lartë Gjyqësor Shqiptar nënshkruan një Memorandum Mirëkuptimi më 29 prill. Sipas kësaj marrëveshjeje, Ambasada thotë se një ekip i veçantë avokatësh të zotë shqiptarë do të punësohen për të ndihmuar gjykatën që të veprojë me më shumë efikasitet. “Drejtësia e vonuar është drejtësi e mohuar. Ne presim të shohim numrin e prapambetur të këtyre çështjeve që zvogëlohet sa më shpejt që të jetë e mundur”, shkruhet mes te tjerash ne postimin e ambasadës se SHBA ne Facebook. “Gjykata e Lartë ka aktualisht pothuajse 35,000 dosje të prapambetura. Për të zgjidhur këtë problem, USAID dhe Këshilli i Lartë