Biznesi takon ambasadoren e SHBA: Qeveria, masa të tjera lehtësuese
Bordi i AmCham kërkon masa lehtësuese për sipërmarrjet
Bordi drejtues i Dhomës Amerikane të Tregtisë dhe drejtues të bizneseve anëtare zhvilluan më 29 prill një videotakim me ambasadoren e SHBA- ve, Yuri Kim, ku u diskutua gjerësisht mbi sfidat e COVID- 19. Ambasadorja e SHBAve, Yuri Kim, theksoi rolin e rëndësishëm që Dhoma Amerikane e Tregtisë ka luajtur në identifikimin e problemeve dhe rekomandimet e bëra ndaj qeverisë, me zgjidhjet që ofrojnë impakt lehtësues për bizneset. Gjithashtu, ambasadorja vlerësoi donacionet dhe angazhimin e kompanive anëtare të AmCham për t'i ardhur në ndihmë komunitetit shqiptar në këto kohë të vështira. Lajmi është bërë i ditur nga Dhoma Amerikane e Tregtisë në Tiranë. Sipas njoftimit në faqen zyrtare të Dhomës, mësohet se gjatë takimit, ambasadorja Kim dhe përfaqësuesit e Dhomës Amerikane shkëmbyen mendime të drejtpërdrejta mbi sfidat që bizneseve iu është dashur të kapërcejnë dhe ato me të cilat po përballen. Takimi ka shërbyer gjithashtu si një platformë për të diskutuar edhe mundësitë e përshtatshme për rihapjen e ekonomisë pa cenuar prioritetin e sigurisë shëndetësore. Bordi i AmCham dhe drejtuesit e kompanive anëtare shprehën shqetësimin mbi situatën aktuale ekonomike dhe theksuan se nga ana e qeverisë duhet të ndërmerren masa të tjera lehtësuese për të frenuar efektet e padëshirueshme te bizneset dhe industritë përkatëse. Forcimi i bashkëpunimit ekonomik rajonal dhe përcaktimi i korridoreve me zona të sigurta ishin gjithashtu pjesë e diskutimeve.
SHKËMBIMET TREGTARE
Ambasadorja e SHBA- ve në Tiranë dhe dhoma e Amerikane e Trëgtisë vlerësojnë si prioritare shkëm
bimet tregtare mes dy vendeve. "Rritja e shkëmbimeve tregtare midis Shteteve të Bashkuara dhe Shqipërisë është një nga prioritetet kryesore të ambasadores Kim dhe Dhomës Amerikane. Mbështetja e ambasadës për komunitetin e biznesit do të ndihmojë AmCham dhe anëtarët e saj të mbështesin zbatimin e hapave të mëtejshëm të
rëndësishëm, që duhet të ndërmerren për përmirësimin e klimës së biznesit në Shqipëri", - thuhet në njoftim. Ndërkohë, pak ditë më parë anëtarët e Dhomës Amerikane të Tregtisë në Shqipëri zhvilluan një anketim me një bazë të gjerë të anëtarëve të saj për të matur ndikimin e COVID- 19 në fuqinë punëtore. AmCham përfaqëson 224 kompani me një total prej 38,000
BASHKËPUNIMI
Bordi i AmCham dhe drejtuesit e kompanive anëtare shprehën shqetësimin mbi situatën aktuale ekonomike dhe theksuan se nga ana e qeverisë duhet të ndërmerren masa të tjera lehtësuese për të frenuar efektet e padëshirueshme te bizneset dhe industritë përkatëse. Forcimi i bashkëpunimit ekonomik rajonal dhe përcaktimi i korridoreve me zona të sigurta ishin gjithashtu pjesë e diskutimeve.
të punësuarish, të cilët raportuan 464 pushime nga puna, që përfaqësojnë 1.9% të fuqisë ekzistuese të punës. 175 kompani ose 78% e bazës së anëtarëve të AmCham morën pjesë në studim - një normë kjo jashtëzakonisht e lartë e përgjigjes - duke reflektuar shqetësimin e tyre gjatë krizës. Nga 175 kompani pjesëmarrëse, 30 kompani ( 17%) kanë zbatuar tashmë
disa shkurtime pune gjatë periudhës mars- prill, ndërkohë një shumicë e madhe ( 83%) po i mban të gjithë punonjësit. Ndikimi ndryshon në varësi të sektorit, por një ndikim më të madh kanë sektorët e turizmit, ndërtimit, shërbimeve dhe transportit. Një numër i konsiderueshëm i anëtarëve deklaruan një gatishmëri për të mbrojtur punonjësit, duke i parë ata
si kapital i çmuar njerëzor. Anëtarët e AmCham konfirmuan se do t'i konsiderojnë pushimet nga puna vetëm si masë e fundit. Por ndërkohë përfaqësuesit e kompanive shprehën shqetësimin për të ardhmen e afërt. Rreth 16 kompani të tjera ( 9%) po planifikojnë gjithsej 666 pushime nga puna ( 2.7%) në 2 muajt e ardhshëm, nëse situata nuk përmirësohet.