ISHP: Pozitiviteti i rasteve bie në 4.3%, vlera më e ulët që nga 9 marsi
Eugena Tomini: 803 të infektuar në total, 68% e tyre të shëruar. 229 pacientë aktivë "8 pacientë të rinj me koronavirus, 7 në terapi intensive"
Rastet e reja pozitive me koronavirus gjatë javës së kaluar, janë ulur në vlerën 4.3%, e regjistruar kjo si vlera më e ulët që pas fillimit të epidemisë. Ndërkohë brenda 24 orëve të fundit, kurba e koronavirusit ka qëndruar pothuajse njësoj, me 8 raste të reja pozitive të konfirmuara. Përkatësisht 5 të prekur rezultuan në Tiranë, 2 në Elbasan dhe 1 në Durrës. Të dhënat u bënë publike mesditën e djeshme nga Eugena Tomini, shefe e Survejancës dhe Shërbimit të Inteligjencës Epidemike në ISHP. "Situata epidemiologjike në vend aktualisht paraqitet e qëndrueshme dhe me një nivel të ulet të pozitivitetit krahasuar me numrin total të testimeve. Gjatë javës së epidemisë, përqindja e pozitivitetit arriti në 4.3 %, vlera më e ulët nga fillimi i epidemisë, që tregon funksionimin e masave të marra, identifikimin dhe gjurmimin epidemiologjik të rasteve të dyshuara dhe kontakteve të tyre në kohë. Nga 140 testimet e kryera gjatë 24 orëve të fundit për persona të dyshuar me COVID- 19, janë vetëm 8 raste pozitive, përkatësisht në Tiranë 5 raste, në Elbasan 2 raste dhe në Durrës 1 rast. Për të gjitha rastet vazhdon hetimi epidemiologjik në terren",- tha Tomini. Që nga fillimi i epidemisë deri mesditën e së hënës janë konfirmuar pozitivë me COVID- 19 në të gjithë vendin 803 qytetarë dhe aktualisht 68 % e tyre janë shëruar. Në të gjithë vendin aktualisht janë 229 persona aktivë me COVID19.
PACIENTË NË TERAPI INTENSIVE
Tomini bëri me dije se pjesa më e madhe e të prekurve po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin "Shefqet Ndroqi" gjendja paraqitet e qëndrueshme. Aktualisht janë të shtruar 34 pacientë dhe vetëm 7 prej tyre janë në terapi intensive. "Siç jeni ne dijeni, ka nisur një lehtësim i mëtejshëm i masave shtrënguese, me shtimin e zonave të gjelbërta, lejimin e shërbimit taksi ndërqytetas me dy pasagjerë të së njëjtës