Gjiknuri me Yuri Kim: Të rinisë dialogu, reforma zgjedhore të mbyllet brenda qershorit
Dy
ditë para se bash këkryetari i reformës zgjedhore të raportojë para Komisionit të Posaçëm për ecurinë e Këshillit Politik, Damian Gjiknuri ka informuar online ambasadoren e SHBA në Tiranë Yuri Kim. Me anë të një statusi në Facebook socialisti nënvizon faktin se ka kërkuar mbështetjen e SHBA- së për të nxitur dhe shtyrë përpara rifillimin e tryezës së dialogut politik, dakordësimin e çështjeve të mbetura pezull dhe përmbylljen e reformës brenda qershorit. "Pata kënaqësinë të bashkëbisedoj sot ( dje) me ambasadoren e Shteteve të Bashkuara të Amerikës në Tiranë Yuri Kim. E informova për ecurinë e deritanishme të procesit të reformës zgjedhore dhe kërkova mbështetjen e SHBA për të nxitur dhe shtyrë përpara rifillimin e tryezës së dialogut politik, dakordësimin e çështjeve të mbetura pezull dhe përmbylljen e reformës brenda Qershorit. Miratimi i ligjit të ri elektoral na hap rrugën më pas për arritjen e konsensusit edhe për reformimin e financimit të partive politike, parakusht për shëndoshjen e sistemit demokratik ReformaZgjedhore, - shprehet z. Gjiknuri. Pas 6 javëve ndërprerje komisioni i posaçëm për reformën zgjedhore do të
MBLEDHJA
Komisioni i Posaçëm Parlamentar i Reformës Zgjedhore do të mblidhet ditën e mërkurën në një mbledhje që do të zhvillohet “online”. Ndërkohë që ende nuk ka një dakordësi për të rinisur punën Këshilli Politik ku janë pjesë dhe Partia Demokratike, dhe LSI. Opozita jashtë parlamentit e ka cilësuar si “show” mediatik mbledhjen e radhës së Komisionit. mblidhet online më 6 maj. Gjatë kësaj mbledhjeje, dy bashkëkryetarët Damian Gjiknuri i mazhorancës dhe Rudina Hajdari, e pakicës parlamentare, do të informojnë anëtarët e këtij komisioni për ecurinë e deritanishme të procesit të reformës. Raportimi do të bëhet për periudhën nga momenti i krijimit të Këshillit Politik me pjesëmarrjen e opozitës jashtë parlamentare dhe deri ne fillim të muajit Mars kur puna u ndërpre për shkak te situatës së krijuar nga COVID 19.