Guvernatori Sejko: Kreditë mund të shtyhen deri në 6 muaj
Pandemia do të lërë gjurmë të dukshme, por kalimtare, në ekonominë dhe financat e vendit BSH do të stimulojë furnizim më të madh të ekonomisë me likuiditet
Banka e Shqipërisë po shqyrton variantin për të ristrukturuar kreditë për një afat 6 mujor. Deri tani niveli i kredive të shtyra nga bankat si pasojë e vështirësive financiare të krijuara nga pandemia COVID19 deri dje ishte rreth 2 miliardë euro për 21.000 raste. Guvernatori i Bankës së Shqipërisë Gent Sejko dje gjatë konferencës për shtyp bëri të ditur ne mund ti krijohet mundësia për të bërë një ristrukturim më afatgjatë se një afat 3- mujor ose 6- mujor por gjithmonë kjo do të jetë në funksion të një analize të bilanceve. Bankat vijojnë të procesojnë kërkesat dhe sigurisht që do të ketë një sasi më të madhe të kredive të shtyra. "Ajo që dua të theksoj është që kemi parë një reagim mjaft proaktiv nga bankat e nivelit të dytë, në raport me trajtimin e rasteve të shtyrjes së pagesës së kësteve të kredive si pasojë e vështirësive financiare të krijuara nga pandemia. Kjo është një sjellje profesionale për tu falënderuar", tha Sejko. "Ne po vlerësojmë vazhdimisht situatën financiare të sektorit bankar dhe atij financiar dhe sigurisht dhe situatën që kanë bizneset. Jemi duke analizuar dhe vlerësuar çdo ditë shifrat dhe ndikimin që ka shtyrja e këtyre kësteve në sektorin bankar dhe mundësinë e një reagimi tjetër nga ana e Bankës së Shqipërisë mbas tremujorit të parë të zbatimit të kësaj mase. Sigurisht që disa biznese do të kenë vështirësi financiare më të forta, disa të tjera më të lehta, pra jo të gjithë bizneset do të preken njëlloj. Ne si Bankë Shqipërie po marrim në konsideratë një reagim të dytë në aspektin e ndryshimeve rregullative për të lehtësuar bankat në raport me ristrukturimin e kredive që janë në vështirësi financiare. Pra ne mund ti krijojmë mundësi bankave për të bërë një ristrukturim më afatgjatë se një afat 3- mujor ose 6- mujor por gjithmonë kjo do të jetë në funksion të një analize të bilanceve dhe ciklit të biznesit që kanë biznese të caktuara. Guvernatori i Bankës së Shqipërisë, Gent Sejko tha kriza që ka krijuar pandemia Covid në treguesit ekonomik do të shënojë kulmin e saj në tremujorin e dytë të vitit, por nëse efektet zgjasin, ai ka sinjalizuar aplikimin e politikes monetare jokonvencionale. Kjo politikë synon kanalizimin e flukseve të mëdha afatshkurtra monetare në ekonomi. Masat jokonvensionale janë të lidhura me lehtësime sasiore dhe synojnë një furnizim më të madh të ekonomisë me likuiditet. Sejko tha se, informacioni i disponueshëm tregon se Covid19 do të ketë një ndikim të fortë në të gjithë treguesit ekonomikë dhe financiarë të vendit. Në skenarin pozitiv, atë të një reduktimi gradual
SEJKO: JANË SHTYRË 21 MIJË KREDI
Niveli i kredive të shtyra nga bankat si pasojë e vështirësive financiare të krijuara
nga pandemia COVID- 19 deri dje ishte rreth 2 miliardë euro për 21.000 raste. Madje po shihet mundësia për ristrukutrimin e huave përtej 6 muajve. Lajmi u bë i ditur nga guvernatori i Bankës së Shqipërisë, Gent Sejko, dje gjatë konferencës për shtyp. Bankat vijojnë të procesojnë kërkesat dhe sigurisht që do të ketë një
sasi më të madhe të kredive të shtyra.