Ahmetaj: 25.863 familje janë klasifikuar për rikonstruksion
Procesi i rindërtimit, Rama dhe Ahemtaj konferencë me donatorët mbi zhvillimin e punimeve "Masat e përfitimit do të vlerësohen nga këshillat bashkiakë"
Ministri i Rindërtim it, Arben Ahmetaj, në konferencën e zhvilluar "online" me donatorët u shpreh se në 11 bashkitë e vendit kanë aplikuar 48.708 qytetarë. Nga këto 25.863 janë klasifikuar DS1, DS2, DS3 për rikonstruksionin nëpërmjet granteve, ndërsa 22.845 janë klasifikuar DS4, DS5 dhe do të përfshihen në programet e rindërtimit. Faza e aplikimeve në platformën elektronike zgjati 1 muaj nga 28 janari deri në 28 shkurt. Në konferencë ishte i pranishëm edhe kryeministri Rama, i cili në fjalën e tij ka tërhequr vëmendje që procesi të vazhdojë në përparësitë e vendosura nga qeveria, si strehimin, shkollat dhe infrastrukturën publike.
BONUSI I QERASË
Bonus qiraje do të përfitojnë 12,951 familje sipas shifrave të Ministrisë të Rindërtimit, ndërsa 2,043 familjeve do t'u ndërtohen shtëpitë dhe 2,708 të tjera janë akomoduar në tenda. Nga familjet e vendosura në tenda, mbi 750 familje ndodhen në Tiranë; 751 familje në Krujë, 422 në Durrës dhe 322 në Kurbin. Nga lejet e dhëna për ndërtimin e 2,403 shtëpive me procedurë të përshpejtuar, 1150 janë në Tiranë, 632 në Durrës, 93 në Kamëz dhe 106 në Kurbin. Ahmetaj tha se vlerësimi i thelluar ka përfunduar për 357 apartamente kolektive, 3,529 shtëpi individuale, 99 institucione publike, 108 objekte arsimore dhe 15 qendra shëndetësore. "Më shumë se 1 muaj më parë, vlerësimi i thelluar ishte në proces e sipër, ndërkohë që tani si ligjërisht, edhe teknikisht ka përfunduar". Ministri i Rindërtimit u tha donatorëve se nesër do t'u dorëzohet i gjithë dokumentacioni i miratuar nga komisionin e rindërtimit. "Dosjet i kemi përkthyer, nëse doni t'i monitoroni. Në Durrës po punojmë, Shijaku është në fazë të përparuar, ' Laç 1' dhe ' Laç 2' është miratuar po ashtu etj.. Ju mund të merrni të gjitha dosjet dhe mund t'i studioni. Do të presim edhe nisjen e fluturimeve normale nga Turqia që ekipi të vijë dhe të nisë projektin. Me qeverinë turke jemi në një fazë të përparuar, më pas me qeverinë gjermane jemi praktikisht në hapjen e fundit procesit. Me BE- në jemi në një proces të përparuar, kur bëhet fjalë për 15 mln eurot për 22 objektet arsimore. Me Katarin flas shpesh, kanë premtuar 4.6 mln euro për objekte arsimore. Gjatë 2- 3 ditëve do të merrni të gjitha dosjet me të gjitha detajet. Të gjitha huat, kon
RINDËRTIMI
Faza e aplikimeve në platformën elektronike zgjati 1 muaj nga 28 janari deri në 28 shkurt. Në konferencë ishte i pranishëm edhe kryeministri Rama, i cili në fjalën e tij ka tërhequr vëmendje që procesi të vazhdojë në përparësitë e vendosura nga qeveria, si strehimin, shkollat dhe infrastrukturën publike.
tributet dhe fondet do të negociohen, është një program që shikon përtej 2025- ës. Kjo është ajo çka është bërë deri tani", u shpreh Ahmetaj.
APLIKIMI
"Fillon me një vlerësim të thelluar. Ky është një vlerësim që shkon në themel të dëmeve. Më pas kemi aplikimet në platformën elektronike e më pas, procesin e vlerësimit të dosjeve të secilit qytetar. Hapi tjetër janë planet e detyrueshme urbane lokale, të cilat janë të hollësishme tashmë. Hapi tjetër është procesi i shembjes, që këtu ngjan sikur është i lehtë, por nuk është kështu, pasi duhet bashkërenduar dhe duhet të ketë financime të konsiderueshme. Hapi tjetër janë shpronësimet, më pas procedurat e prokurimit, pra agjencitë që janë ngarkuar të kryejnë këtë proces e më pas, emëruesi i përbashkët, që është bashkërendimi i donatorëve në këtë proces", - theksoi ministri Ahmetaj.