SITUATA EPIDEMIOLOGJIKE
"4 raste të reja brenda 24 orësh. Shkon në 872 numri i të prekurve, 75% të shëruar"
Fuqia e koronavirusit në vendin tonë po bie dita- ditës dhe kurba po pëson rënie. Ditën e djeshme është regjistruar numri më i ulët i rasteve pozitive ditore të prekura nga virusi brenda këtyre 8 javëve të fundit me vetëm 4 persona të infektuar. Të dhënat u bënë publike mesditën e djeshme nga Eugena Tomini, shefe e Survejancës dhe Shërbimit të Inteligjencës Epidemike në ISHP. "Ju bëjmë me dije të dhënat e 24 orëve të fundit të situatës së COVID- 19 në Shqipëri. Situata epidemiologjike në vend paraqitet e qëndrueshme mbështetur në identifikimin e rasteve të deritanishme dhe gjurmimin epidemiologjik në mënyrë aktive. Bazuar në të dhënat e deritanishme vlerësohet se numri efektiv i riprodhimit nga data 24 prill e në vazhdim ka zbritur nën kufirin kritik ( për R < 1). Sot ( dje) është numri më i ulët i rasteve ditore pozitive, e përllogaritur në 8 javët e fundit. Në 24 orët të fundit janë testuar 121 qytetarë të dyshuar si të prekur me COVID- 19 dhe kanë rezultuar pozitivë 4 qytetarë, përkatësisht 2 qytetarë në Tiranë, 1 në Kamëz dhe 1 në Shkodër",- tha Tomini. Ndërkohë ajo shtoi se listës së pacientëve të shëruar i janë shtuar edhe 4 persona. Deri më 11 maj janë konfirmuar pozitivë me COVID- 19 në të gjithë vendin 872 qytetarë.
PACIENTË TË SHËRUAR DHE AKTIVË
Instituti i Shëndetit Publik bëri me dije se deri më tani, 75% e të prekurve nga COVID- 19 në Shqipëri, ( e thënë ndryshe 654 qytetarë) janë shëruar. Në të gjithë vendin aktualisht janë 187 persona aktivë me COVID- 19, kryesisht në Tiranë, Krujë, Shkodër, Kamëz. Situata në spitale paraqitet e qëndrueshme prej ditësh. Aktualisht në dy spitalet COVID janë të shtruar 28 pacientë dhe vetëm 3 prej tyre janë në terapi intensive. Prej më shumë se 10 ditësh nuk ka asnjë humbje jete nga koronavirusi në vendin tonë. Më pak se 15% e të prekurve aktivë po marrin trajtim në spitalet COVID, pjesa tjetër ndiqet nga mjeku i familjes. "Nga fillimi i epidemisë, deri tani, në vendin tonë janë kryer 11089 testime, nga të cilat, 10559 janë testime molekulare dhe 530 janë testime serologjike",- bëri me dije shefja e Survejancës dhe Shërbimit të Inteligjencës Epidemike në ISHP, Eugena Tomini.
RIHAPJA E BIZNESEVE
karantinë, stomatologët, parukierët, dhe berberët i janë rikthyer punës sërish. Gjithashtu, janë rihapur edhe qendrat tregtare. Ashtu siç udhëzohet në protokollet e posaçme, personeli gjatë punës duhet të jetë i pajisur me masa mbrojtëse, ndërsa nuk lejohen më shumë se dy persona, të cilët kanë nevojë për shërbim.
Ndërkohë dentistët thonë se protokolli për masat parandaluese të përhapjes së koronavirusit do të shoqërohet edhe me një rritje të lehtë të çmimeve për shërbimet tek dentisti. Në parukeri gratë dhe vajzat nuk janë lejuar të futen pa maskë, doreza dhe përparëse. Në sallonet e bukurisë duhet të rezervosh një orar për të marrë shërbim, në mënyre që të shmangësh praninë e disa personave në të njëjtin ambient pritës. Edhe burrat nuk kanë munguar të rezervonin tek berberi. Edhe pse këto biznese u lejuan të funksionojnë nën rregulla strikte të sigurisë, ato mund të qëndrojnë hapur deri në 17: 30, pasi Tirana është një nga zonat e kuqe me të infektuar aktivë me COVID- 19.
THIRRJA E MINISTRISË
Pavarësisht lehtësimit të masave, Ministria e Shëndetësisë dhe Mbrojtjes Sociale i ka bërë thirrje qytetarëve të respektojnë rregullat, të