Akuzat e PD- së, Ministria e Shëndetësisë dorëzon në SPAK dokumentet e tenderëve “sekretë”
Spahia, pyetje të tjera për Manastirliun: Kush ishin piromanët që dogjën letrat Prokurori Klodian Braho merr në dorë dosjen
Ministria e Shëndetë sisë ka dërguar dje në Prokurorinë e Posaçme Kundër Korrupsionit dhe Krimit të Organizuar një kopje të akteve, për tenderat të cilët u cilësuan si sekrete. Mësohet se në dosje janë të gjitha dokumentet e kërkuara të ndara në 4 volume. Materialet e përcjella janë fotokopje e dokumenteve të prokurimeve. Dokumentet u dorëzuan me anë të postës ditën e premte nga Ministria e Shëndetësisë, ndërsa institucioni i hetimit sot i mori në dorë. Tashmë materialet do të verifikohen në SPAK nga prokurori Klodian Braho. Fillimisht këto tendera u denoncuan nga Partia Demokratike. SPAK ka marrë në dorëzim dokumentet dhe do të bëjë vlerësimin e tyre. Prokuroria e Posaçme kërkoi informacion nga institucioni që drejtohet nga Ogerta Manastirliu. Një burim zyrtar i SPAK tha për “News 24” se u kërkua informacion nga ministria dhe në të njëjtën kohë iu drejtua me shkresë zyrtare edhe Kontrollit të Lartë të Shtetit. Të premten, më 8 maj – theksoi burimi – ministria na vuri në dispozicion një informacion dhe na bëri me dije se inspektorët e KLSH kishin filluar auditin. Tenderat e klasifikuar sekretë u bënë objekt përplasjes të forta mes Partisë Demokratike dhe institucionit të Shëndetësisë. Opozita akuzoi Ogerta Manastirliun se po bënte përpjekje për të zhdukur provat dhe ka shkuar deri aty sa i vuri zjarrin institucionit. Me marrjen e dokumenteve pritet që brenda 2 javësh deri në 1 muaj prokurori Braho që të vendosë se çfarë do të bëjë, nëse do të kërkojë marrjen në pyetje të personave që kanë firmosur, anëtarëve të komisionit të vlerësimit të ofertave, apo të bashkëpunojë
PËRPLASJA
Tenderat e klasifikuar sekretë u bënë objekt i përplasjes së fortë mes Partisë Demokratike dhe institucionit të Shëndetësisë. Opozita akuzoi Ogerta Manastirliun se po bënte përpjekje për të zhdukur provat dhe ka shkuar deri aty se i vuri zjarrin institucionit. Me marrjen e dokumenteve, pritet që brenda 2 javësh deri në 1 muaj prokurori Braho të vendosë se çfarë do të bëjë, nëse do të kërkojë marrjen në pyetje të personave që kanë firmosur apo të bashkëpunojë me
KLSH- në, që ka nisur për të njëjtën çështje një hetim administrativ. me KLSH- në, që ka nisur për të njëjtën çështje një hetim administrativ. Bëhet fjalë për tenderat me procedurë direkte, për të prokuruar materialet që i duheshin shëndetësisë për periudhën e pandemisë nga mesi i muajit mars dhe deri tani. Kujtojmë që e njëjta procedurë është ndjekur me Ministrinë e Mbrojtjes për tenderin e ushqimeve, që po hetohet nga prokurori Eneid Nakuçi, i cili ka marrë 6 zyrtarë në pyetje.
SULMI I PD- SË
Ndërkaq, Partia Demokratike vijon akuzat dhe publikimin e fakteve për zjarrin në Ministrinë e Shëndetësisë, që e lidh me tenderat sekretë. Ish- deputeti demokrat, Bardh Spahia, i ka drejtuar pyetje të tjera ministres Ogerta Manastirliu. “As 24 orë nuk i mban gënjeshtra, por teksa gënjen, zonja ministre del edhe më zbuluar me justifikimet që vetë nxjerr. Ogerta, ia që tymi të paska dalë. Kur e quan ‘ incident’ zjarrin e rënë në katin e katërt, ku ka zyrat e dy drejtoreshave militante të tenderave, ministrja Manastirliu duhet të sqarojë: - Përse ‘ incidenti’ ndodhi të paktën 5 orë e gjysmë pas orarit të punës 08.00 - 13.00, që vetë ministrja me vendimin nr. 237 / 2020 ka përcaktuar në kuadër të epidemisë së COVID? Komunikimi zyrtar që Ogerta e pranoi thotë se alarmi antizjarr ka rënë rreth orës 18.00? – Përse i gjithë ai zell për të djegur dokumente përtej orës 13.00? Kaq shumë ishin sa nuk mjaftoi orari zyrtar, apo duhej që ndërtesa të ishte pa punonjës, që të mos mësohej se po digjeshin dokumente? Cilët ishin punonjësit piromanë që djegin letra dhe i shuajnë me ujë?”, shkruan ndër të tjera Spahia. Sipas tij, në ministri me urdhrin e ministres kanë qenë vetëm punonjësit e tenderave sekrete. “Nëse ky paska qenë një ‘ incident’, përse ministrja e mohoi personalisht e zyrtarisht? Pse u desh që të publikonim ‘ e- maili’- n që ministrja ta pranonte?”, shkruan ish- deputeti.