Kriza, Lulzim Basha: Xhepat e shqiptarëve u shkundën nga pandemia ekonomike e qeverisë
“Rama dha 41.5 milionë euro për shqiptarët, aq sa oligarkëve për Unazën e Re”
Opozita do të jetë çdo ditë në terren për të parë nga afër shqetësimet e shqiptarëve. Pas akuzave të përditshme për keqmenaxhim të situatës së pandemisë, opozita ka vendosur të zbresë në terren tek njerëzit. Në takimin e djeshëm, koalicioni opozitar i mbledhur në selinë e PD- së doli në përfundimin se pandemia e koronavirusit po e çon Shqipërinë drejt kolapsit ekonomik. Në fillim të takimit, kryetari i PD, Lulzim Basha informoi aleatët mbi shqetësimet dhe kërkesat e paraqitura në takimet që ka zhvilluar gjatë javës me përfaqësuesit e bizneseve. “Qeveria i ka braktisur. Nuk i dëgjon, nuk i pret, nuk do t’ia dijë për shqetësimet dhe problemet e tyre. Është detyra jonë jo vetëm të jemi zëri i tyre, por të ridimensionojmë planin tonë për shpëtimin e ekonomisë, për ruajtjen e vendeve të punës, duke marrë parasysh pasojat që ka krijuar kriza. Qytetarët po humbin vendet e punës dhe situata është emergjente. Duhet angazhim i shpejtë dhe intensiv nga të gjithë ne. Kam parë dhe takuar vetë njerëz që nuk kanë marrë asnjë lek ndihmë nga qeveria. Biznese që nuk kanë përfituar asnjë ndihmë dhe po mbyllen”, shprehet z. Basha.
Më pas është diskutuar në detaje menaxhimi i situatës nga qeveria. Në mbledhje është argumentuar se qeveria e keqmenaxhoi krizën e shkaktuar nga pandemia në dëm të shqiptarëve. 41.5 milionë euro ka dhënë Edi Rama për 3 milionë shqiptarë, ku janë qindra dhe mijëra të papunë dhe biznese gati për t’u mbyllur. Ndërkohë që kaq i ka dhënë qeveria oligarkëve të vet për 2 km rrugë tek Unaza e Re.
Aksioni opozitar do të shtrihet në takime të përditshme në të gjithë Shqipërinë. “Edi Rama nuk mendon për shqiptarët, por për karrigen e tij. Ai i dërrmoi të varfrit dhe shkatërroi shtresën e mesme. Është përgjegjësia jonë të jemi pranë tyre”, është shprehur z. Basha. Pas takimit, kryetarja e LSI- së Monika Kryemadhi bëri të ditur se po diskutohet një platformë për daljen nga kriza. “Pandemia e COVID- 19 që instaloi Rama në Shqipëri është pandemi ekonomike, e cila ka shkatërruar ekonominë shqiptare dhe që është në ditët e saj më të mira. Ajo që diskutuam sot është përgatitja e një platforme për mënyrën e zgjidhjes së kësaj situate për t’i dhënë mundësi rifuqizimit të ekonomisë”. Aksioni opozitar do të shtrihet në takime të përditshme në të gjithë Shqipërinë. Në mbledhjen e koalicionit opozitar, kreu demokrat
OLIGARKËT
Në takimin e opozitës së bashkuar është argumentuar se qeveria e keqmenaxhoi krizën e shkaktuar nga pandemia në dëm të shqiptarëve. 41.5 milionë euro ka dhënë Edi Rama për 3 milionë shqiptarë, ku janë qindra dhe mijëra të papunë dhe biznese gati për t’u mbyllur. Ndërkohë që kaq u ka dhënë qeveria oligarkëve të vet për 2 km rrugë tek Unaza e Re. Aksioni opozitar do të shtrihet në takime të përditshme në të gjithë Shqipërinë.
Basha u ka thënë aleatëve se është përgjegjësia e opozitës të jetë pranë qytetarëve.
TAKIMET
Kreu i PD- së, Lulzim Basha pa dje nga afër situatën e bizneseve, të cilët u rihapen pas një periudhë dy mujore. Basha bën përgjegjëse qeverinë për krizën që po kalon vendi dhe biznesi i vogël. Lideri demokrat shprehet se qytetarët distancimin social e kanë respektuar, por ajo që mbetet shqetësim është situata ekonomike, e cila u rëndua nga pandemia e koronavirusit. “Janë të shumtë qytetarët që nuk kanë marrë asnjë lek ndihmë për kohën e kaluar mbyllur në shtëpi. Edhe bizneset përballen me vështirësi të mëdha. Mungesa e ndihmës rrezikon mbylljen e shumë prej tyre ndërsa të shumtë janë dhe ata që janë detyruar të heqin të punësuar nga listpagesat. Qeveria Rama i la pa ndihmë shumicën e qytetarëve dhe bizneseve. Rinisja e aktivitetit normal është shumë e vështirë për ta tashmë që veç faturave dhe taksave të larta, përballen me uljen e numrit të blerësve dhe ankthin për të ardhmen e pasigurt. Xhepat e shqiptarëve janë shkundur nga pandemia ekonomike e qeverisë Rama. Asnjë formë propagande dhe cirku qeveritar nuk e fsheh dot pasigurinë dhe varfërinë e tejskajshme që po pllakos në familjet shqiptare”, - shkruan Basha në ‘ Facebook’. Përfaqësues të bizneseve në kryeqytet që nuk e mbyllën aktivitetin edhe gjatë pandemisë ankohen për rënie të xhiros. Respektojnë masat për distancimin fizik dhe higjienën, por ankohen për gjendjen e rënduar që po kalojnë. Ankohen se biznesi po dëmtohet nga taksat, tatimet, si edhe rënia e konsumit për shkak të pandemisë.