Ministrja Denaj: Buxheti paguan interesat, pagesa për principalin nis pas tre muajsh
Ndryshon vendimi për kredinë e garantuar të pagave, shteti do të paguajë interesat e huas që do marrin bizneset Financat, “Garancia Sovrane” 1, çfarë përfiton biznesi
Bizneset që do të mar rin kredi nga Garan cia e Sovrane do të paguajnë vetëm principalin. Interesat do të përballohen nga buxheti i shtetit, madje bizneset që janë në vështirësi mund të nisin pagesat e kredisë tre muaj pas nënshkrimit të marrëveshjes me bankën. Lajmi është bërë i ditur nga ministrja e Ekonomisë dhe Financave Anila Denaj, e cila u bën thirrje përsëri bizneseve të interesuara të përdorin mundësinë e Garancisë Sovrane, duke përfituar: nga ky rimbursim i interesit dhe nga koha prej 3 muajsh për të drejtën e mospagimit të principalit të kredisë.
NJOFTIMI
Ministrja e Financave, Anila Denaj ka njoftuar se në mbështetje të qytetarëve dhe bizneseve, formalizuam premtimin për subvencionimin e interesave të huave, pjesë e Garancisë Sovrane 1. Sipas njoftimit Këshilli i Ministrave ka miratuar vendimin mbi rimbursimin e interesave për Garancinë e Huas Shtetërore 1 për të gjitha subjektet përfituese në të gjitha bankat e nivelit të dytë. "Ky vendim do të: reduktojë barrën e tregtarëve dhe shoqërive tregtare që përfitojnë nga kjo marrëveshje garancie, zbusë efektet financiare për sipërmarrësit në reagimin ndaj COVID- 19, lehtësojë sigurimin e fondeve për vijimësinë e pagesës së punonjësve në sektorin privat"- thotë ministrja. Sipas Denaj me rreth 400 aplikime të sektorit privat në proces, për një shumë përmbledhëse mbi 45% të Garancisë, kanë filluar të disbursohen shumat e para nga kjo kredi të përfitim të punëdhënësve dhe punëmarrësve.
VENDIMI
Ministria e Financave dhe Ekonomisë do të marrë përsipër të paguajë interesat e kredive që bizneset do të marrin, duke përforcuar fondin e garancisë për pagat prej 11 miliardë lekësh. Një ndryshim në vendimin për garancimin e huamarrjes së bizneseve, aktiviteti i të cilave është prekur nga COVID19", publikuar sot, thuhet që "MFE do t'i rimbursojë huadhënësit interesat që burojnë nga huat e garantuara nga kjo marrëveshje garancie një herë në tre muaj, ku tremujori i parë do të fillojë të përllogaritet nga data e bërjes efektive të kësaj marrëveshjeje. Sipas vendimit, Nuk do të gjenerohen dhe nuk do të rimbursohen interesa për më shumë se 30 ditë pa pagesë principali nga data që i ka lindur detyrimi huamarrësit për të paguar principalin sipas marrëveshjes së huasë. Huadhënësi çdo 90 ditë nga data e nënshkrimit të kësaj marrëveshjeje do të dërgojë pranë MFE kërkesën për rimbursimin e interesave (" Kërkesa për rimbursim") në formë elektronike dhe të shkruar. Kërkesa për rimbursim duhet të përmbajë informacion të detajuar në lidhje
me interesat e gjeneruara dhe mënyrën e përllogaritjes së tyre, për secilën hua që huadhënësi ka lëvruar në përputhje me këtë marrëveshje. MFE, pasi shqyrton informacionin dhe verifikon përllogaritjet e kërkesës për rimbursim, autorizon transfertën e pagesës ose pagesave për huadhënësin brenda 15 ditëve pune nga data e marrjes së kërkesës për rimbursim. Huadhënësi do të ofrojë huan me një normë interesi preferenciale, të barabartë me normën mesatare të interesit të tre ankandeve të fundit të bonove të thesarit 12 mujore plus një marzh prej 0.5%, por në asnjë rast norma e interesit nuk do të jetë më e lartë se 2.85%. Kjo normë interesi do të fiksohet në momentin e
nënshkrimit të marrëveshjes së huas ndërmjet huadhënësit dhe huamarrësit dhe do të qëndrojë e pandryshuar deri në përfundimin e afatit të huas". Huadhënësi nuk do të aplikojë tarifa, komisione, penalitete, kamatëvonesa apo çfarëdolloj mase tjetër që mund të krijojë kosto për huamarrësin dhe MFE, përpos atyre të përcaktuara shprehimisht në këtë marrëveshje. Banka e Shqipërisë bëri të ditur pak ditë më parë se deri në këto moment janë 70 raste të aprovuara me një shumë ekuivalente rreth 1 mld lek nga garancia sovrane prej 11 miliardë lekë për pagat, ose rreth 9% e fondit. Por ndërkohë që ka dhe rreth 300 aplikime të tjera në proces.