Zbardhet udhëzimi: Si do të mbyllet viti shkollor për shkollat profesionale
"Provimet e Praktikës Profesionale të Integruar të Nivelit nuk do të zhvillohen" Datat e testimeve të Maturës Shtetërore në kushtet e pandemisë
Ka hyrë në fuqi udhëz imi i Këshillit të Min istrave mbi mënyrën e organizimit të mësimit, testimet përfundimtare dhe mbylljen e vitit shkollor 20192020 për shkollat profesionale publike e jopublike në kushtet e fatkeqësisë natyrore. "Gazeta Shqiptare" zbardh sot udhëzimin e firmosur nga ministrja e Financave dhe Ekonomisë, Anila Denaj, ku theksohet se mësimi në kushtet e shtëpisë do të vijojë deri në 29 maj të këtij viti. "Për nxënësit e klasës 10 ( të gjitha strukturat arsimore), të klasës 12 ( struktura arsimore 2+ 2) dhe të klasave 11 dhe 12 ( struktura arsimore bllok 4- vjeçare), mësimi në kushtet e shtëpisë do të vijojë deri në datën 29.5.2020, duke synuar një pjesëmarrje sa më të madhe dhe sa më aktive të nxënësve. Për nxënësit e klasave 11 dhe 12 ( struktura arsimore 2+ 1+ 1) dhe të klasës 11 ( struktura arsimore 2+ 2), të cilët kanë provime të nivelit, mësimi në kushtet e shtëpisë do të vijojë deri në datën 29.5.2020, duke synuar një pjesëmarrje sa më të madhe dhe sa më aktive të nxënësve", - thuhet në udhëzim. Në këtë të fundit bëhet me dije se për nxënësit maturantë, në klasën 13, mësimi në kushtet e shtëpisë do të vijojë deri në datën 15.5.2020, duke synuar një pjesëmarrje sa më të madhe dhe sa më aktive të nxënësve. Sakaq, për nxënësit maturantë, mësuesit e lëndëve të kulturës së përgjithshme, që nuk janë pjesë e provimeve të Maturës Shtetërore Profesionale do ta mbyllin realizimin e programit mësimor në datën e hyrjes në fuqi të këtij udhëzimi. Për nxënësit maturantë, mësuesit e lëndëve të teorisë profesionale që nuk janë përfshirë në Provimin e Teorisë Profesionale të Integruar, do ta mbyllin realizimin e programit në datën e hyrjes në fuqi të këtij udhëzimi. "Për nxënësit maturantë, në periudhën 18.5.2020- 5.6.2020 do të vijojë mësimi në shkollë. Për nxënësit maturantë, përqendrimi i mësimit në kushtet e shtëpisë dhe gjatë kthimit në shkollë do të jetë parapërgatitja për katër provimet e detyruara të Maturës Shtetërore Profesionale. Gjatë kësaj periudhe do të zhvillohet vetëm përsëritje. Shkollat profesionale përgatisin orarin e ri për realizimin e mësimit për nxënësit maturantë gjatë periudhës së rikthimit në shkollë", - nënvizohet në udhëzim. Për nxënësit e klasave, të cilët do të kryejnë Provimin e Teorisë Profesionale të Integruar të Nivelit "online", përqendrimi i mësimit në kushtet e shtëpisë do të jetë parapërgatitja dhe përsëritja në lëndët që përfshihen në këto provime, bazuar në programet orientuese përkatëse të publikuara nga AKAFPK- ja, duke marrë në konsideratë lëndët dhe temat e realizuara deri më 9 mars 2020, sipas evidencave në regjistrave përkatës në shkollë.
PROVIMET E MATURËS
Provimet e Maturës Shtetërore Profesionale ( Gjuhë Shqipe dhe Letërsi, Matematikë, Gjuhë e Huaj e parë dhe Teori Profesionale e Integruar) do të zhvillohen në periudhën 8.6.2020- 18.6.2020. Modalitetet e realizimit të provimeve të Maturës Shtetërore Profesionale përcaktohen me udhëzimin e përbashkët të MASR- së dhe MFE- së. Provimet e Praktikës Profesionale të Integruar të Nivelit nuk do të zhvillohen.
Provimet e Teorisë Profesionale të Integruar të Nivelit, për nxënësit e klasave 11 dhe 12 ( struktura 2+ 1+ 1) dhe të klasës 11 ( struktura 2+ 2) do të zhvillohen "online" në periudhën 8.6.2020- 12.6.2020. Për Provimet e Teorisë Profesionale të Nivelit "online", grafiku i provimeve, përgatitja e testeve teorike, skema e vlerësimit të testit, realizimi i provimit "online", korrigjimi dhe nxjerrja e rezultateve ( notave) do të kryhen nga komisionet e vlerësimit përkatëse të çdo shkolle profesionale. Testi i Teorisë Profesionale të Nivelit "online" do të përmbajë 25 njësi testi me zgjedhje ( alternativa) dhe koha që do t'u jepet nxënësve për plotësimin "online" do të jetë 60 minuta. Përmbajtja e testit "online" do të bazohet në Programin Orientues përkatës të publikuar nga AKAFPK- ja. Në këtë test nuk do të përfshihen pyetje që i referohen programit mësimor të realizuar "online" pas datës 9.3.2020 ( sipas evidencave të regjistrave përkatës). Mënyra e realizimit të testit "online" përcaktohen nga komisionet e vlerësimit përkatëse të shkollave, duke synuar rritjen e pjesëmarrjes së nxënësve, ruajtjen e fshehtësisë dhe shmangien e fiktivitetit në provim. Për nxënësit që do ta kenë të pamundur të marrin pjesë në provimin e Teorisë Profesionale të Integruar të Nivelit "online", në përshtatje me rrethanat dhe kushtet që do të krijohen në vijim, do të jepen udhëzime të mëvonshme për të mundësuar edhe realizimin e këtij provimi.