Sejko, thirrje bankave: Kreditoni bizneset, ristrukturoni kreditë!
Pedrazzi: Na duhet kohë për rishikimin e kërkesave
Guvernatori i Bankës së Shqipërisë, Gent Sejko, u bën thirrje bankave të ristrukturojnë kreditë ose ngrirjen e pagesave, si dhe të mbështesin ekonominë me likuiditete. Sejko u sugjeron bankave t'i trajtojnë klientët të ndarë në dy kategori "Klientët në vështirësi të përkohshme financiare, por me modele të qëndrueshme biznesi duhet të mbështeten me likuiditet dhe lehtësi të përkohshme operacionale. Klientët në vështirësi më serioze mund të ndihmohen nëpërmjet ristrukturimit të kredisë, në formën e një tjetër shtyrjeje të përkohshme të këstit, apo në formën e një ristrukturimi tërësor të saj, gjithnjë dhe për aq kohë sa perspektiva afatgjatë e biznesit mbetet solide", - tha dje Sejko. Ndërkohë, kreu i Shoqatës së Bankave, Silvio Pedrazzi, e ka vënë theksin te domosdoshmëria e rishikimit të të gjitha kredive të ngrira. "Neve do të na duhet kohë për të riskeduluar kreditë e marra qoftë nga individët, qoftë nga bizneset. Të paktën të bëjmë që instrumentet që disponojmë të funksionojnë në mënyrë perfekte, të kemi më shumë mirëkuptim dhe të jemi më të qartë për biznesin", - tha Pedrazzi.
TAKIMI
Guvernatori Genti Sejko vlerësoi kontributin e rëndësishëm që sektori bankar jep në zhvillimin ekonomik të vendit. Në këtë realitet të ri të krijuar nga pandemia COVID- 19, ai theksoi se është e domosdoshme që sektori bankar të gjejë dhe të ruajë një ekuilibër të drejtë midis mbështetjes së kredimarrësve në nevojë, në interes dhe përfitim afatgjatë të dyanshëm, pa cenuar sigurinë e kursimeve të qytetarëve dhe stabilitetin financiar të vendit dhe ruajtjes së shëndetit të bilanceve të tij. Ruajtja e stabilitetit financiar të vendit është e lidhur me shëndetin e biznesit dhe në kushtet e krijuara nga pandemia COVID- 19, bankat mund t'i
ndihmojnë klientët në vështirësi më serioze nëpërmjet ristrukturimit të kredisë, në formën e një tjetër shtyrjeje të përkohshme të këstit apo
në formën një ristrukturimi tërësor të saj, gjithnjë dhe për aq kohë sa perspektiva afatgjatë e biznesit mbetet solide. Guvernatori u shpreh se
FINANCIMI
Klientët në vështirësi më serioze mund të ndihmohen nëpërmjet ristrukturimit të kredisë, në formën e një tjetër shtyrjeje të përkohshme të këstit, apo në formën e një ristrukturimi tërësor të saj, gjithnjë dhe për aq kohë sa perspektiva afatgjatë e biznesit mbetet solide",
- tha Sejko
marrja e këtyre vendimeve nuk duhet të ndikojë në stabilitetin monetar dhe financiar të vendit. Gjatë fjalës së mbajtur në këtë takim, krye
tari i Shoqatës Shqiptare të Bankave, Silvio Pedrazzi dhe kryetarja e Bashkimit të Dhomave të Tregtisë dhe Industrisë të Shqipërisë, zj. Ines Muçostepa, vlerësuan masat e ndërmarra nga Banka e Shqipërisë dhe shprehën këndvështrimet e tyre në lidhje me situatën ekonomike të krijuar nga COVID19. Takimi u zhvillua në ambientet e bankës qendrore dhe ishin të pranishëm drejtues të sistemit bankar, të
Bashkimit të Dhomave të Tregtisë dhe Industrisë së Shqipërisë, të Dhomës Kombëtare të Zejtarisë, Dhomës Amerikane të Tregtisë në Shqipëri, Dhomës së Tregtisë dhe Industrisë Francë- Shqipëri, Bashkimit Tregtar të Shqipërisë, Këshillit të Agrobiznesit Shqiptar, Shoqatës së Ndërtuesve të Shqipërisë, Shoqatës Shqiptare të Turizmit, Shoqatës së Hidrokarbureve si dhe të Shoqatës së Industrialistëve Ushqimorë.