Raporti i BERZH, Meta: Paralajmërim shqetësues, tregon krizën e thellë ekonomike
' Ekonomia pritet të tkurret me 9%', Basha: ' Ramavirusi' paguan oligarkët me paratë e shqiptarëve "Duhet mbështetje dhe rishikim të modelit ekonomik"
Paralajmërimet e fun dit të BERZH dhe të institucioneve të tjera ndërkombëtare për ulje ekonomike të Shqipërisë, Presidenti Ilir Meta i shikon jo vetëm shqetësuese në një plan afatshkurtër, por sipas tij tregojnë krizën e thellë strukturore të ekonomisë sonë. Presidenti e quajti raportin e BERZH për rënien ekonomike në Shqipëri një paralajmërim shqetësues që tregon krizën e thellë të ekonomisë sonë. Meta apeloi se duhet të punohet seriozisht për të mbështetur aktivitetet aktuale ekonomike për të ulur riskun e krizave. Ai bën thirrje që modeli ekonomik duhet të mbështetet në diversifikimin e ekonomisë për të ulur riskun e krizave dhe për të siguruar një zhvillim ekonomik të qëndrueshëm. "Ndaj duhet të punohet seriozisht për të mbështetur aktivitetet ekonomike aktuale, por dhe të mendohet për të tejkaluar krizën strukturore duke rishikuar modelin ekonomik. Modeli ekonomik duhet të mbështetet në diversifikimin e ekonomisë për të ulur riskun e krizave dhe për të siguruar një zhvillim ekonomik të qëndrueshëm", shprehet Presidenti Meta. Presidenti kërkon që të punohet për të shfrytëzuar kapacitetet potenciale të vendit tonë për të rritur prodhimin e energjisë, për të rritur vlerën e burimeve minerale dhe natyrore nëpërmjet përpunimit të tyre, për të rritur prodhimin industrial dhe për të shumëfishuar prodhimin bujqësor dhe atë agro- industrial. "Zgjerimi i kapaciteteve portuale, i rrjetit të transportit, si dhe i transmetimit të energjisë është potencialisht një mundësi tjetër për të shfrytëzuar avantazhin tonë gjeografik rajonal",mbyll reagimin Presidenti Meta. Dy ditë më parë Banka Europiane për Rindërtim dhe Zhvillim në raportin e fundit parashikon që ekonomia shqiptare do të ketë rënie ekonomike me 9%.
AKUZAT
Banka Europiane për Rindërtim dhe Zhvillim në raportin e fundit parashikon që ekonomia shqiptare do të ketë rënie ekonomike me
THIRRJA
Presidenti Meta e quajti raportin e BERZH për rënien ekonomike në Shqipëri një paralajmërim shqetësues që tregon krizën e thellë të ekonomisë shqiptare. Meta apeloi se duhet të punohet seriozisht për të mbështetur aktivitetet aktuale ekonomike për të ulur riskun e krizave. Ai bën thirrje që modeli ekonomik duhet të mbështetet në diversifikimin e ekonomisë për të ulur riskun e krizave dhe për të siguruar një zhvillim ekonomik të qëndrueshëm.