Masakroi me thikë dhe i shkuli zemrën fqinjit të moshuar, lihet në burg autori Hamza Çela
Shkak i ngjarjes sherri për pronën, agresori Hamza Çela i dënuar më parë për dhunë Mbrojtja e 37- vjeçarit: Të shtrohet në spital psikiatrik
Pas vrasjes makabre të komshiut dhe të afër mit të tij, Ramandan Çela, në fshatin Jaupas të rrethit të Skraparit mbrëmjen e së hënës, autori i kësaj ngjarjeje të rëndë është përballur dje me togat e zeza të Gjykatës së Shkallës së Parë Berat, për t’u njohur me masën e sigurisë. Vrasësi 37- vjeçar Hamza Çela është transportuar drejt gjykatës së rrethit të Beratit nën masa të rrepta sigurie, ndërkohë që në seancë nuk është lejuar prania e medias për shkak të situatës pandemike nga virusi COVID- 19. Gjatë seancës që zgjati rreth 1 orë mësohet se prokurori i çështjes, Tasim Puci, ka kërkuar vlerësimin të ligjshëm të arrestimit të tij dhe ka kërkuar masën e sigurisë “arrest me burg”. Gjyqtarja Adelajda Gjuzi pasi ka dëgjuar palën akuzuese dhe atë mbrojtëse që për shkak të problemeve mendore të 37- vjeçarit, i cili nuk është i pajisur me raport mjekësor, ka kërkuar shtrimin në Spitalin Psikiatrik në Vlorë, e ka cilësuar të ligjshëm arrestimin e tij në flagrancë dhe ka vendosur për të masën e sigurisë “arrest me burg” pa afat. Ndërkohë që mbrojtja e të pandehurit ka kërkuar shtrimin e tij në spital psikiatrik.
VRASJA
Ngjarja e rëndë ndodhi në fshatin Jaupas të rrethit të Skraparit mbrëmjen e së Hënës. 77- vjeçari Ramadan Çela u masakrua me thikë nga i afërmi i tij, Hamza Çela, që sipas dëshmive të nipërve të viktimës në vendngjarje, i kishte prerë atij kokën, damarët e duarve e të këmbëve dhe i kishte nxjerrë zemrën jashtë. I moshuari Ramadan Çela, i cili prej vitesh jetonte në qytetin e Poliçanit, ishte kthyer në shtëpinë e vjetër që kishte në fshatin Jaupas për t’u marrë me tokat bujqësore dhe pemëtarinë, por duke vaditur tokat e mbjella me domate, ai u qëllua nga prapa me thikë nga Hamzai dhe pasi ra
SHERRI PËR PRONAT
Ngjarja e rëndë ndodhi pasditen e së hënës në fshatin Jaupas të rrethit të Skraparit, në banesën që Ramadan Çela kishte në fshat, ku kishte shkuar prej disa ditësh i vetëm për t’u kujdesur për tokat bujqësore dhe prodhimet e mbjella. Pas një sherri për çështje pronësie, 37- vjeçari ka marrë thikën dhe ka masakruar Çelën. Tashmë, autori i krimit të rëndë ndodhet pas hekurave, pasi u arrestua nga policia teksa po tentonte të largohej nga vendi i ngjarjes.
në tokë, u masakrua nga autori derisa gjeti vdekjen nga gjakderdhja. Autori që shëtiti me thikë në dorë dhe me bluzën e lyer me gjak nëpër fshat u kap nga policia gjysmë ore pas vrasjes, në përpjekje për t’u larguar nga fshati.
DËSHMIA E NIPIT TË VIKTIMËS
“Unë viktimën e kam xhaxha. Pak pasi ndodhi ngjarja,
më merr vëllai në telefon dhe më thotë ‘ hajde se xhaxhai është keq’, pasi atë e kishte marrë në telefon vëllai i autorit dhe i kishte thënë ‘ keni të sëmurë xhaxhain’. Ikëm me shpejtësi në fshat, prapa shtëpisë xhaxhai kishte një bahçe me domate dhe kishte marrë zorrën për të vaditur në momentin kur viktima i kishte vajtur nga prapa dhe i kishte rënë me thikë. Pasi xhaxhai kishte rënë barkas, Hamzai i kishte prerë fytin, i kishte prerë damarët e duarve dhe të këmbëve si dhe zemrën ia kishte nxjerrë jashtë dhe ia kishte copëtuar me thikë copa- copa. Trupin e kishte mbuluar gjaku dhe policia na largoi nga vendngjarja”, tha dy ditë më parë nipi i viktimës, Bujar Çela, ndërsa u shpreh se, “ne nuk kemi dijeni se si ndodhi, duke ditur se ata kishin shkuarje bashkë dhe sa herë që shkonte në fshat, xhaxhai i jepte çdo mëngjes qumësht pa lekë autorit, pasi ishte në kushte të vështira ekonomike. Ne jemi gjak, jemi fis pasi kemi një mbiemër, por jemi kushërinj të largët”.