Eurovizion, festival pa çmime dhe “online”
Kleart Duraj: Finalja ndryshe, disa shtete do
të çojnë të njëjtët këngëtarë vitin tjetër
Festivali
Europian i këngës, i paracaktuar të mbahej këtë muaj në Roterdam, u anulua kur koronavirusi përfshiu Europën, por një version “online” i tij po mbahet. Dy netët gjysmëfinale që mund të ndiqen në kanalin në “Youtube” të Eurovizionit shfaqin një program kushtuar artistëve pjesëmarrës dhe performancat e tyre në klipe të xhiruara më herët. Pa fitues, pa konkurs dhe pa votime, ky festival vjen në një mënyrë të pazakontë. Ende nuk duhet si se do të bëhet vitin tjetër. Disa shtete do të dërgojnë të njëjtët këngëtarë me këngë të reja, ndërsa Shqipëria ende nuk ka marrë vendim. “Eurovision Song Contest 2020 që duhej të zhvillohej në datat 12, 14 dhe 16 maj 2020 u anulua për shkak të pandemisë së krijuar prej koronavirusit. Shqipëria, që përfaqësohej nga këngëtarja Arilena Ara, fituese e Festivalit të 58 të Këngës në RTSH, do të konkurronte në natën e dytë gjysmëfinale, në datën 14 maj”, thotë Kleart Duraj, kryetar delegacionit shqiptar në Eurovizion. Premiera e videoklipit të ri të këngës përfaqësuese të Shqipërisë “Fall from the sky” u dha më 11 maj. Pavarësisht anulimit për të nderuar traditën 64 – vjeçare dhe 41 artistët pjesëmarrës, të shtunën më 16 maj në orën 21 do të mbahet nata finale e ardhur tashmë nën titullin “Eurovizion: Europa ndriçon si dritë”, një spektakël ndryshe, ku këngëtarët do të këndojnë nga vendet ku jetojnë. “Për të nderuar 41 artistët pjesëmarrës, më 16 maj, ora 21: 00, do të mbahet “Eurovision: Europe Shine a Light”, një spektakël ndryshe ku këngëtaret do të këndojnë nga vendet ku jetojnë. Ky spektakël do të mbahet edhe për të nderuar të prekurit nga kriza e COVID- 19 dhe ata që po punojnë fort për ta luftuar atë. Të 41 artistët do të këndojnë të gjithë bashkë në një performancë të veçantë e të unifikuar ndonëse në distancë, këngën fituese tëe vitit 1997 ‘ Love shine a light’ nga Katrina and the Waves”, tregon Duraj.
Sipas tij, do të jenë edhe të ftuar speciale, fitues të Eurovision- it ndër vite. Duraj sqaron se shfaqja do të prezantohet nga ata që ishin zgjedhur për të prezantuar Eurovision- in, holandezet Chantal Janzen, Edsilia Rombley and Jan Smit.
“Ndërsa RTSH ka përgatitur dy programe, njeri i transmetuar ne mbrëmjen e 12 majit dhe tjetri do te transmetohet ne dt. 14 maj, dy datat e parashikuara për dy gjysmëfinalet e Eurovision 2020, ne te cilat prezantohet këngët dhe videoklipet e 41 shteteve si dhe informacione për secilin artist”, thotë Duraj, kryetar Delegacionit Shqiptar në Eurovizion.
Sipas tij, edhe Eurovizioni ka përgatitur dy programe, “Eurovision Song Celebrations”, për transmetim vetëm në “YouTube”, në mbrëmjen e dt. 12 maj në orën 21.00 u transmetua programi i parë dedikuar artistëve që do të konkurronin në gjysmë finalen e dytë dhe në datën 14 maj në orën 21.00 do të transmetohet përsëri vetëm në kanalin zyrtar të Eurovizionit në “YouTube” programi i dytë dedikuar artistëve që do të konkurronin në gjysmëfinalen e dytë, ku do të jetë dhe performanca e veçantë e Arilena Arës.