"Shkatërrimi antikushtetues”, Meta: Hetim ndërkombëtar për shembjen e Teatrit
Presidenti, thirrje protestuesve: Jo dhunë, mos u provokoni nga talebanët "Gati të bashkëpunoj më Aleancën për Mbrojtjen e Teatrit"
Presidenti i Republikës, kreu i shtetit Ilir Meta mbështet fuqimisht një hetim ndërkombëtar për shkatërrimin, sipas tij antikushtetues, të paligjshëm dhe në mënyrën më antieuropiane të Teatrit Kombëtar. Njëherësh me fillimin e protestës dhe artistëve në bulevardin "Dëshmorët e Kombit", Ilir Meta u bëri thirrje qytetarëve që të mos i përgjigjen dhunës me dhunë, por me besim te demokracia dhe triumfi i saj mbi talebanizmin dhe oligarkinë. Në një postim në "Facebook", kreu i shtetit shprehet se është i gatshëm të bashkëpunojë me Aleancën, ndërsa thotë se nxit një hetim ndërkombëtar për shembjen e Teatrit. "Mbështes fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antieuropiane të Teatrit Kombëtar. Gati të bashkëpunoj me Aleancën për Mbrojtjen e Teatrit, si dhe me çdo institucion europian dhe ndërkombëtar për kulturën. Europa dhe bota demokratike po e kupton edhe me qartë se ç'po ndodh këtu. Mos iu përgjigjuni dhunës me dhunë, por me besim te demokracia dhe triumfi i saj mbi talebanizmin dhe oligarkinë",- deklaroi Meta, teksa postoi foton e një protestuesi nën këmbët e policëve. Presidenti Ilir Meta konfirmoi mbështetjen për protestën e artistëve kundër shembjes së Teatrit. Meta ndau një foto të disa të rinjve, krah së cilës i kërkon atyre të mos provokohen nga ata që ai i quan talebanë, ndërsa deklaron se demokracia do të triumfojë. Pak çaste më pas Presidenti i Republikës Ilir Meta iu bëri një tjetër thirrje protestuesve. Teksa postoi një foto të disa të rinjve në protestë, Meta shkruan se janë pasuria më e madhe dhe bën thirrje për të mos u provokuar nga talebanët. "Rinia e Shqipërisë, pasuria jonë më e madhe! Mos u provokoni nga talebanët! Demokracia do triumfojë! Me qetësi dhe dashuri për Shqipërinë!", - shprehet kreu i shtetit Ilir Meta. Teatri Kombëtar ishte shpallur monument i rrezikuar nga organizata "Europa Nostra", e cila nga ana tjetër kishte siguruar edhe një fond për restaurimin e tij. Gjithashtu, komisionerja europiane për edukimin dhe kulturën Mariya Gabriel kërkoi dialog mes palëve. Por asnjë prej thirrjeve të ndërkombëtarëve nuk dëgjua dhe
MBËSHTETJA
"Mbështes fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antieuropiane të
Teatrit Kombëtar. Gati të bashkëpunoj me Aleancën për
Mbrojtjen e Teatrit, si dhe me çdo institucion europian dhe ndërkombëtar për kulturën. Europa dhe bota demokratike po e kupton edhe më qartë se ç'po ndodh këtu. Mos iu përgjigjuni dhunës me dhunë, por me besim te demokracia dhe triumfi i saj mbi talebanizmin dhe oligarkinë", - tha z. Meta.
pas vendimit të këshillit bashkiak të Tiranës ndërtesa e teatrit u shemb në orën 4: 30 të mëngjesit të së dielës, ndërsa policia iu përgjigje me dhunë rezistencës së aktivistëve dhe qytetarëve. Deri tani ka dy padi ndaj kreut të Bashkisë Tiranë Erion Veliaj dhe një tjetër pritet të shtohet për projektin e teatrit të ri.