11 mijë fara kanabisi me postë nga Spanja, arrestohet porositësi 30- vjeçar nga Vlora
Operacioni i koduar "Kostumi", policia: Ja si e ndoqëm pakon e dyshimtë Olsi Caushaj u prangos pas dorëzimit të porosisë
Policia e Shtetit ka mundur të zbulojë një rast të trafikut të farave të kanabisit nga Spanja drejt Shqipërisë, me anë të postës. Mësohet se më 14 maj në Doganën e Tiranës ka mbërritur nga Spanja një pako, që për policinë është cilësuar e dyshimtë. Burime policore thanë për "Gazeta Shqiptare" se është bërë këqyrja e pakos dhe në brendësi të saj janë gjetur 11 mijë fara kanabis sativa. Pjesa më e madhe e farave ishin për kultivim në ambiente të mbyllura me llamba dhe një pjesë tjetër ishin për t'u kultivuar në natyrë. Pakoja kishte si destinacion qytetin e Vlorës. Dërgesa e saj është bërë në mbikëqyrje të policisë dhe pas dorëzimit të saj është arrestuar në flagrancë 30- vjeçari Olsi Caushaj, banues në Vlorë. Teknika e zgjedhur nga policia, ka qenë e tillë. Pasi u zbulua përmbajtja e pakos dhe u njoftua policia, grupi hetimor vendosi që këtë kuti ta dërgonte tek i zoti. Në momentin që Caushaj ka marrë pakon me 11 mijë fara, menjëherë është bërë ndërhyrja dhe ai është arrestuar. Ndërkohë që vijojnë hetimet për të zbuluar rrjetin e personave të përfshirë në trafikun e drogës, e po ashtu edhe skema e kultivimit dhe trafikimit të drogës. Në lidhje me këtë ngjarjeje, burime policore bënë me dije se pakoja e dyshimtë kishte ardhur në doganën e Tiranës më 14 maj, ku pas hetimit me metoda speciale rezultoi se brenda kishte fara kanabisi. Për këtë arsye, uniformat blu kanë ndjekur pakon deri në Vlorë, ku kishte destinacionin, dhe në momentin e tërheqjes së saj në pikën postare kanë arrestuar 30vjeçarin Olsi Caushaj.
NJOFTIMI I POLICISË
Finalizohet operacioni policor i koduar "Kostumi".
Operacioni nga Drejtoria Hetimore Qendrore në Departamentin e Policisë Kriminale, në bashkëpunim me Departamentin Operativo- Hetimor të Drejtorisë së Përgjithshme të Doganave dhe Drejtorinë Vendore të Policisë Vlorë. Sekuestrohen 11.000 fara cannabis sativa. Në vijim të goditjeve të njëpasnjëshme të zhvilluara nga strukturat e Policisë së Shtetit për parandalimin, evidentimin dhe goditjen e veprimtarisë kriminale në fushën e kultivimit dhe trafikimit të narkotikëve, nga Drejtoria Hetimore Qendrore pranë Drejtorisë së Përgjithshme të Policisë së Shtetit, në bashkëpunim të ngushtë me Departamentin Operativo- Hetimor të Drejtorisë së Përgjithshme të Doganave dhe Drejtorinë Vendore të Policisë Vlorë, u organizua dhe finalizua operacioni policor i koduar "Kostumi".
Pas informacioneve të marra më datë 14.05.2020, u bë e mundur që në Degën Doganore Tiranë të konstatohej një pliko postare me përmbajtje të dyshimtë, e ardhur nga Spanja, me destinacion qytetin e Vlorës.
Specialistët e Njësisë
KUSH ËSHTË OLSI CAUSHAJ
“Dosja. al” ka arritur të mësojë se i riu Caushaj është nga Vlora, dhe për një periudhë ka qenë edhe jashtë vendit. Ai ka punuar disa kohë dhe më pas është rikthyer në Vlorë pranë familjes. Megjithëse i paskeduar nga Policia e Shtetit, apo i arrestuar më parë, ai ka bërë një goxha ndryshim në jetën e tij. Në një foto të para disa viteve, ai pozon mbi një mushkë, e ndërsa në një tjetër foto të para disa muajve, ai shihet i rrethuar nga jeta e luksit, makina ' Tesla' dhe pushimet. Jeta e luksit, i është vënë re edhe nga miqtë e tij, që nuk ngurrojnë t'ia vënë në dijeni, duke i thënë: E ke kap veten të janë zbardhur duart.
PAKOJA ME KANABIS
Burime policore thanë për "Gazeta Shqiptare" se është bërë këqyrja e pakos dhe në brendësi të saj janë gjetur 11 mijë fara kanabis sativa. Pjesa më e madhe e farave ishin për kultivim në ambiente të mbyllura me llamba dhe një pjesë tjetër ishin për t'u kultivuar në natyrë. Pakoja kishte si destinacion qytetin e Vlorës. Dërgesa e saj është bërë në mbikëqyrje të policisë dhe pas dorëzimit të saj është arrestuar në flagrancë 30- vjeçari Olsi Caushaj, banues në Vlorë.
për Hetimin e Narkotikëve dhe Trafiqeve në Drejtorinë Hetimore Qendrore e referuan në Prokurorinë e Rrethit
Gjyqësor Tiranë, për fillimin e ndjekjes penale, për veprën penale "Trafikim ndërkombëtar i lëndëve narkotike" dhe nën drejtimin e Prokurorisë prej disa ditësh u ndoq me metoda speciale të hetimit.
Më datë 16.05.2020, nga ana e strukturave të Drejtorisë Hetimore Qendrore, në kuadër të dorëzimit të kontrolluar, në momentin e tërheqjes së plikos postare në qytetin e Vlorës, është bërë arrestimi në flagrancë i shtetasit me iniciale O. C., vjeç 30, lindur dhe banues në Vlorë. Në përfundim u sekuestruan në cilësinë e provës materiale dy qese që përmbanin fara të bimës cannabis sativa, konkretisht 7000 fara të cilësisë së lartë për kultivim me llamba elektrike dhe 4000 fara për mbjellje në natyrë. Nga ana e Drejtorisë Hetimore Qendrore, në bashkëpunim me Prokurorinë e Rrethit Gjyqësor Tiranë, vazhdon puna hetimore për zbulimin e autorëve te tjerë të përfshirë në këtë veprimtari kriminale.