Akuzohet për vjedhje me dhunë, armë dhe eksploziv, arrestohet 31- vjeçari ‘ Rrem Paturi’
I riu u konsiderua si kreu i bandës që vodhi postën e Krujës, u lirua se nuk kishte prova Operacioni "ATM", policia zbardh 15 vjedhje bankash, argjendarish e karburantesh
Një 31- vjeçar nga Fushë- Kruja, i cili dyshohet të jetë autor i 15 rasteve të vjedhjes së ATM- ve të bankave, karburanteve dhe Exchange ka rënë dje në pranga e policisë. Bëhet fjalë për të riun Andi Rexhepi i njohur ndryshe dhe si Renato Paturi, i dënuar më herët për vjedhje me dhunë. Sipas bluve të Tiranës janë dokumentuar me prova ligjore 15 raste të vjedhjes dhe tentativës për vjedhje të bankomatëve dhe filialeve të bankave të nivelit të dytë, këmbimit valutor, karburanteve e argjendarive. Rexhepi ishte shpallur në kërkim nga Komisariati i Policisë Kavajë, pasi Gjykata e Rrethit Gjyqësor Kavajë, më datë 15.05.2020, në bazë të provave të siguruara nga puna profesionale dhe hetimore e strukturave të policisë, i ka caktuar masën e sigurisë "Arrest në burg", si autor i dyshuar për disa vjedhje të filialeve të bankave në nivelit të dytë dhe bankomatëve.
NJOFTIMI I POLICISË
Në vijim të punës për parandalimin e vjedhjeve me dhunë, armë dhe eksploziv, zbardhjen e atyre të ndodhura më parë, evidentimin dhe kapjen e autorëve, si rezultat i një pune intensive dhe të mirorganizuar me prova ligjore të pakontestueshme, nga Sektori i Krimeve Ndaj Jetës dhe Pronës, në bashkëpunim me Sektorin e Operacioneve Speciale dhe Kërkimit në Drejtorinë Vendore të Policisë Tiranë dhe Komisariatin e Policisë Kavajë, në koordinim nga Departamenti i Policisë Kriminale në Policinë e Shtetit dhe nën drejtimin e Prokurorisë pranë Gjykatës së Shkallës së Parë Kavajë, u bë i mundur finalizimi me sukses i operacionit policor "ATM".
Në kuadër të këtij operacioni u bë i mundur lokalizimi dhe kapja e autorit të dyshuar, shtetasit A. R. alias R. P., 31 vjeç, banues në Fushë Krujë, i dënuar më parë për veprën penale "Vjedhja me dhunë".
Ky shtetas ishte shpallur në kërkim nga Komisariati i Policisë Kavajë, pasi Gjykata e Rrethit Gjyqësor Kavajë, më datë 15.05.2020, në bazë të provave të siguruara nga puna profesionale dhe heti
KUSH ËSHTË ANDI REXHEPI
Burime nga policia dje bënë me dije se 31- vjeçari nga Fushë- Kruja, Andi Rexhepi është autor i grabitjes së një filiali të postës në Krujë në nëntor të vitit 2019 ku u morën 13 mln lekë. Ndërkohë, me herët në qershor 2017, në kryqëzimin e Borizanës, ai ka sajuar një atentat me dy të shtëna, por pas verifikimeve të policisë ka rezultuar se e gjithë ngjarja ka qenë një sajesë. Andi Rexhepi u dënua në Greqi për vjedhje e grabitje, por u arratis nga burgu. Ai aty ishte pjesë e një bande shqiptarësh që grabisnin shtëpi, kryesisht të ' yjeve' grekë.
more e strukturave të Policisë, i ka caktuar masën e sigurisë "Arrest në burg", si autor i dyshuar për disa vjedhje të filialeve të bankave në nivelit të dytë dhe bankomatëve ( ATM). Nga hetimet dhe provat e siguruara rezulton se ky shtetas është autori kryesor i dyshuar për disa vjedhje me dhunë, armë e eksploziv në Qarkun e Tiranës, konkretisht:
I vjedhjes me armë zjarri të një sasie vlere monetare në filialin e një banke të nivelit të dytë, ngjarje e ndodhur më datë 02.03.2018, rreth orës 03: 50, në fshatin Kashar, Tiranë;
I tentativës për vjedhje me thyerje të filialit të një banke të nivelit të dytë, ngjarje e ndodhur më datë 27.12.2018, rreth orës 04: 20, në rrugën "Dritan Hoxha", lagjja Laprakë, Tiranë;
I tentativës për vjedhje me eksploziv të vlerave mon
etare në bankomatin ( ATM) e filialit të një banke të nivelit të dytë në Bulevardin Blu, Bashkia Kamzë, Tiranë;
I vjedhjes me eksploziv të një shume parash në një bankomat të filialit të një banke të nivelit të dytë, ngjarje e ndodhur më datë 17.01.2019, rreth orës 04: 30, në rrugën "Rinia", Bashkia Vorë, Tiranë.
I vjedhjes me eksploziv të një sasie vlerash monetare në një bankomat të një filiali të një banke të nivelit të dytë, ngjarje e ndodhur më datë 26.08.2019, rreth orës 03: 22, në lagjen nr. 5 të qytetit të Kavajës. Gjithashtu, po nga puna hetimore u bë e mundur zbardhja edhe e një sërë ngjarjeve të tjera të ndodhura më parë në qarqet Tiranë, Durrës e Berat, si vjedhje me dhunë, armë e eksploziv të bizneseve, bankomatëve dhe argjendarive, konkretisht:
• Vjedhja e një shume parash në një pikë karburanti në autostradën Tiranë- Durrës, ndodhur më 05.11.2018;
• Vjedhja e një sasie parash në një ATM ( bankomat) të një filiali të një banke të nivelit të dytë, ngjarje e ndodhur në Ura Vajgurore, Berat, më 04.01.2019;
• Tentativa për vjedhje të ATM ( bankomat) të një filiali të një banke të nivelit të dytë në Shijak, Durrës, ngjarje e ndodhur më 27.12.2018;
• Vjedhja e një shume parash në një ATM ( bankomat) të një filiali të një banke të nivelit të dytë në Shijak, Durrës, ndodhur më 14.02.2019;
• Vjedhja e një shume parash në një ATM ( bankomat) të një filiali të një banke të nivelit të dytë, ndodhur më 09.06.2019, në lagjjen nr. 14, Durrës;
• Tentativa për vjedhje në një ATM ( bankomat) të një banke të nivelit të dytë, ndodhur më 09.06.2019 në lagjen nr. 13, Durrës;
• Tentativa për vjedhje në një dyqan të këmbimit valutor Exchange, ndodhur në Durrës, më 31.07.2019;
• Vjedhja e së një sasi bizhuterish në një argjendari në një qendër tregtare, ndodhur më 01.01.2019;
• Tentativa për vjedhje të parave në një ATM ( bankomat) të një filiali të një banke të nivelit të dytë, në Shkozet, Durrës, ndodhur më 17.01.2019. Vijon puna për kapjen edhe të bashkëpunëtorëve të tjerë të këtij shtetasi. Materialet i kaluan Prokurorisë së Rrethit Gjyqësor Kavajë, për veprime të mëtejshme, për veprat penale "Vjedhja e bankave dhe arkave të kursimit" e kryer në bashkëpunim dhe "Mbajta pa leje a armëve dhe municioneve luftarake".