Rënia e COVID 19, vetëm 1 rast ditor pozitiv që prej fillimit të epidemisë
Manastirliu: Intensifikim testimesh për gjurmimin aktiv të rasteve
Kurba e koronavirusit në vendin tonë ka pë suar rënien më të madhe që prej fillimit të epidemisë duke shënuar vetëm një rast pozitiv brenda 24 orësh. Ndërkohë në spitalin Infektiv ka vetëm 15 pacientë të shtruar, 3 prej të cilëve në terapi intensive. Të dhënat janë bërë publike ditën e djeshme nga specialistja e Institutit të Shëndetit Publik, Adela Vasili gjatë komunikimit për mediat. "Ju bëjmë me dije të dhënat e 24 orëve të fundit të situatës së COVID- 19 në Shqipëri.
Gjatë 24 orëve të fundit kemi të konfirmuar vetëm 1 rast pozitiv në Tiranë, nga 177 testime të kryera për të dyshuar të prekur me COVID- 19. Të shëruar janë 15 qytetarë. Në spitalin Infektiv, gjendja paraqitet e qëndrueshme prej ditësh me 15 pacientë të shtruar dhe vetëm 3 prej tyre në terapi intensive",- tha Vasili. Prej më shumë se dy javësh fatmirësisht nuk ka asnjë humbje jete nga koronavirusi në Shqipëri.
PACIENTË AKTIVË E TË SHËRUAR
Deri mesditën e së martës janë kryer rreth 13 mijë testime dhe janë konfirmuar pozitivë me COVID- 19 në të gjithë vendin 949 qytetarë. Prej tyre, rreth 78% janë të shëruar.
TESTIMET
Testimet serologjike vazhdojnë të kryhen dhe deri më tani janë testuar mbi 1 mijë punonjës shëndetësie dhe sipas të dhënave 8% kanë fituar antitrupa. Ministrja e Shëndetësisë dhe Mbrojtjes Sociale Ogerta Manastirliu, ka vizituar nga afër Laboratorin e Virologjisë në Institutin e Shëndetit Publik, i cili ka vijuar punën pa u ndalur që nga dita e parë e epidemisë për diagnostikimin e COVID- 19. "Puna nuk ka ndalur për asnjë orë të ditës dhe të natës për të pasur rezultatet në kohë reale, për të analizuar të gjithë territorin e vendit, për të bashkëpunuar me të gjithë institucionet e shëndetësisë. Ne sot jemi në rreth 190 raste aktive, të cilat janë të shpërndara në 4 qarqe kryesore, por nga ana tjetër ajo çfarë nevojitet është vijimi i testimit dhe vijimi i gjurmimit të kontakteve të rrethit të parë, të rrethit të dytë, ashtu siç tashmë edhe në strategjinë e miratuar nga Komiteti i Ekspertëve është përcaktuar dhe është ndjekur",- tha Manastirliu.
GJURMIMI I RASTEVE
Duke falënderuar stafin për punën dhe sakrificën gjatë kësaj periudhe, Manastirliu u shpreh se, në fazën e rihapjes, do të intensifikohet testimi për gjurmimin aktiv të rasteve, ndaj edhe janë marrë të gjitha masat për forcimin e kapaciteteve në Laboratorin e Referencës në ISHP. 11 mijë teste të tjera kanë mbërritur në këtë laborator, financim i qeverisë shqiptare. "Ajo çfarë është e rëndësishme është se ky laborator do të vijojë të ofrojë të njëjtin standard dhe do të jetë edhe në vijim i furnizuar, pasi çfarë kemi bërë
deri sot është që kemi qenë në një linjë me strategjinë e miratuar edhe me të gjithë rekomandimet e strukturave ndërkombëtare. Çfarë duhet tashmë nga ky moment dhe në vijim është forcimi i kapaciteteve të laboratorit të Institutit të Shëndetit Publik për të vijuar dhe
TË TESTUAR ME ANTITRUPA
"Nga ana tjetër kemi vijuar me testimet e serologjisë për evidentimin e krijimit të antitrupave tek grupet e riskut. Janë më shumë se 1 mijë personel shëndetësor të cilët kanë kryer analizën serologjike. Rreth 8% e tyre kanë krijuar antitrupa, pra rezultojnë 8% që kanë IGG positive",- tha Manastirliu.