' Teatri', Kryemadhi firmos peticionin: Po identifikojmë policët që dhunuan qytetarët

Vasili: Shembja e vuri Shqipërinë në udhëkryq të rëndë

Kryetarja

e LSI- së, Monika Kryemadhi fir mosi dje peticionin e ' Aleancës për Mbrojtjen e Teatrit' për rindërtimin e Teatrit Kombëtar. Kryemadhi iu bashkua qindra qytetarëve dhe aktivistëve që me anë të këtij peticioni kërkojnë që Teatri Kombëtar të mund të rindërtohet ashtu sicc ishte. Më herët ajo publikoi emrat e policëve që sipas saj, dhunuan ditën e shembjes së Teatrit, qytetarët, politikanët dhe gazetarët. Ajo tha për "News 24" se të gjithë ata që kanë gisht në shembje do ta paguajnë. "Të gjithë ata që kanë firmosur atë vendim, kryetarë bashkie, këshilltarë bashkie dhe ata policisë privatë të firmës që do ndërtojë atje do përgjigjen një ditë. Kemi nisur t'i identifikojmë. Kemi identifikuar: Altin Lila, shef i komisariatit nr. 5.

Ai dhunoi gazetarin Alfred Lela. Kemi identifikuar Kastriot Gjokutajn, komandant i Forcave Speciale të Edi Ramës, Denisa Hima është policja që dhunoi Silva Cakën. Kemi filluar identifikimin e policëve dhe policeve që kanë dhunuar qytetarët. Turp më të madh nuk ka se të preket me dorë një grua e mbuluar me shami. Amarilda Shabani, është një tjetër police e dhunës",- theksoi zj. Kryemadhi. Kurse nënkryetari i LSI- së, Petrit Vasili, deklaroi se shembja e Teatrit Kombëtar e ka vënë Shqipërinë në një "udhëkryq të rëndë që provon rrënimin e drejtësisë shqiptare". Vasili bëri "krye- përgjegjës" për këtë çështje kryeministrin Edi Rama dhe kreun e Bashkisë së Tiranës, Erion Veliaj, ndërsa tha se "të gjithë do të përgjigjen", pasi Shqipërinë e futën në një udhëkryq shumë të rëndë.