Operacion antidrogë, arrestohen 22 persona, mes tyre edhe vëllai i kryebashkiakut të Fushë- Arrësit
Prokuroria: Hetimet nisën që në vitin 2019, ja si funksiononte grupi kriminal Policia dhe FNSH ofensivë në Kukës e në disa qytete të tjera të vendit, mes të prangosurve dhe 2 policë
Një operacion anti drogë i zhvilluar në disa qytete të Shqipërisë është finalizuar me shoqërimin në total të 40 personave, ndërsa kanë përfunduar në pranga 22 prej tyre. Mësohet se operacioni i koduar "Shënmëri 2020" ka nisur dy vite më parë në Kukës. Mes personave të arrestuar është vëllai i kryebashkiakut të Fushë- Arrësit, Fran Tuçi, Arben Tuçi, i cili mendohet se gjente klientët dhe 2 punonjës policie, të cilët u dilnin garant për mbjelljen e parcelave me kanabis. Ramiz Cenaj, një efektiv i komisariatit Kukës dhe Arben Kalaja një oficer i Policisë në Drejtorinë e Përgjithshme në Policisë së Shtetit, janë arrestuar me urdhër të prokurorisë së Kukësit, pasi rezultojnë t'i kenë dhënë garanci dhe kanë lejuar disa persona në Kukës, për të kultivuar lëndën narkotike. Hetimi i nisur qysh prej vitit 2018 nga prokurorja Rita Gjati, çoi në arrestimin e një numri të madh personash nga zona e Kukësit, Pukës, Krujës dhe Lezhës, të cilët kundrejt shumave të parave që jepnin policëve, dyshohet se arrinin të merrnin garanci prej Ramiz Cenaj, Arben Kalaja dhe Naim Kadiut që të mbillnin parcela me lëndë narkotike në zona të thella të Pukës dhe Kukësit. Një ndër zonat që trafikantët kishin piketuar dhe mbjellë me fidanë hashashi ishte dhe "Kodra e Spaçit" në Munellë të Pukës. Mes personave të tjerë të arrestuar janë Kreshnik Murataj, i cili besohet se së bashku me Shkëlqim Skaçin, kanë qenë drejtuesi i këtij grupi kultivuesish, por jo financuesi i mbjelljes së hashashit. Në dosjen e prokurorisë thuhet se hetimet janë shtrirë tek disa persona që dyshoheshin si financuesit e këtij aktiviteti kriminal, por gjatë fazës hetimore nuk është arritur të gjenden prova dhe të dhëna për identifikimin e
HETIMI
Sipas burimeve policore, dokumentimi i këtij aktiviteti kriminal është bërë pas një hetimi disamujor nga strukturat e DVP Kukës në bashkëpunim me SHÇBA- në, nën drejtimin e Prokurorisë së Rrethit Gjyqësor Kukës, duke aplikuar format dhe metodat speciale të hetimit, në kuadër të procedimit penal të nisur në vitin 2018, për parandalimin e kultivimit të bimëve narkotike.
OPERACIONI ANTIKANABIS
Gjatë operacionit antikanabis janë arrestuar 22 persona në Kukës, Lezhë, Shkodër, Tiranë dhe Gjirokastër. Të arrestuar kanë mbetur kultivuesit, disa policisë dhe mes të prangosurve është dhe vëllai i Fran Tucit, kreut të Bashkisë së Fushë- Arrësit, Arben Tuci. Ndërkohë vijon aksioni në terren për gjendjen e parcelave me kanabis.
njerëzve financues. Mes të arrestuarve të tjerë janë dhe Shkëlqim Skacaj, Sali Kovaçi, Zamir Myftari, Floriand Myftaraj, Pal Përgjergji, Ramiz Cenaj, Naim Kadiu, Akil Buna nga Kruja, Arben Bejko nga Gjirokastra, Durim Vata, Besart Dreni, Tarzan Veseli, Besnik Coka, Petrit Pashku, Benard Kordhaku, Shpëtim Topuzi, Zejnel Mece, Ardiatik Hoxha dhe Rezart Tahiri. Ndërkaq, policia ka zbardhur detaje për superaksionin antidrogë të zhvilluar në Kukës dhe disa qytete të tjera të vendit. Gjithashtu, është pezulluar nga detyra një tjetër oficer policie, si dhe gjatë aksionit është sekuestruar një armë zjarri tip kallashnikov dhe bimë kanabisi.
NJOFTIMI I POLICISË
Drejtori i Drejtorisë Vendore të Policisë Kukës Drejtues Zef Laska, së bashku me prokuroren e Prokurorisë së Rrethit Gjyqësor Kukës Rita Gjati, në konferencë për shtyp në lidhje me finalizimin e operacionit "Shënmëri 2020", për goditjen e veprimtarisë kriminale në fushën e kultivimit të bimëve narkotike.
Operacioni është shtrirë në disa qarqe të vendit si Kukës, Lezhë, Shkodër, Tiranë dhe Gjirokastër, me mbështetjen e Forcave Lëvizëse Operacionale.
19 persona në pranga, sekuestrohet një armë zjarri kallashnikov.
Në zbatim të Planit të Veprimit të Drejtorisë së Përgjithshme të Policisë së Shtetit, për marrjen e masave operacionale në terren, me qëllim parandalimin, evidentimin dhe goditjen e veprimtarisë kriminale në fushën e kultivimit dhe trafikimit të lëndëve narkotike, Drejtoria Vendore e Policisë Kukës, në bashkëpunim me strukturat e lëvizjes operacionale FLO, në koordinim nga Departamenti i Policisë Kriminale, si dhe me SHÇBA- në dhe nën Drejtimin e Prokurorisë së Rrethit Gjyqësor Kukës, në orët e para të mëngjesit finalizoi me sukses operacionin policor të koduar "Shënmëri 2020", si rezultat i të cilit u bë ekzekutimi i masave të sigurisë për 19 shtetas, për veprën penale "Kultivimi i bimëve narkotike, në bash
këpunim" dhe konkretisht:
SH. S., 29 vjeç, A. T., 50 vjeç, F. M., 20 vjeç, P. P., 61 vjeç, A. B., 36 vjeç, A. B., 52 vjeç, B. D., 27 vjeç, T. V., 40 vjeç, P. P. 46 vjeç, B. K., 36 vjeç, Sh. T., 46 vjeç, Z. M., 44 vjeç dhe R. T., 24 vjeç, nga këto 10 shtetas janë banorë të Kukësit, një shtetas banor i Lezhës, 1 i Pukës dhe 1 i Gjirokastrës. Për shtetasit S. K., 41 vjeç, K. M., 26 vjeç dhe A. H., 34 vjeç, u bë njoftimi i masës së sigurisë "Arrest në burg" në IEVP Tiranë, pasi janë arrestuar për vepra të tjera penale.
Gjithashtu në kuadër të operacionit u bë shpallja në kërkim e 3 shtetasve: B. K., Z. M. dhe B. C..
Nga strukturat e SHÇBA- së pranë Drejtorisë Vendore të Policisë Kukës janë arrestuar dy punonjës policie, shtetasi A. K., 49 vjeç dhe shtetasi R. C, 59 vjeç, për veprën penale "Shpërdorimi i detyrës".
Dokumentimi i këtij aktiviteti kriminal është bërë pas një hetimi disa mujor nga strukturat e DVP Kukës në bashkëpunim me SHÇBA- në, nën drejtimin e Prokurorisë së Rrethit Gjyqësor Kukës, duke aplikuar format dhe metodat speciale të hetimit, në kuadër të procedimit penal të nisur në vitin 2018, për parandalimin e kultivimit të bimëve narkotike. Ndërsa për oficerin e Policisë N. K, u mor masa e pezullimit nga detyra. Po gjatë operacionit u arrestua në flagrancë shtetasi S. V., 41 vjeç, banues në Shtanë, Kukës, për veprat penale "Kultivimi i bimëve narkotike" dhe "Armëmbajtja pa leje", pasi gjatë kontrollit të ushtruar nga policia në banesën e tij u gjet dhe sekuestrua një armë zjarri tip automatik, si dhe në ambientet e jashtme u gjetën 54 kubikë me bimë të dyshuar narkotike kanabis. Strukturat e DVP Kukës do të intensifikojnë masat për garantimin e rendit publik dhe për parandalimin dhe goditjen e veprimtarisë kriminale në Qarkun Kukës, duke bashkëpunuar me të gjithë institucionet ligjzbatuese dhe aktorët e tjerë.