Vajza e Robert Ndrenikës: U shemb Teatri, çfarë ' shock'- u!

Vajza

e Robert Ndreni kës ka bërë dy postime në "Facebook", për çështjen e Teatrit Kombëtar. Në të dyja duket e indinjuar për shembjen e tij.

POSTIMI I DATËS 21

"Ajo çka e bën më të dhimbshme shkatërrimin e TK është fakti se në diktaturën totalitare komuniste u jepej përparësi artit, teatrit, kinematografisë etj.. Ishte pikërisht atëherë që Teatri Kombëtar mori zhvillim duke arritur kulme cilësore. Sot në demokracinë e pretenduar ( që aq shumë kishim ëndërruar) ose diktaturën hibride ku po jetojmë, merr përparësi biznesi i ndërtimit që në mënyrë makuteske ( with unlimitedet greed) drejton qytetin e vendin në mënyrë të drejtpërdrejtë. Oligarki financiare pa përfaqësim. Një bande qe e obsesuar pas truallit të qendrës së Tiranës vjedh e shkatërron pa asnjë princip.

POSTIMI I DATËS 20 "Çfarë shock- u! Në 100vjetorin e shpalljes së Tiranës kryeqytet, shembet Teatri Kombëtar, një godinë 80- vjeçare, pjesë harmonike e ansamblit arkitekturor të qendrës historike të Tiranës.

Jo thjesht një ndërtesë, por një histori! Historia e një institucioni që i dhuroi për shumë kohë kulturë Tiranës e mbarë kombit shqiptar, duke mbajtur gjallë shpirtin artistik të elitës e të popullit e duke lëvruar shqipen letrare. U keqadministrua, u keqdrejtua gjatë 20 viteve të fundit për ta degraduar e ta sjellë në këtë moment. Keqmenaxhim e keqdashje. Shpërndarje fondesh buxhetore në salla të vogla e jo të denja ( Eksperimentali, Metropoli e Turbina) që prodhojnë më shumë zanat teatror nga sa i duhet Tiranës, që nëse do të përdoreshin për Teatrin Kombëtar, do ta kishin restauruar denjësisht fasadën e hyrjen, por edhe sallën e skenën. E tradhtuar së fundmi jo vetëm nga qeveria e Forumi për Mbrojtjen e Trashëgimisë Kulturore, por edhe nga një pjesë e komunitetit teatror, në shkelje të shumëfishtë të ligjit, godina u hoq nga listat e mbrojtura të monumenteve të kulturës dhe nxitimthi iu kalua në varësi pushtetit vendor. E vlerësuar nga ' Europa Nostra' si një godinë që duhej mbrojtur e restauruar, Shqipëria vendosi të shkatërrojë e të shkojë në drejtim të kundërt të parimeve europiane".