Ilir Meta nxjerr SMS- të: Disa ndërkombëtarë palë me Ramën
Presidenti: Shembja brutale e Teatrit ka indinjuar edhe artistët në Europë "Ambasadat të përgjigjet për reformën"
PRESIDENTI
Z. Meta shpërndau dje në ‘ FB’ një këngë nga dy muzikantë italianë, dedikuar ditës së shembjes së Teatrit. Kjo këngë, sipas kreut të shtetit, duhet të frymëzojë të gjithë qytetarët për të krijuar një front për rivendosjen e demokracisë në vend. “Një këngë homazh, që duhet të na zgjojë dhe frymëzojë të gjithëve për të krijuar një front të përbashkët për rivendosjen e demokracisë”, - shprehet Meta.
Presidenti Ilir Meta ka folur në “Opinion” në lidhje me reformën në drejtësi si dhe për rolin e ndërkombëtarëve në vendin tonë.
Meta publikoi në emision mesazhin e një diplomati të huaj, që sipas tij, e ka nisur në emër të BE dhe SHBA. Në këtë mesazh, tregohen diskutimet që janë bërë jashtë syrit të medias në periudhën kur zgjidheshin anëtarët e rinj të Gjykatës Kushtetuese.
Në mesazhin diplomatit thuhet se Rama nuk do ta bllokojë kandidaturën e Marsida Xhaferllarit në listën tjetër për anëtare të Gjykatës Kushtetuese, çka për Presidentin Meta tregon qartë ndikimin e kryeministrit në reformën në drejtësi.
“Ky mesazhi këtu është për të kuptuar se si punojnë disa ndërkombëtarë në Tiranë për reformën në drejtësi. Ky është një diplomat korrekt dhe ka qenë në atë takim. Ai e ka nisur këtë në emër të ambasadës amerikane dhe ambasadës së BE. Mirëmëngjesi Beni, thotë. I takova kolegët e mi amerikanë dhe të BE dhe folëm me Ramën në telefon dhe nuk e mbështesin pozicionin e presidentit për pezullimin dhe këtë nuk ma thanë në darkë. Ata besojnë që arta Vorpsi tani është caktuar si rezultat i mekanizmit zhbllokues dhe ata do të dalin sot publikisht dhe kemi rënë dakord që mos i bjerë të fikët presidentit. Rama, megjithatë, ra dakord që Marsida Xhaferllari të jetë në listën e presidentit për nominim për tjetrën. Dhe Rama nuk do përpiqet të bllokojë këtë. Pra, është Rama që i bllokon dhe jo KED që i infiltron kandidatët. Ky është mesazhi i një diplomati që ishte në takim në darkë. Por, ky është një qëndrim i turpshëm, anti- kushtetues. Nuk janë lojërat e Amerikës, por lojërat e ekspertëve”.
Ndërsa ka folur për reformën në drejtësi dhe cilësimin e ambasadores amerikane për “një marrëveshje të fshehtë për të vrarë reformën”, Presidenti Ilir Meta është treguar i pakursyer edhe për ndërkombëtarët në qëndrimin e tij.
Ndonëse nuk përmendi emra dhe nuk adresoi fjalët e tij, Meta foli për ndërkombëtarë që janë bërë palë me Edi Ramën.
Meta: Nuk ka si ta ketë për mua ambasadorja se në Shqipëri ka dy aktorë politikë reforma, ka mazhorancën dhe opozitën. Por opozita ka ikur nga parlamenti, kështu që në Shqipëri ka vetëm një aktor politik, që është Edi Rama. Ka dhe një aktor politik që janë këto dy ambasadat që duhet të përgjigjeshin për paanësinë e kësaj reforme. Nuk ka aktorë të tjerë këtu.
Fevziu: E paska për Ramën?
Meta: Nuk e di, nuk flas në emër të saj. Sa herë ambasadorja të kërkojë një takim zyrtar me presidentin do të jetë e mirëpritur në mënyrën më zyrtare dhe më të përgjegjshme. Reforma në drejtësi i ka përgjegjësitë konkrete. Presidenti i ka paralajmëruar për çdo gjë me kohë, çdo detyrim që ka pasur e ka bërë me kohë.
Fevziu: Po nëse ndërkombëtarët ua vënë gishtin ju?
Meta: Ndërkombëtarët nuk ma vënë dot mua gishtin. Atyre ndërkombëtarëve që janë bërë palë me Edi Ramën ua kam vënë gishtin sy më sy. Nëse ke ndonjë ndërkombëtar që ka këtë mendim ma sill mua këtu. Unë jam Presidenti i Republikës, nuk merrem me llafe dhe thashetheme, por për hir të transparencës m’i sill këtu. Ndërkombëtarët e Ramës me këto punë do merren, unë punoj me letra jam serioz.
Fevziu: Si t’i ndajmë ne kush janë të Ramës?
Meta: Ata që janë të Ramës punojnë për Ramën.
Presidenti i vendit, Ilir Meta, apelon për krijimin e një fronti të përbashkët, për rivendosjen e demokracisë në vend. Presidenti i referohet situatës së shembjes së Teatrit Kombëtar, teksa përmend se shembja brutale e kësaj godine ka indinjuar jo vetëm artistët në Shqipëri, por edhe në Europë. Sipas presidentit, këta artistë të huaj po e shprehin revoltën e tyre kundër dhunës dhe barbarisë ndaj trashëgimisë kulturore e historike të vendit me art. Prandaj, Meta shpërndau dje një këngë nga dy muzikantë italianë, dedikuar ditës së shembjes së Teatrit. Kjo këngë, sipas kreut të shtetit, duhet t’i frymëzojë të gjithë qytetarët për të krijuar një front, për rivendosjen e demokracisë në
LETRA
Regjisori Kastriot
Çipi, një nga përfaqësuesit e “Aleancës për Mbrojtjen e Teatrit”, përmes një letre të hapur, drejtuar kryetarit të PD- së, Lulzim Basha, i kujton kontratën e nënshkruar me artistët për ndryshimin e sistemit zgjedhor. Sipas Çipit, e vetmja alternativë për ndryshimin e sistemit zgjedhor është sistemi proporcional kombëtar me lista të hapura.
vend. “Shembja brutale e Teatrit Kombëtar ka indinjuar jo vetëm artistët në Shqipëri, por edhe në Europë, të cilët revoltën e tyre kundër dhunës dhe barbarisë ndaj trashëgimisë kulturore e historike të vendit tonë po e shprehin me art. ‘ Atë natë të shtune, përse?’ është kënga homazh, që dy muzikantët e mirënjohur Marco dhe Daria Zappa kanë krijuar si shprehje të dhimbjes për shkatërrimin kriminal të vlerave kulturore të kombit tonë nga dhuna e pushtetit. Një këngë homazh, që duhet të na zgjojë dhe frymëzojë të gjithëve për të krijuar një front të përbashkët për rivendosjen e demokracisë”, - shprehet z. Meta. Presidenti i Shqipërisë, Ilir Meta, pas ngjarjeve të fundit në lidhje me shembjen e Tetarit Kombëtar, ka kërkuar që të bëhet një hetim ndërkombëtar. Meta kërkon një hetim ndërkombëtar për shembjen e Teatrit Kombëtar, sipas së cilit është bërë në mënyrë të paligjshme dhe i ka bërë thirrje “Aleancës” si organizuese e protestës që “të mos i përgjigjet dhunës me dhunë”. “Mbështes fuqimisht një hetim ndërkombëtar për shkatërrimin antikushtetues, të paligjshëm dhe në mënyrën më antievropiane të Teatrit Kombëtar. Gati të bashkëpunoj me ‘ Aleancën për Mbrojtjen e Teatrit’, si dhe me çdo institucion evropian dhe ndërkombëtar për kulturën. Evropa dhe bota demokratike po e kupton edhe më qartë se ç’po ndodh këtu. Mos iu përgjigjuni dhunës me dhunë, por me besim te demokracia dhe triumfi i saj mbi talebanizmin dhe oligarkinë”, - është shprehur presidenti i vendit, Ilir Meta.