Shqipëria, ndër vendet me varësi më të lartë nga turizmi në botë
Pasoja nga COVID- 19
INDIVIDËT
Në masën e parë që mori qeveria menjëherë pas izolimit të vendit u miratua ndihmë financiare për të punësuarit në subjektet e biznesit me të ardhura vjetore deri 14 000 000 lekë, për periudhën pas ndërprerjes së aktivitetit ekonomik për shkak të gjendjes së pandemisë së shkaktuar nga COVID- 19, duke përfshirë: personat fizikë të vetëpunësuar; punonjësit e papaguar të familjes të personit fizik tregtar; të punësuarit në personat fizikë tregtarë; të punësuarit në personat juridikë. Masa e dytë ishte dyfishim të pagesës për individët që përfitojnë pagesë të ndihmës ekonomike dhe masa e tretë dyfishim të pagesës për individët që përfitojnë pagesën e të ardhurës nga papunësia.
BIZNESET
Ministria e Financave bën të ditur është aplikuar subvencionim për punonjësit e larguar dhe aktualë në bizneset me të ardhura mbi 14 milionë lekë të mbyllur nga urdhrat e MSHMSsë. Ndërsa masa e dytë mbështetëse ishte ajo për të larguarit nga puna deri në 10 prill ( përjashtuar subjektet e mbyllura nga urdhrat e MSHMS- së). Qeveria miratoi subvencionim për të gjithë punonjësit e bizneseve me të ardhura nën 14 milionë lekë ( përjashtuar 8,000 persona në profesionet e lira, tregtia, farmacitë, përfituesit e pagës së luftës së Paketës 1, etj.) dhe masa e katër subvencionimi i pagës së luftës për punonjësit e strukturave akomoduese në sektorin e turizmit. Një tjetër masë ishte mbështetja për punonjësit e Rafinerisë së Ballshit ( Punonjës me pagë nën 100 mijë lekë/ muaj) dhe ndihma financiare për aplikuesit e ndihmës ekonomike, të cilët rezultojnë aplikues dhe nuk janë përzgjedhur nga sistemi i pikëzimit të ndihmës ekonomike.
Shqipëria
vlerësohet si një nga shtetet që do ta vuajë më shumë pandeminë e COVID- 19 në ekonominë e saj, me një rënie që varion nga - 5% sipas FMN dhe Bankës Botërore, deri në - 9%, sipas BERZH. Varësia e lartë nga turizmi, është një prej arsyeve kryesore, që i bën pesimiste parashikimet e institucioneve ndërkombëtare. ' Visual Capitalist', duke përpunuar të dhënat nga Organizata Botërore e Turizmit, ka përpiluar një hartë që rendit shtetet me varësi më të lartë nga turizmi. Mes tyre, renditet dhe Shqipëria, së bashku me Malin e Zi dhe Kroacinë.
GARANCITË
Deri tani janë miratuar dy paketa për mbështetjen e bizneseve të mëdha. Këshilli i Ministrave ka miratuar dy instrumente të Garancisë Sovrane për një shumë totale prej 26 miliardë le
Në hartë janë përfshirë shtetet, ku industria e turizmit dhe udhëtimeve kontribuon direkt dhe indirekt në më shumë se 15% të punësimit. Shqipëria renditet në vendin e 30 në botë, sa i përket peshës së turizmit në punësimin total, me 22%. Kroacia e ka këtë tregues në 25% dhe Mali i Zi në 33%. Në mbarë botën, 44 shtete varen nga industria e turizmit dhe udhëtimeve për më shumë se 15% të peshës së kësaj industrie në punësimin total. Nuk është surprizë që shumë nga shtetet që do të vuajnë dëmin më të madh ekonomik janë nga vendet ishullore. P. sh., në Antigua & Barbuda, rreth 91% e vendeve të punës gjenerohen nga turizmi. Sipas raportit, pa një fluks të qëndrueshëm nga të ardhurat nga turizmi, shumë shtete mund të përballen me efekte të rënda në ekonomi. Teksa industria globale e udhëtimeve dhe turizmit ka ngecur, efektet në ekonominë globale janë me shtrirje të gjerë. Në gjithë botën, rreth 330 milionë vende pune mbështeten nga turizmi, dhe ai kontribuon në 10%, ose 8.9 trilionë të Prodhimit të Brendshëm Bruto global çdo vit. Operatorët turistikë kanë kërkuar vazhdimisht hapjen e kufijve dhe fillimin e aktivitetit të turizmit, përndryshe pasojat për sektorin do të jenë shumë të rënda. Pesha e lartë e turizmit në ekonomi vlerësohet si një nga arsyet e rënies së fortë të pritshme këtë vit. Sipas raportit të fundit të BERZH, "Ekonomia e Shqipërisë ka të ngjarë që të goditet fort nga epidemia, për shkak të varësisë së saj të lartë nga turizmi dhe eksporteve me vlerë të ulët të mallrave ndërmjetëse me destinacion industrinë e modës në Itali. Një reduktim i mundshëm i remitancave do të ndikojë, gjithashtu, negativisht në rritje. Rimëkëmbja do të varet nga lehtësimi gradual i masave që janë marrë për të frenuar virusin dhe nga një kthim në normalitet në gjysmën e dytë të vitit".