Zbardhet dosja, ja dy momentet kur gjyqtari i KPA, Luan Daci gënjeu institucionet
"S'kam pasur detyrim ligjor për të dhënë përgjigje për shkaqet e largimit tim në ' 97- ën" Fshehu punën e gjyqtarit në CV dhe mashtroi komisionin Ad Hoc: Unë kam ikur me dorëheqje
Një ditë pasi gjykata vendosi lënien në fuqi të vendimit të pezullimit nga detyra për Luan Dacin, gjyqtar në Kolegjin e Posaçëm të Apelimit,
"News 24" dhe "Gazeta Shqiptare" ka zbardhur të plotë dosjen penale ndaj Dacit. Ai u pezullua nga detyra, pasi është nën hetim për falsifikim dokumentesh. Në dokumentet zyrtare zbardhet hap pas hapi çdo detaj nga hetimet e SPAK. Në materialin e siguruar hidhet dritë mbi faktin penal që rëndon ndaj Dacit, pezullimi i të cilit ka ulur ndjeshëm besueshmërinë tek institucioni i vetingut, që vendos për fatin e njerëzve të drejtësisë.
DOSJA E PLOTË SHPREHJA E INTERESIT PËR T'U EMËRUAR NË INSTITUCIONET E RIVLERËSIMIT
Me vendimin e Kuvendit të Republikës së Shqipërisë nr. 82/ 2017, datë 10 qershor 2017, botuar në Fletoren Zyrtare, shtetasi Luan Daci është zgjedhur gjyqtar në Kolegjin e Posaçëm të Apelimit. Më datë 3 shkurt 2017, Luan Daci ka paraqitur kërkesë drejtuar institucionit të Avokatit të Popullit dhe ka aplikuar për t'u emëruar në vendin vakant: gjyqtar i Kolegjit të Apelimit, anëtar i Komisionit të Pavarur të Kualifikimit, Komisioner Publik. Kjo kërkesë për aplikim është paraqitur në dy kopje, një kopje në gjuhën shqipe dhe një në gjuhën angleze të nënshkruara prej tij. Në dokumentacionin bashkëlidhur kërkesës për aplikim, aplikuesi ka paraqitur edhe një CV, në të cilën midis të tjerave është përshkruar se ka ushtruar kurse në Shkollën e Magjistraturës në periudhën 1995- 1996, është titulluar avokat me nr. licencë xxx. Në CV- në e paraqitur shtetasi Luan Daci nuk ka përshkruar faktin se ka ushtruar funksionin e gjyqtarit në Gjykatën e Tiranës. Në seancës dëgjimore të datës 2 qershor 2017 të zhvilluar nga komisioni Ad Hoc të Kuvendit më gjashtë anëtarë, për përzgjedhjen e kandidatëve për krijimin e institucioneve të rivlerësimit, Luan Daci është pyetur nëse ka punuar para vitit 2000 dhe është përgjigjur se ka punuar gjyqtar në Gjykatën e rrethit gjyqësor Tiranë. Pyetjes së komisionit se sa vjet ka punuar si gjyqtar dhe pse është larguar nga funksioni, Luan Daci është përgjigjur se: "Kam filluar në shtator të 1993. Fillimisht si ndihmësgjyqtar, kur kemi dhënë diplomën përpara komisionit shtetëror, dy ditë pas dhënies së diplomës jam emëruar gjyqtar në Gjykatën e Tiranës, madje jam emëruar dhe zëvendëskryetar. Deri në 24 dhjetor 1997 unë kam qenë gjyqtar në Gjykatën e Tiranës.
Pyetjes tjetër nga anëtari i komisionit nëse në vitin 1997 është larguar, ka ikur apo e kanë hequr, Luan Daci i është përgjigjur: "Unë kam ikur me dorëheqje, sepse nuk na lejuan të regjistroheshim".
KALLËZIMI PENAL NDAJ DACIT DHE NISJA E HETIMIT NGA SPAK
Me datë 17 janar 220, në Prokurorinë e Posaçme është paraqitur një kallëzim penal ndaj Luan Dacit. Sipas kallëzuesit në dokumentacionin zyrtar të marrë nga Kuvendi, rezulton se Luan Daci ka bërë një kërkesë drejtuar institucionit të Avokatit të Popullit me objekt: "Aplikimin, emërimin e kërkuesit në vende vakante të shpallura në bazë të ligjit 84/ 2016, në faqen e dytë të së cilës, ka deklaruar se, "ndaj meje nuk është marrë disiplinore e largimit nga puna, ose ndonjë masë tjetër disiplinore që është ende në fuqi, sipas legjislacionit në momentin e aplikimit. Ky deklarim që është bërë nga Luan Daci, në një dokument zyrtar drejtuar Avokatit të Popullit, sipas kallëzuesit provohet të jetë i pavërtetë, pasi me vendimin nr. 6 datë 24.12.1997 të Këshillit të Lartë të Drejtësisë, ai është shkarkuar nga detyra për shkelje të ligjit dhe paaftësi në detyrë.
Prokuroria e Posaçme kundër Korrupsionit dhe Krimit të Organizuar mbi bazën e kallëzimit penal nr. 36, datë 27 janar 2020, regjistroi procedimin penal për veprën penale të "falsifikimit të dokumenteve". Kallëzimi penal i depozituar kundër Luan Dacit ka pasur të bashkëlidhur dokumentacionin e marrë nga Kuvendi i Shqipërisë, ku përfshihej dosja personale e këtij shtetasi, paraqitur prej tij pranë zyrës së Avokatit të Popullit, kopje e procesverbalit të seancës dëgjimore të Luan Dacit në Komisionin Ad Hoc; shkresë marrë nga Këshilli i Lartë Gjyqësor, ku përfshihej edhe vendimi nr. 6 datë 24 dhjetor 1997, i Këshillit të Lartë të Drejtësisë; procesverbal i mbledhjes së Këshillit të Lartë të Drejtësisë, datë 18 nëntor 2016, kopje e kërkesës së z. Luan Daci datë 14 nëntor 2016. Me 28 janar 2020, SPAK kërkoi nga Kuvendi të dhëna në lidhje me shtetasin Luan Daci. Dokumentacioni iu vu në dispozicion me shkresën nr. 359 datë 30 janar 2020. Nga ky dokumentacion rezultoi: Dosja personale e Luan Dacit, paraqitur pranë Av. Popullit në të cilën gjendej ndër të tjera edhe kërkesa e tij për të emëruar në vendet vakante të institucioneve të rivlerësimit, me këtë përmbajtje: "Unë kërkuesi Luan Daci, jam banor i qytetit të Tiranës, me profesion jurist i titulluar i tillë nga Komisioni Shtetëror i Universitetit Shtetëror të Tiranës më datë 26.04.1994. Notën mesatare të këtij universiteti shtetëror e kam në nivelin 8.3 dhe diplomën shtetërore e kam mbrojtur me notën 9. Më pas kam ushtruar profesionin e avokatit pranë Dhomës së Avokatisë Tiranë, i autorizuar nga ministri i Drejtësisë dhe i regjistruar në këtë dhomë në vitin 2000. Pra, në sistemin e drejtësisë si avokat kam përvojë prej 17 vitesh. Nuk kam ushtruar funksione politike në administratën publike dhe nuk kam mbajtur pozicione drejtuese në ndonjë parti politike gjatë 10 viteve të fundit. Ndaj meje nuk ka nisur hetim penal, nuk jam i dënuar me vendim të formës së prerë për kryerjen e ndonjë krimi, apo kryerjen e një kundravajtje penale me dashje. Ndaj meje nuk është marrë masë disiplinore e largimit nga puna, apo ndonjë masë tjetër disiplinore, e cila është ende në fuqi sipas legjislacionit në momentin e aplikimit. Nuk kam qenë anëtar, bashkëpunëtor ose i favorizuar nga ish- Sigurimi i Shtetit para vitit 1990.
INTERVISTA E DACIT PARA KOMISIONIT AD HOC
Procesverbali datë 2 qershor 2017 ora 11: 00 nga Komisioni Ad Hoc me gjashtë anëtarë për përzgjedhjen e
DEKLARATA E DACIT
kandidatëve për krijimin e institucioneve të rivlerësimit sipas ligjit nr. 84/ 2016, i cili njofton përmbajtjen e intervistës së kandidatit Luan Daci, realizuar pranë komisionit si më poshtë vijon:
Pasi kandidati flet për karrierën dhe arsyet përse kandidon, Vasilika Hysi pyet anëtarët nëse kanë pyetje:
Ervin Bushati: Kam dy pyetje. E para, pyetja që ua bëjmë të gjithë kandidatëve, a keni ju lidhje me politikën? Luan Daci: Jo.
Ervin Bushati: Datat këtu nuk janë shumë të qarta, a mund të na thoni shkurtimisht nga cili vit në cilin vit keni punuar, në çfarë pozicioni, gjithmonë avokat, por nga cili vit?
Luan Daci: Kam punuar avokat që nga data 20 mars 2000, kur kam marrë licencën me autorizim të ministrit Ilir Panda, i cili më ka bërë edhe karakteristikën edhe për motive të aftësive të mia profesionale. Madje, z. Panda më ka përjashtuar edhe nga provimi, duke vlerësuar aftësitë e mia morale, aftësitë profesionale, figurën time dhe më ka akorduar licencën.
Ervin Bushati: Para kësaj date?
Luan Daci: Përpara kësaj date, para vitit 2000?
Ervin Bushati: Kam punuar gjyqtar në gjykatën e Tiranës.
Ervin Bushati: Nuk janë datat këtu, prandaj…
Luan Daci: Janë në CV. "Ndaj meje nuk ka nisur hetim penal, nuk jam i dënuar me vendim të formës së prerë për kryerjen e ndonjë krimi, apo kryerjen e një kundravajtjeje penale me dashje. Ndaj meje nuk është marrë masë disiplinore e largimit nga puna, apo ndonjë masë tjetër disiplinore, e cila është ende në fuqi sipas legjislacionit në momentin e aplikimit. Nuk kam qenë anëtar, bashkëpunëtor ose i favorizuar nga ish- Sigurimi i Shtetit para vitit 1990", ka deklaruar Luan Daci.
Vasilika Hysi: Jo.
Luan Daci: Na është kërkuar vetëm vjetërsia, kam marrë vërtetimet dhe duhet të jenë edhe aty.
Vasilika Hysi: Z. Daci, ju jeni diplomuar në 1993.
Luan Daci: Në 1994 dhe ju keni qenë anëtare e komisionit.
Vasilika Hysi: E di që kam qenë anëtarë e komisionit, por në CV- ne juaj ndryshe nga ato që po thoni, ka disa, prandaj po ju pyesim. Ju e keni shkruar CV, nuk e kemi bërë ne dhe keni shkruar që jeni diplomuar në 1993. Pyetja ime është: Sa vite keni punuar si gjyqtar dhe pse jeni larguar nga sistemi gjyqësor
PROCEDIMI PENAL
Prokuroria e Posaçme kundër Korrupsionit dhe Krimit të Organizuar mbi bazën e kallëzimit penal nr. 36, datë 27 janar 2020, regjistroi procedimin penal për veprën penale të "Falsifikimit të dokumenteve". Kallëzimi penal i depozituar kundër Luan Dacit ka pasur të bashkëlidhur dokumentacionin e marrë nga Kuvendi i Shqipërisë, ku përfshihej dosja personale e këtij shtetasi, paraqitur prej tij pranë zyrës së Avokatit të Popullit, kopje e procesverbalit të seancës dëgjimore të Luan Dacit në Komisionin Ad Hoc; shkresë marrë nga Këshilli i Lartë Gjyqësor, ku përfshihej edhe vendimi nr. 6 datë 24 dhjetor 1997, i Këshillit të Lartë të Drejtësisë.
dhe keni kaluar avokat? Dhe për rekorde kur keni filluar?
Luan Daci: Zonja kryetare, kam filluar punë në shtator 1993, fillimisht kam qenë ndihmësgjyqtar, kur kemi dhënë diplomën para komisionit shtetëror, dy ditë pas dhënies së diplomës, unë jam emëruar gjyqtar në Gjykatën e Tiranës, madje jam emëruar edhe nënkryetar dhe vendi për arsye ekonomike është suprimuar, nuk e di kanë ndjekur një model tjetër, nuk kam pasur ndonjë problem. Dhe deri më datë 24 dhjetor 1997 kam qenë gjyqtar në Gjykatën e Tiranës. Ashtu sikurse po del një ligj për vetingun, atëherë doli ligj për riorganizimin e sistemit të sistemit të drejtësisë. Çfarë kemi kontestuar ne si shoqatë e gjyqtarëve? Ne donim atë që na garantonte ligji që ne të regjistroheshim në Shkollën e Magjistraturës, sepse e kishim kursin të plotë, por edhe të ishte i përshpejtuar. Atëherë nuk u zbatua nga qeveria e kohës ai urdhër ligjor i Shkollës së Magjistraturës, ku ne të gjithë duhet të regjistroheshim. Pra, e keni ligjin. Ne e kontestuam këtë ligj thjesht për këtë pikë, pra kërkuam të regjistroheshim në Magjistraturë. Çfarë ndodhi? Nuk na regjistruan në shkollën e Magjistraturës. Ne organizuam një protestë ambienteve të gjykatës, pavarësisht se është shkruar në ambientet e gjykatës, jo, ne nuk e kemi bërë protestën në ambientet e gjykatës, sepse ne e njihnim ligjin shumë mirë dhe as kemi penguar punën e gjykatës dhe as e kemi krijuar problem me shtetin.
Vasilika Hysi: Në 1997 jeni larguar, keni ikur apo ju kanë hequr?
Luan Daci: Unë kam ikur me dorëheqje, sepse nuk na lejuan të regjistroheshim.
KËRKESA PËR T'U RIKTHYER NË SISTEM NË 2006- ën
Me shkresën nr. 1890, prot. datë 7 shkurt 2020, SPAK ka kërkuar të dhëna nga Këshilli i Lartë Gjyqësor në lidhje me kërkesën e paraqitur nga Luan Daci për emërimin gjyqtar në Gjykatën e Tiranës si dhe dokumentet në lidhje me ecurinë dhe përfundimin e procedurës disiplinore pranë tij. Nga dokumentacioni rezulton se: "Komisioni i
shqyrtimit të kandidaturave për gjyqtarë zhvilloi më datë 15 nëntor 2016 mbledhjen për shqyrtimin e kandidaturave për transferim për 5 vende vakante për gjyqtarë në Gjykatën e Tiranë, shpallur me vendimin nr. 115 të KLD. Komisioni vlerësoi se kandidati i cili nuk plotësonte kriteret për t'u emëruar ishte kandidati Luan Daci, ishgjyqtar në Gjykatën e Tiranës. Komisioni vlerësoi se ky kandidat nuk plotëson kriteret për transferim në këtë gjykatë, është larguar nga detyra me vendimin nr. 6, datë 24 dhjetor 1997, pra skualifikohet. Në bazë të vendimit nr. 6, datë 24 dhjetor 1997 me propozim të ministrit të Drejtësisë është vendosur: Luan Daci largohet nga detyra, për shkelje të ligjës dhe paaftësi në detyrë.
PYETJA E GJYQTARIT TË KPA SI PERSON NËN HETIM
"Unë u njoha me kallëzimin penal të bërë ndaj meje. Kallëzuesi ka ngritur pretendime për tri akte për t'i konsideruar si formularë dhe pretendime për të dhëna të rreme në këto akte. Konsideron të tilla aktet si më poshtë, kërkesën për aplikim, jetëshkrimin dhe emërimin e kërkuesit në vendin vakant. Në lidhje me këto pretendimet e kallëzuesit konstatoj lehtë dhe qartë se unë si aplikues për emërim nuk kam paraqitur dhe nuk kam bërë asnjë formular të falsifikuar qoftë nga ana ime, qoftë nga institucionet nga ku unë kam dokumentet. Kallëzuesi konteston CV, kjo CV që unë kam dorëzuar të Avokati i Popullit me procesverbal nuk ka asnjë rrethanë apo fakt të rrimë dhe asnjë dokument të falsifikuar. Kjo CV nuk është formular, por është një dokument që unë kam strukturuar vetë. Lidhur me pretendimin e kallëzuesit për masën disiplinore të shkarkimit nga detyra, dua të sqaroj se nuk është e vërtetë që unë kam pasur detyrim ligjor, e formalizuar me ndonjë formular për të dhënë përgjigje për shkaqet e largimit të personit tim në 1997. Pra, nuk ka asnjë formular në dosjet tona, si aplikues ku të kërkohet kjo e dhënë. Në qoftë se do të më kërkohej edhe në kuptimin qytetar, absolutisht që do të jepja shpjegime të qarta.