Thyen punishten e mermerit dhe vodhën vegla pune, pranga 4 të rinjve në Tepelenë
Policia
e Gjirokastrës ka zbardhur dhe dokumentuar vjedhjen me thyerje në një punishteje mermeri, të ndodhur më 20 maj të këtij viti, duke arrestuar katër autorët e dyshuar. Në pranga kanë rënë katër të rinj, të cilët në bashkëpunim me njëri- tjetrin kanë vjedhur me thyerje në punishte, vegla pune si kompresorë, motosharrë, troko e materiale të tjera me vlerë të konsiderueshme monetare. "Shërbimet e Komisariatit të Policisë Tepelenë, menjëherë pas njoftimit të marrë për një rast të vjedhjes me thyerje në një punishteje mermeri, ku ishin vjedhur vegla pune me vlerë të konsiderueshme monetare, organizuan punën për zbardhjen e ngjarjes, identifikimin dhe kapjen e autorëve. Si rezultat i veprimeve profesionale dhe hetimore, bazuar edhe në informacionet e grumbulluara në rrugë operative, shërbimet e policisë bënë të mundur zbardhjen dhe dokumentimin e vjedhjes së ndodhur në datë 20.05.2020, në punishten e mermerit në pronësi të shtetasit S. G., banues në Tepelenë. Shërbimet e Komisariatit të Policisë Tepelenë lokalizuan, kapën dhe ndaluan shtetasit M. M., 26 vjeç, M. M., 28 vjeç, S. Ç., 20 vjeç dhe S. Ç., 23 vjeç, të gjithë banues në Tepelenë, si autorë të dyshuar, pasi në bashkëpunim me njëri- tjetrin kanë vjedhur me thyerje në punishte, vegla pune si kompresorë, motosharrë, troko e materiale të tjera me vlerë të konsiderueshme monetare, të cilat u gjetën dhe u sekuestruan në cilësinë e provës materiale", njoftoi ndër të tjera policia. Ndërsa mësohet se këta shtetas dyshohet se në bashkëpunim me njëritjetrin kanë kryer dhe disa vjedhje të tjera në fshatrat e Tepelenës, ku vijon puna për dokumentimin me prova ligjore. Materialet i kaluan Prokurorisë së Rrethit Gjyqësor Gjirokastër, për veprën penale "Vjedhja, e kryer në bashkëpunim".