Trafikonte kokainë nga Spanja drejt Italisë, arrestohet 48- vjeçari në kërkim ndërkombëtar
ITALI
- Një shqiptar i shpallur në kërkim ndërkombëtar nga Gjykata e Reggio Calabrias, Itali ka rënë dje në prangat e policisë së Elbasanit. Bëhet fjalë për 48- vjeçarin Ardian Çekini, lindur dhe banues në Elbasan, për të cilin drejtësia italiane kishte vendosur masën e sigurisë “Arrest në burg”, për kryerjen e veprave penale “Trafik narkotikësh” dhe “Organizatë kriminale”. Bëhet e ditur se ky shtetas, në bashkëpunim me persona të tjerë, ka trafikuar nga Spanja drejt Italisë, një sasi lënde narkotike të llojit kokainë, me qëllim për ta shitur në Itali. “Në vijim të punës për kapjen e personave në kërkim dhe si rezultat i shkëmbimit të vazhdueshëm të informacioneve mes ZQK Interpol Tirana, Departamentit të Policisë Kriminale, Drejtorisë Vendore të Policisë Elbasan dhe autoriteteve policore italiane, u bë i mundur lokalizimi në Elbasan dhe arrestimi i shtetasit A. Ç., 48 vjeç, lindur dhe banues në Elbasan. Ky shtetas ishte shpallur në kërkim ndërkombëtar nga autoritetet italiane, pasi gjykata e Reggio Calabrias, Itali, më datë 17.02.2020 i ka vendosur masën e sigurisë “Arrest në burg”, për kryerjen e veprave penale “Trafik narkotikësh” dhe “Organizatë kriminale”, parashikuar nga Kodi Penal italian”, njoftoi ndër të tjera policia. Ndërsa, mësohet se
ky shtetas, në bashkëpunim me persona të tjerë, ka trafikuar nga Spanja drejt Italisë, një sasi lënde narkotike të llojit kokainë, me qëllim për ta shitur në Itali. Arrestimi provizor u krye me qellim ekstradimin e tij drejt Italisë, mbështetur në “Konventën Evropiane të Ekstradimit” të vitit 1957 dhe marrëveshjen dypalëshe mbi ekstradimet nënshkruar mes Republikës së Shqipërisë dhe Italisë.