“Të bëhet deri të dielën”, SHBA dhe BE: Mbyllni pa vonesa reformën zgjedhore
Ambasadorja, takime me palët politike. OSBE: Gjeni kompromisin
Ndërkombëtarët inten sifikuan dje lëvizjet me palët politike për arritjen e një kompromisi brenda 31 majit për çështjen e reformës së re elektorale. Shtetet e Bashkuara të Amerikës, kanë rritur presionin ndërsa janë angazhuar ndjeshëm për të inkurajuar palët politike në vend drejt konsensusit për ligjin zgjedhor. Ambasadorja Juri Kim, pas disa takimesh me kryeministrin dhe kryetarin e opozitës Lulzim Basha, dje thirri në takime të ndara anëtarët e këshillit polik. Shefja e diplomacisë amerikane, u takua edhe me Kryetarin e Kuvendit Gramoz Ruçi, ku reforma zgjedhore dhe çështjet e integrimit kanë dominuar bisedën, e cila ka zgjatur rreth 60 minuta. Kim nuk pranoi të prononcohet për mediat, ndërsa zyra e shtypit e Kuvendit informon se takimi i Kryetarit te Kuvendit, z. Gramoz Ruçi me ambasadoren e SHBA- se u bë me kërkesën e saj. "Gjatë takimit u diskutua mbi ecurinë e reformës zgjedhore, të reformës në drejtësi dhe të procesit të integrimit europian të Shqipërisë, pas momentit historik të vendimit për çeljen e negociatave nga Bashkimi Europian. Suksesi i reformës zgjedhore dhe i reformës në drejtësi është jetik për ecjen përpara të Shqipërisë, zhvillimin e vendit, konsolidimin e demokracisë dhe suksesin e proceseve integruese", - thuhet në njoftimin e kreut të Kuvendit. Po dje ambasadorja Kim u takua edhe me Damian Gjiknurin, Rudina Hajdarin dhe Oerd Bylykbashin. Gjatë ditës së djeshme ambasadorja e SHBA- ve në Tiranë takoi edhe kreun e Komisionit të Ligjeve, socialistin Ulsi Manja.
LËVIZJET
Zhvillime kishte dje edhe në kampin opozitar. Kryetari i PD- së Lulzim Basha, zhvilloi një bisedë telefonike me komisonerin për zgjerim Oliver Varhelyi, me të cilin diskutoi për integrimin dhe rëndësinë e reformës zgjedhore. Përmes një postimi në rrjetet sociale eurokomisoneri përshëndeti vazhdimin e punës për reformën zgjedhore në Këshillin Politik. Varhelyi shprehet se kjo reformë është shumë e rëndësishme për Shqipërinë dhe duhet të përfundojë pa vonesa. "Fola sot me Lulzim Bashën duke mirëpritur fillimin e punës ndërpartiake për reformën zgjedhore në Këshillin Politik. Thelbësore për Shqipërinë dhe rrugën e saj drejt BE është që kjo reformë të përmbyllet pa vonesë të mëtejshme, në një linjë më marrëveshjen e arritur në mars", shkruan Varhelyi. Menjëherë pas kësaj reagoi kryedemokrati Basha, i cili tha se biseda me Varhelyi- n ishte shumë e frytshme. Basha e falënderoi Varhelyi për mbështetjen për reformën zgjedhore duke shprehur edhe vullneti për mbylljen e saj për të siguruar zgjedhje të lira dhe të ndershme. "E falënderova për mbështetjen e tij dhe theksova përpjekjet e Partisë Demokratike për të kontribuar për reformën zgjedhore. Nënvizova se vullneti politik është vendimtar si për ta përfunduar reformën, edhe për të garantuar zgjedhje demokratike, të lira nga shitblerja e votës dhe nga ndikimi i krimit të organizuar",- shkruan Basha.
MESAZHI
Pak çaste para se të niste mbledhja e Këshillit Politik për reformën e re elektorale Kryetari i Prezencës së OSBE- së në Shqipëri, Bernd Borchardt, përgëzoi partitë politike për rifillimin e dialogut për reformën zgjedhore dhe për marrëveshjet e arritura deri tani në Këshillin Politik. Përmes një deklarate, ai nxiti të gjitha partitë në Këshillin Politik për reformën zgjedhore të vijojnë të ecin në rrugën e gjetjes së kompromiseve konstruktive dhe ta finalizojnë reformën zgjedhore, në të mirë të Shqipërisë dhe të aspiratave të saj për integrim. Gjithashtu, Borchardt tha se ODIHR- i do ofrojë mbështetje për përmbylljen e reformës më 31 maj. "Kryetari i Prezencës së OSBE- së në Shqipëri, ambasadori Bernd Borchardt, bëri deklaratën e mëposhtme në prag të mbledhjes së sotme të Këshillit Politik. "Përgëzoj partitë politike shqiptare për rifillimin e dialogut për reformën zgjedhore dhe për marrëveshjet e arritura deri tani në Këshillin Politik, ku është vendosur dialog mes qeverisë, opozitës parlamentare dhe asaj jashtëparlamentare. Ne po ndjekim me interes të veçantë përpjekjet e partive për kompromis për
MESAZHI
"Prezenca e OSBE- së në Shqipëri dhe ODIHR- i do të vijojnë të ofrojnë mbështetje për përmbylljen e kësaj reforme të rëndësishme sa më shpejt, idealisht brenda 31 majit, sikurse janë zotuar partitë politike. Po ashtu, ne do të vijojmë të mbështesim dialogun për teknologjitë e reja të votimit dhe për ndryshimin e sistemit zgjedhor", - thuhet në reagimin e zyrës së OSBE.
çështjet të cilat OSBE/ ODIHR i ka vlerësuar si problematike për shumë vjet tashmë: depolitizimi i administratës zgjedhore, balanca gjinore në listat zgjedhore, ngritja e një strukture të posaçme për eliminimin e presionit ndaj administratës dhe të shpërdorimit të burimeve shtetërore, mekanizma më të fortë kundër krimit zgjedhor, kontrolli dhe transparenca e financimit të fushatës, transparenca e medias gjatë zgjedhjeve dhe dhënia fund e praktikës së të ashtuquajturave kaseta të gatshme. Njëkohësisht, reforma zgjedhore nuk duhet të dobësojë tërësinë e reformave të tjera të rëndësishme. Unë i nxit të gjitha partitë në Këshillin Politik për reformën zgjedhore të vijojnë të ecin në rrugën e gjetjes së kompromiseve konstruktive dhe ta finalizojnë reformën zgjedhore, në të mirë të Shqipërisë dhe të aspiratave të saj për integrim. Prezenca e OSBEsë në Shqipëri dhe ODIHR- i do të vijojnë të ofrojnë mbështetje për përmbylljen e kësaj reforme të rëndësishme sa më shpejt, idealisht brenda 31 majit, sikurse janë zotuar partitë politike. Po ashtu, ne do të vijojmë të mbështesim dialogun për teknologjitë e reja të votimit dhe për ndryshimin e sistemit zgjedhor", - thuhet në reagimin e zyrës së OSBE- së në Tiranë.