Katër orë diskutime për "zgjedhoren", s'ka dakordësi për votimin elektronik
Këshilli, Bylykbashi: Duam garanci me shkrim nga PS- ja. Gjiknuri: Depolitizim të administratës Konsensus për 3 pika, palët ndahen për drejtorin e policisë
Këshilli politik i re formës zgjedhore u mblodh për katër orë me radhë pasditen e djeshme në Pallatin e Kongreseve, teksa diskutoi çështjet e mbetura pezull për "zgjedhoren". Në mbledhjen me dyer të mbyllura që nisi në orën 17: 00 dhe përfundoi rreth orës 21: 00, mësohet se palët politike kanë rënë dakord për tri çështje, të cilat më pas do të detajohen nga ekspertët e reformës zgjedhore, për të dalë me një produkt të përbashkët. Palët kanë rënë dakord që të ketë efektivë të policisë jashtë çdo qendre votimi dhe numërimi, të cilët duhet të pajisen me kamera. Një pikë që nuk ka marrë dakordësinë e mazhorancës dhe opozitës parlamentare ka qenë propozimi i PD- së që ministri i Brendshëm që do të vijë nga qeveria tranzitore duhet të emërojë drejtorin e përgjithshëm të Policisë së Shtetit. Socialistët shprehen se për këtë vendim duhen takime të niveleve më të larta. Lidhur me prokurorinë, palët kanë rënë dakord që SPAK- u të hetojë krimet zgjedhore, kurse prokuroritë në rrethe duhet të ngrenë grupe të posaçme për të hetuar shitblerjen e votës. Nga ana tjetër, palët politike kanë rënë dakord që çdo person që denoncon shitblerjen e votës të amnistohet. Por, palët kanë ngecur në një nga çështjet e reformës zgjedhore, votimin elektronik dhe identifikimin biometrik. Sipas PD- së, pa arritur kompromis për këtë çështje, është e vështirë të arrihet kompromis për çështje të tjera si administrata zgjedhore, administrimi i zgjedhjeve.
TEKNOLOGJIA
Në katër orë diskutime të gjata, opozita nuk arriti të marrë dakordësinë e mazhorancës për ta shtrirë teknologjinë në të gjithë vendin. Demokrati Oerd Bylybashi deklaroi për mediat pas takimit se mazhorancës i është lënë afat deri sot në orën 11 kur do të mblidhet sërish këshilli politik për të ofruar gatishmërinë për futjen e identifikimit biometrik në të gjitha qendrat e votimit dhe pilotimin e votimit elektronik. "U hap debat në lidhje me votimin elektronik dhe identifikimin biometrik. Për fat të keq, për ne doli qartë qëndrimi i mazhorancës, që nuk është e gatshme të ecë në këtë drejtim, të fusë identifikimin biometrik në të gjitha qendrat e votimit për të garantuar që kutitë e votimit nuk mbushen, nuk do që të mos ketë votim në emër të emigrantëve që nuk kanë ardhur kurrë në Shqipëri, të mos ketë votim familjar, që komisionerët të mos mbushin kutitë në mbylljen e procesit të votimit. Kjo është një nga temat kryesore të opozitës prej vitesh për garantimin e kutisë, që kur të numërohet votat e vërteta të zgjedhësve dhe jo të falsifikuara. Pa arritur kompromis për këtë çështje, është e vështirë të arrihet kompromis për çështje të tjera si administrata zgjedhore, administrimi i zgjedhjeve nxjerr rezultatin. Presim që mbledhjen e nesërme në orën 11: 00, mazhoranca të vijë me një
REFUZIMI
Një pikë që nuk mori mbrëmë dakordësinë e mazhorancës ishte propozimi i PD- së që ministri i Brendshëm që do të vijë nga qeveria tranzitore duhet të emërojë drejtorin e përgjithshëm të Policisë së Shtetit.
propozim ku të jetë e qartë: identifikimi biometrik duhet të jetë në të gjitha qendrat e votimit në zgjedhjet e ardhshme, të ketë një pilot për votimin elektronik dhe kjo të dalë e qartë jo si opsion i mundshëm për KQZ- në, por një detyrim për të dhe qeverinë. Qeveria të vendosë paratë, në mënyrë që shqiptarëve të mos u manipulohen zgjedhjet", - deklaroi z. Bylykbashi.
ADMINISTRATA
Damian Gjiknuri, përfaqësuesi i PS- së në tryezën për reformën zgjedhore, deklaroi se palët kanë rënë dakord për votim elektronik, por kërkohet plan implementimi. "Në mbledhje u trajtua roli i policisë, parandalimi i krimit zgjedhor, masat ekstreme që kërkon opozita, përfshirë edhe kamerat. Kemi debat edhe për përfshirjen e teknologjisë në zgjedhje. Ne kemi rënë dakord për votim elektronik në zgjedhje.
Kërkohet identifikimi i zgjedhësve dhe përfshirja, ku është i mundur votimi dhe numërimi elektronik. Ne duam, por ODIHR thotë se teknologjia duhet të përfshihet gradualisht dhe në mënyrë të qartë. Nuk është çështje dëshire, por duhet parë. Jemi dakord për teknologjinë, por zgjedhjet nuk mund të vihen në diskutim, është apo jo teknologjia. Uroj që kjo të mos përdoret si sebep. Kemi rënë dakord për hapje të kutive normalisht, monitorimi i qendrave të votimit me kamera etj. Por ne nuk kemi dhënë dot garanci 100 për qind. ODIHR ka kthyer përgjigje e thotë se rekomandohet që teknologjia nuk duhet më shumë se 10 për qind dhe duhet bërë shkallëshkallë. Por, edhe votimi tradicional njihet nga ndërkombëtarët", tha Gjiknuri. Në lidhje me depolitizimin e zgjedhjeve, Gjiknuri u shpreh se mazhoranca ka rënë dakord për këtë pikë, kurse shtoi se opozita kërkon përfaqësues politik. "Ne jemi për depolitizim të administratës zgjedhore, mirëpo opozita u tërhoq. Dispozitat janë gati. Ka vend edhe për propozimet që ka dhënë opozita. Besoj se kemi formulë alternative kompromisi, por jo çdo dëshirë mund të kthehet në realitet. Për praninë e policisë në zgjedhje nuk ka model që të ketë drejtor policie për zgjedhje. Kjo nuk njihet në asnjë vend të botës. Policia nuk është vetëm për organ i përkohshëm për zgjedhje. Policia ka misione të tjera. Ka standard për policimin. Zonja Hajdari dhe të tjerët kërkojnë sisteme të ndryshme. Çështja e sistemit do të lihet pas miratimit të Kodit Zgjedhor. Megjithatë, nëse të gjitha partitë bien dakord për një sistem, atëherë jemi dakord", - u shpreh Gjiknuri.
SISTEMI
Në përfundim të tryezës së këshillit politik për reformën zgjedhore, deputetja e opozitës, Rudina Hajdari deklaroi se mes palëve nuk pati dakordësi sa i takon çështjes për numërimit biometrik, një nga kushtet e vendosura për këtë reformë. Ajo theksoi se bëri një kërkesë ndaj ekspertëve dhe ODIHRit që të bëjnë një pasqyrim të sistemit danez dhe pati një konsensus për këtë. "Nuk pati diçka konkrete, pasi nuk biem dakord për numërimin biometrik dhe teknologjia e numërimit është e rëndësishme. Mendojmë që nesër do të nisim sërish me këtë pikë. Bëra një kërkesë ndaj ekspertëve dhe ODIHR që të bëjnë një pasqyrim të sistemit danez dhe patëm një konsensus për këtë. Ndryshimi i sistemit apo minimumi hapja e listave duhet të jetë çështja kryesore e reformës, pasi të tjerat do të jenë arnime të vogla", - deklaroi deputetja Hajdari.