Nuk u njoftua në mënyrën e duhur, shtyhet sërish gjyqi për ish- ministrin e Brendshëm, Saimir Tahiri

TIRANË

- Gjykata e Posaçme e Apelit ka shtyrë sërish gjyqin për ishministrin e Brendshëm, Saimir Tahiri. Mësohet se shkak për shtyrjen është bërë mos njoftimi në mënyrën e duhur i Tahirit. Ndërsa seanca e radhës pritet të zhvillohet në datën 11 qershor, ku u të pranishëm pritet që të jenë të gjitha palët. Kjo ishte hera e parë që ish- ministri Tahiri mungoi në sallën e gjyqit, duke zgjedhur që të përfaqësohet nga avokatët e tij. Ndërsa për herë të parë, pas 3 viteve në arrati, i pranishëm ka qenë edhe ish- kryepolici i Vlorës, Jaeld Çela. Ndërkaq, avokati i ish- ministrit të Brendshëm, Saimir Tahiri, Maks Haxhia ka dhënë një prononcim për mediat pas shtyrjes së gjyqit. Në fjalën e tij, Haxhia ka

GJYQI NDAJ TAHIRIT

Në shtator të vitit të shkuar, pas më shumë se 13 orësh përfundoi "gjyqi i vitit", ai për Saimir Tahirin. Gjykata e Krimeve të Rënda dënoi ish- ministrin e Brendshëm, Saimir Tahiri me 5 vite burg, për akuzën e "Shpërdorimit të detyrës", por për shkak të gjykimit të shkurtuar dënimi u ul me 1/ 3 dhe u caktua 3 vite e 4 muaj burg, që gjykata më pas e konvertoi në 3 vite shërbim prove. Tahiri paralajmëroi që asokohe se do ta apelonte vendimin dhe do të fitonte pafajësi.

bërë me dije se Tahiri nuk ka shkuar në sallë pasi nuk është njoftuar. Më tej, i pyetur nëse pala mbrojtëse do të shfrytëzonte hapësirat ligjore për pavlefshmëri të gjithë procesit, duke

marrë parasysh edhe kohëzgjatjen e tij, Haxhia bëri me dije se diçka e tillë nuk mund të ndodhte. "Ne kërkojmë pafajësi. Nuk dua të vijoj me procedurën. Saimir Tahiri që nga momenti i parë dhe deri më tani ka kërkuar prerazi pafajësinë,"- tha Maks Haxhia. Kujtojmë që gjyqi për Tahirin është shtyrë edhe më herët për shkak të situatës me COVID- 19. Vitin e kaluar Saimir Tahiri u dënua me 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre. Prokuroria e Krimeve të Rënda nga ana tjetër kërkonte 12 vite burg për Tahirin për 3 vepra penale "trafikim i narkotikëve" në bashkëpunim në formën e grupit të strukturuar kriminal, "kryerja e veprave penale nga organizata kriminale", "grup i strukturuar kriminal". Si përfundim të dyja palët, si Tahiri dhe prokuroria nuk pranuan dënimin me 3.4 vite shërbim prove dhe e apeluan zyrtarisht në Gjykatën e Posaçme të Apelit që nga java tjetër do të fillojë me gjykimin e dosjes. Prokuroria e akuzonte Tahirin se në kohën kur ishte ministër i Brendshëm bashkë me ish- drejtorin e policisë Vlorë, Jaeld Çela kanë bashkëpunuar me Moisi Habilajn apo vëllezërit e tij që bashkë korrespondojnë të jenë kushërinj.