Basha takon të gjithë liderët në Prishtinë: Serbia duhet ta njohë Kosovën e pavarur

“Dialogu, rruga për të ecur përpara” Kreu i PD takon krerët e shtetit: Shqetësim mungesa e një muzeu për të përkujtuar gjenocidin”

Lideri

i PDSH- së, Lulzim Basha, ndodhet në Kosovë në një vizitë zyrtare me ftesë të kryeministrit Avdullah Hoti. Basha nuk e fshehu dot faktin se Kosovën e konsideron si shtëpinë e tij të dytë. ...

Lideri i PDSH- së, Lul zim Basha, ndodhet në Kosovë në një vizitë zyrtare me ftesë të kryeministrit Avdullah Hoti. Basha nuk e fshehu dot faktin se Kosovën e konsideron si shtëpinë e tij të dytë. Madje Kryetari i opozitës, gjatë vizitës së tij në Kosovë ku takoi krerët e shtetit, është parë të zbatojë protokollet e sigurisë anti- Covid, duke përdorur maskën gjatë pritjeve zyrtare. Ajo që ra në sy ishte simbolika e maskës që kreu i PD ka zgjedhur, ku bie në sy logoja e dy flamujve të Shqipërisë dhe Kosovës. Lulzim Basha vlerësoi, paketën e masave që ka marrë qeveria kosovare si në aspektin shëndetësor dhe atë ekonomik, ku shtoi se mënyra e zbatimit të saj do të jetë shembull edhe për Shqipërinë. “Jam i inkurajuar nga paketa e masave që keni njoftuar qoftë nga aspekti shëndetësor edhe në aspektin social dhe ekonomik. Mënyra si do të zbatohet kjo paketë përbën një shembull për qeverinë në Shqipëri, edhe për ne edhe pse jemi në opozitë”, - theksoi z. Basha. Kreu i PDsë tregoi mbështetjen e plotë të PD- së për procesin e dialogut me Serbinë. Ai ripërsëriti se kur të bëhet kryeministër, vendimi i parë që do të bëjë është heqja e taksës në Rrugën e Kombit. “Një ndër vendimet e para të mia si kryeministër i zgjedhur në zgjedhjet e ardhshme do të jetë heqja e taksës dhe traut në rrugën e Kombit, një vendim i padrejtë që ndikon në ekonominë e Shqipërisë dhe Kosovës”, - u shpreh z. Basha. Edhe Avdullah Hoti falënderoi kryetarin Basha për mbështetjen dhe rolin e tij për Kosovën. Sa i përket dialogut me Serbinë, Hoti përsëriti se çdo zgjidhje duhet të jetë derivat i njohjes së dy vendeve. Ai deklaroi se shumë shpejt do të vendoset një koordinator për dialogun që do të përfaqësojë vendin në samitin e Parisit të enjten.

MBËSHTETJA

Premtimin që ia bëri kryeministrit Hoti në Tiranë, Lulzim Basha e përmendi edhe në Prishtinë, në vizitën e tij zyrtare si kryetar i Partisë Demokratike. “Një ndër vendimet e para të mia si kryeministër i dalë nga zgjedhjet e ardhshme do të jetë heqja e taksës dhe traut në Rrugën e Kombit. Ky ka qenë një vendim i padrejtë që rëndon ekonominë e Kosovës dhe Shqipërisë si dhe pamundëson eksportin dhe importin e mallrave”, - deklaroi kreu i PDSH- së. Bashës iu desh të saktësojë në konferencën për shtyp me kryeministrin Hoti, se vizita e tij nuk ka lidhje me çështjen e nxehtë që po përjeton Kosova, atë të ngritjes së akuzave të pakonfirmuara të Prokurorisë Speciale ndaj presidentit Thaçi. “Vizita ime është paksa e vonuar. Natyrisht ndodh në një moment zhvillimesh në Kosovë, ku përfshihen zhvillimet që ju përmendni, por jam këtu pas një ftese të kryeministrit Hoti pas vizitës së tij në Tiranë, dhe një ftese të përsëritur po kështu të autoriteteve të tjera të Kosovës, duke përfshirë këtu Presidentin Hashim Thaçit, Kryetaren e Kuvendit Vjosa Osmani dhe krerët e partive politike në Kosovë”, - deklaroi Lulzim Basha. Në takim u bisedua për dialogun dhe për situatën e COVID, ku Basha e mbajti edhe gjatë konferencës një maskë që kishte zgjedhur për rastin, me flamurin e Shqipërisë dhe Kosovës. “Patëm një takim shumë të shtrenjtë dhe ndamë me të shqetësimet tona edhe për menaxhimin të situatës me COVID, edhe për çështjet e rimëkëmbjes ekonomike – dy prioritetet tona kryesore si qeveri. Biseduam edhe për proceset e rëndësisë nacionale, siç është procesi i dialogut dhe proceset e tjera, të cilët po kalojmë si klasë politike në Kosovë dhe ndamë ato shqetësime për këto procese”, deklaroi Kryeministri Hoti. Për dialogun, Basha tha në Prishtinë se përfundimi i tyre i vetëm është njohja reciproke. “Për bisedimet me Serbinë, ju shpreh mbështetjen e plotë timen, PD- së dhe opozitës së bashkuar në këtë përqasje parimore që ka dhe mund të ketë vetëm një përfundim njohjen reciproke mes Kosovës e Serbisë”, - nënvizoi Lulzim Basha. Kjo temë dominoi edhe takimin me presidentin Thaçi, me të cilin Basha preku edhe çështjen e akuzave, duke shprehur mbështetjen për kreun e shtetit. “Kam theksuar bindjen se bashkërendimi i ngushtë midis SHBA dhe BE ka qenë dhe mbetet një parakusht për suksesin e çdo inciative për stabilizim për të gjithë vendet e rajonit, në veçanti sa i përket dialogut. Shpreha mbështetjen totale timen dhe të PD e opozitës së bashkuar, në veçanti për ata që kanë sakrifikuar për lirinë e Kosovës dhe që u duhet të sakrifikojnë në plan personal për të siguruar vazhdimësinë frytet e pavarësisë dhe të lirisë për të gjithë qytetarët e Kosovës.

Në veçanti për presidentin Thaçi dhe të gjithë bashkëpunëtorët e tij”- u shpreh kreu i PDSH- së.

DIALOGU

Në Kosovë, lideri demokrat Lulzim Basha u takua edhe me kryetarin e Lëvizjes Vetëvendosje Albin Kurti dhe kryeparlamentaren Vjollca Osmani. Në fjalën e mbajtur në një konferencë të përbashkët, Basha tha për mediat se mbështetja totale ndaj institucioneve të Kosovës është parimi kryesor i Partisë Demokratike. Ai po ashtu theksoi se dialogu është rruga për të ecur para. “Në mbështetje të agjendës së gjithë forcave politike të Kosovës për dialogun dhe ju rishpreh atë që thashë dhe në takimet e tjera, se për mua dhe PD, opozitën e bashkuar, mbështetja totale ndaj institucioneve dhe partive të Kosovës është orientimi dhe parimi kryesor. Dialogu ka qenë dhe duhet të jetë rruga për të ecur përpara, por objektivi është njohja. Në këtë kontekst zhvillimet e këtyre 10 viteve, ajo që është më e rëndësishmja siç jemi bashkë në gëzime dhe në sfida. Është e qartë si drita e diellit se ndihma më e madhe nga Shqipëria si në pavarësi dhe projekte infrastrukturore, edhe në sfidat e tanishme roli i Shqipërisë duhet të jetë më patjetër mbështetje totale për Kosovën, qytetarët dhe institucionet duke respektuar sovranitetin, integritetit territorial si vlera dhe investime të përbashkëta dhe si një investim esencial i SHBA dhe BE, jo vetëm për zgjidhjen e krizës së Kosovës, por pajtimin e rajonit të Ballkanit dhe integrimin e vendeve të Ballkanit”,- tha Basha. Ndërkohë Osmani theksoi se në këtë takim është diskutuar për raportet ndërkombëtare. “Një bashkërendim në politikën e jashtme ndërmjet Kosovës dhe Shqipërisë gjithnjë është treguar i suksesshëm kur ka qenë i sinqertë. E falënderova zotin Basha për qëndrimin e tij dhe zërin e tyre të çmuar kundër ideve të rrezikshme për ndryshim kufij”, - theksoi zj. Osmani. Sipas saj është me rëndësi që Kosova dhe Shqipëria të bashkëveprojnë veprimet e tyre. Në axhendën e vizitës dy ditore të kreut të PD- së në Kosovë janë parashikuar takime edhe liderë të tjerë të partive politike.