“Jo protagonizëm me Kosovën”, Basha: Askush nuk mund ta njollosë UÇK- në
Kreu i PD- së në Mitrovicë: Do të heqim traun dhe taksën e Rrugës së Kombit “Kundër çdo ideje për ndarjen e Mitrovicës”
NDERIMI
Kreu i PD, Lulzim Basha, bëri homazhe dje te varri i ish- Presidentit të Kosovës, Ibrahim Rugova dhe më pas te varri i heroit të Kosovës, Adem Jasharit. I shoqëruar nga delegacioni i tij dhe kryebashkiaku i Mitrovicës, Agim Bahtiri, ai vendosi një buqetë me lule te varri i Jasharit. Basha nderoi edhe të gjitha viktimat e rëna gjatë luftës së Kosovës, varret e të cilëve ndodhen te kompleksi memorial “Adem Jashari” në Prekaz.
Lideri i Partisë Demokratike, Lulzim Basha, përmbylli dje vizitën dyditore në Kosovë, me një axhendë tepër intensive takimesh gjatë gjithë ditës së djeshme. Basha u takua me kryetarin e komunës së Prishtinës, Shpend Ahmeti. Sipas kryedemokratit, bashkërendimi mes Kosovës dhe Shqipërisë duhet të jetë i plotë në funksion të institucioneve të Republikës së Kosovës. “Ky është shërbimi më i mirë që mund të bëjë Tirana larg protagonizmit të pavend, larg iniciativave të pakonsultuara që kanë sjellë dëme dhe që mund të sigurohen përmes një përqasjeje të tillë si ajo që siguroi shpalljen e pavarësisë, njohjen e Kosovës masivisht nga anëtarët e komunitetit ndërkombëtar dhe përparimin Kosovës drejt integrimit”, tha Basha. Kreu i PD- së ka theksuar gjatë takimit me Ahmetin se duhet kohezion mes forcave politike në Kosovë për dialogun me Serbinë. Kryetari i Komunës së Prishtinës, Shpend Ahmeti, e falënderoi Bashën për interesin që ka kushtuar ndaj Kosovës. Gjithashtu, edhe ai tha se nevojitet kohezion brenda Kosovës, por edhe një kohezion i forcave politike në të gjithë faktorin shqiptar në këtë periudhë të vështirë të Kosovës. Më vonë kryedemokrati Lulzim Basha u takua edhe me kryetarin e Komunës së Mitrovicës, Agim Bahtiri. Ky i fundit e falënderoi Bashën për kontributin e tij ndaj Kosovës, ndërsa shtoi se e pret në takimin e radhës në pozicionin e kryeministrit të Shqipërisë.
DEKLARATA
Në krah të kryetarit të Komunës së Mitrovicës, Agim Bahtirit, kreu i Partisë Demokratike, Lulzim Basha, theksoi qëndrimin e opozitës shqiptare kundër çdo ideje për ndryshim të kufijve apo ndarje të Kosovës. “Kundër çdo ndarjeje të Mitrovicës”, - deklaroi kreu i PDSH- së. Deklaratat
SPASTRIMI
“Askush dhe asgjë nuk mundet ta njollosë luftën çlirimtare të Kosovës, që ishte një luftë mbrojtëse ndaj një agresori, me synim spastrimin etnik të Kosovës. Unë vetë jam produkt i këtyre spastrimeve etnike, që detyroi gjyshërit e mi të largohen nga Kosova. Drejtësia nuk mund të ketë dy kute, boll me një peshore që rëndon me akuza ndaj mbrojtësve të viktimave, ndërsa krimet çnjerëzore në Kosovë mbeten pa autorë”, - tha z. Basha.
e Bashës u mirëpritën nga Bahtiri, i cili kërkoi më shumë mbështetje për gjendjen në të cilën ndodhet Mitrovica. Në ditën e dytë të qëndrimit në Kosovë, Basha u prit edhe nga kreu i Komunës së Prishtinës, Shpend Ahmeti. Temat e diskutuara nisën me pandeminë, pa lënë mënjanë negociatat Prishtinë- Beograd dhe akuzat e Gjykatës Speciale, ndaj Ah
meti kërkon bashkëpunim në këtë situatë të vështirë për Kosovën. “Pra, është periudhë e vështirë, ta saktësoj, po t’i shtohet edhe çështja e problemeve ekonomike e shëndetësore që kemi për shkak të pandemisë, e pastaj edhe kriza politike, mendoj se ndihma e Shqipërisë tashmë është më e domosdoshme se kurrë”, tha Ahmeti. Por, Basha shprehet se qeveria e
Tiranës duhet të jetë mbështetëse dhe jo protagoniste kur flitet për Kosovën. “Shërbimi më i mirë që mund të bëjë Tirana është të qëndrojë larg protagonizmit të pavend dhe iniciativave të pakonsultuara, të cilat kanë sjellë dëme, që duhen rikuperuar”, theksoi z. Basha. Kreu i PD- së përsëriti se synimi i negociatave mes Prishtinës dhe Beogradit duhet të jetë njohja reciproke, ndërsa theksoi se akuzat e Hagës do të vërtetojnë se lufta e UÇK- së ishte e drejtë duke mos i kursyer rezervat për procesin. “Boll më me një peshore, e cila anon nga ana e akuzave ndaj viktimës, ndaj mbrojtësve të viktimës, ndërkohë që krimet çnjerëzore të ndodhura në territorin e Kosovës mbeten pa autor”, - theksoi kreu demokrat. Basha zhvilloi homazhe edhe pranë varrit të ish- Presidentit Ibrahim Rugova. U ndal edhe në kullën dhe varrin e Isa Boletinit për ta mbyllur vizitën në Kosovë me homazhe në Prekaz te memoriali i familjes Jashari. Gjatë 2 ditëve në Kosovë, Basha u prit nga autoritetet më të larta, Presidenti Thaçi, kryeministri Hoti, kryeparlamentarja Osmani dhe krerët e partive politike kryesore në vend.