Miratimi në Kuvend, Yuri Kim: Marrëveshja e 5 qershorit tani është ligj
“Mirëpresim diskutimet për reformat e tjera zgjedhore”
Ndërkombëtarët për shëndetën dje mira timin e marrëveshjes së 5 qershorit për Kodin e ri Zgjedhor nga Kuvendi, duke e vlerësuar si një hap para në perspektivën europiane të Shqipërisë. Bashkimi Europian, SHBA, OSBE e mbështetën marrëveshjen duke vënë theksin tek dialogu mes palëve për të diskutuar çështjet e tjera që lidhen me Reformën Zgjedhore. Ambasadat e huaja në vendin tonë nënvizojnë faktin se për ndryshimet e tjera zgjedhore duhet gjithëpërfshirje të të gjitha palëve. Shtetet e Bashkuara mirëpresin miratimin nga Parlamenti të legjislacionit për reformën zgjedhore që kodifikon marrëveshjen e 5 qershorit të Këshillit Politik për reformën zgjedhore. Në një postim në faqen zyrtare në “Facebook”, ambasada amerikane thekson se ky akt respekton marrëveshjen e bërë nga të gjitha partitë dhe e çon Shqipërinë një hap tjetër përpara drejt Bashkimit Europian. Ambasada amerikane përgëzon të gjitha partitë që u siguruan që marrëveshja e 5 qershorit u arrit, u respektua, dhe u zbatua në mënyrë gjithëpërfshirëse dhe transparente. “Kjo mënyrë gjithëpërfshirëse dhe transparente duhet të jetë një normë për ndërmarrjen e akteve të rëndësishme kombëtare”thuhet në reagimin e ambasadës amerikane. Në këtë drejtim, ambasada mirëpret vendimin për rithirrjen e Këshillit Politik për të diskutuar reforma të mëtejshme zgjedhore. “Të gjitha palët duhet të marrin pjesë në mirëbesim; të shpjegojnë pozicionet e tyre qartë dhe plotësisht njëri- tjetrit dhe popullit shqiptar; dhe të kërkojnë një zgjidhje që është në të mirën e të gjithë popullit shqiptar dhe vazhdon ta çojë vendin përpara në rrugën e tij demokratike”, - shprehet ambasada e SHBAve në Tiranë.
DETYRIMET
Edhe delegacioni i Bashkimit Europian në Tiranë mirëpret miratimin nga parlamenti të ndryshimeve në Kodin Zgjedhor, në për
PROCESI
“Të gjitha palët duhet të marrin pjesë në mirëbesim. T’i shpjegojnë pozicionet e tyre qartë dhe plotësisht njëri- tjetrit e popullit shqiptar dhe të kërkojnë një zgjidhje, që është në të mirën e të gjithë popullit shqiptar dhe vazhdon ta çojë vendin përpara në rrugën e tij demokratike”, - shprehet ambasada e SHBA- ve në Tiranë.
puthje me marrëveshjen politike të arritur në 5 qershor. “Kjo përmbush një nga kushtet kryesore për të filluar negociatat e pranimit, siç thuhet në konkluzionet e Këshillit të datës 25.3.2020. Dispozitat e reja legjislative do t’i japin Shqipërisë një kornizë zgjedhore me integritet dhe standarde më të larta transparence, bazuar në rekoman
dimet e OSBE / ODHIR. Ne kemi marrë shënimin e propozimeve shtesë për reformimin e sistemit zgjedhor” thuhet në reagim. Ndërsa pranuam rolin e Parlamentit në paraqitjen e ndryshimeve shtesë në lidhje me sistemin zgjedhor, BE deklaron se nxisin të gjitha palët të vazhdojnë diskutimet në Këshillin Politik me të njëjtën frymë gjithëpërfshirëse dhe bashkëpunuese të demonstruar gjatë miratimit të marrëveshjes politike të 5 qershorit. “Procesi që çon në ndryshime shtesë nuk duhet të dëmtojë frymën dhe rezultatet e marrëveshjes së 5 qershorit”, - thuhet në deklaratën e BE- së në Tiranë. Në të njëjtën linjë ishte edhe prezenca e OSBE- së në Tiranë. “Mirëpresim miratimin e ndryshimeve në Kodin Zgjedhor, sot, në Kuvendin e Shqipërisë, në përputhje me marrëveshjen që palët arritën më 5 qershor dhe mbështetur në rekomandimet e OSBE/ ODIHRit. Si me çdo reformë tjetër, zbatimi është kyç. Ne mbetemi te gatshëm t’i ndihmojmë autoritetet shqiptare në këtë rrugë, si edhe për zhvillimin e hapave të tjerë të reformës. U bëjmë thirrje të gjitha palëve të vijojnë dialogun për reforma të mëtejshme”, deklaron zyra e OSBE- së në Tiranë. Edhe ambasada e Britanisë së Madhe ka uruar parlamentin për miratimin e marrëveshjes së 5 qershorit pas një periudhe të gjatë pune gjithëpërfshirëse, për forcimin e procesit zgjedhor dhe perspektivat e integrimit. Ambasada britanike nënvizon se çdo diskutim i mëtejshëm i reformave duhet të jetë vërtet përfshirës, me pjesëmarrjen aktive të të gjitha palëve.