Debatet në Këshillin Politik, opozita: Duan pazare, çdo ndryshim të kalojë me konsensus
PD- LSI: S’mund të ndryshojmë Kushtetutën në 6 ditë. PS: Nuk e ndalim dot procedurën e Kuvendit “Gati të diskutojmë që sot nismën për ndryshimet kushtetuese”
Këshilli Politik zhvilloi dje mbledhjen e fun dit për pjesën e parë të reformës zgjedhore, të dakordësuar dhe në marrëveshjen e 5 qershorit. Palët miratuan paketën e ligjeve që do të amendohen në Kodin Penal, në Kodin e Procedurës Penale, Ligjin për Policinë e Shtetit, për Sinjalizuesit, për statusin e prokurorëve dhe gjyqtarëve, dhe për partitë politike. Përfaqësuesit e mazhorancës dhe opozitës parlamentare kërkuan që në këtë mbledhje të hapin diskutimet për ndryshimet kushtetuese, që pritet të miratohen në Kuven, në seancën e 30 korrikut, por opozita e bashkuar e refuzoi kategorikisht një gjë të tillë. Sipas opozitarëve, nuk mund të ndryshohet Kushtetuta për 6 ditë, ndërkohë që socialisti Damian Gjiknuri u kundërpërgjigj duke thënë se nuk mund të ndalojmë procedurat e Kuvendit.
DEBATET
Mbledhja e djeshme e Këshillit Politik mësohet të jetë shoqëruar me debate mes mazhornacës dhe opozitës jashtëparlamentare. Përfaqësuesit e opozitës së bashkuar kanë dënuar mbledhjen e njëanshme të këshillit ditën e djeshme si dhe kanë theksuar se çdo ndryshim që lidhet me zgjedhjet duhet të kalojë në Këshillin Politik. “Dje nuk kishte një mbledhje të Këshillit Poli
EDI RAMA
“Refuzimi për të diskutuar mbi risitë kushtetuese është në fakt refuzim për të pranuar realitetin dhe kjo është një sëmundje tanimë e vjetër e jashtëparlametares! Keqardhje, por me ata, apo pa ata parlamenti vendos edhe për ta si sot si në 30 korrik. Reflektoni miq, listat do të hapen!”, - tha z. Rama pas mbledhjes së Këshillit Politik.
tik, sa kohë ne nuk kishim dakordësur për zhvillimin e mbledhjes dhe kishim konfirmuar që nuk mund të ishim. Opozita i qëndron marrëveshjes së 14 janarit dhe të 5 qershorit. Çdo ndryshim që lidhet me zgjedhjet duhet të kalojë nëpërmjet Këshillit Politik, me konsensus, transparencë dhe gjithëpërfshirje. Për çdo ndryshim lidhur me zgjedhjet është e domosdoshme ekspertiza e OSBE- ODIHR. Asnjë ndryshim nuk duhet të jetë në kundërshtim me standardet e OSBE- ODIHR dhe Komisionit të Venecias”, - mësohet të ketë deklaruar opozita. Të njëjtën gjë Oerd Bylykbashi dhe Petrit Vasili konfirmuan edhe me zë për gazetarët
edhe pas mbledhjes. “Paketa që u dakordësua është e detyrueshme për parlamentin për ta miratuar pa ndryshime. Kjo nuk e përmbyll marrëveshjen e 5 qershorit, pasi është edhe depolitizimi i administratës zgjedhore. Është rënë dakord që në të ardhmen, pas zgjedhjeve të ardhshme parlamentare dhe vendore, administrata zgjedhore duhet të jetë miks dhe ata që do të do marrin vendimet, do të jenë jashtë politikës. Është detyrë që Këshilli Politik duhet ta përmbushë mbi bazën e diskutimeve dhe marrëveshjes së 5 qershorit. Bëmë të qartë se çdo veprim i njëanshëm, i cili minon dhe nxjerr nga shinat arritjen e marrëveshjes së 5
qershorit dhe produktin e saj është i papranueshëm, nuk është për diskutim përveçse në Këshillin Politik me transparencë, gjithëpërfshirje dhe konsensus. Çdo gjë tjetër minon dhe shkatërron atë marrëveshje të rëndësishme, e cila sot u përshëndet nga të gjithë partnerët ndërkombëtarë”, - tha Bylykbashi. Kurse Petrit Vasili i LSI- së u shpreh: “Një çështje tjetër që është hedhur në tavolinën e Këshillit Politik kanë qenë ndryshimet kushtetuese, që kanë të bëjnë me listat e hapura. Opinioni publik duhet të dijë që propozimi fakt i kryer është depozituar vetëm përpara dy ditësh në tryezën e Këshillit Poli
tik dhe ky diskutim është imponuar që të kryhet brenda 6 ditësh. Do të doja që të fiksoni në mendjen tuaj që, në qoftë se për Kodin Elektoral, marrëveshjen e 5 qershorit u deshën 6 muaj, kërkohet që ndryshimet kushtetuese të bëhen për 6 ditë”. Ndryshe nga takimet e fundit, në tryezën e djeshme nuk ishin të pranishëm kryeministri Rama apo përfaqësuesi i opozitës së bashkuar, Gazment Bardhi. Përfaqësuesi i PS- së në tryezën e këshillit, Damian Gjiknuri u shpreh: “Sot ( dje) kishim mbledhjen e fundit të pjesës së parë të Këshillit Politik të reformës zgjed
hore, ku miratuam formalisht të gjitha paketat e mbetura ligjore, sinjalizuese, Kodin e Procedurës Penale. Unë propozova që të vazhdonim diskutimin për ndryshimet kushtetuese. Opozita nuk kërkoi që kjo të vazhdonte, megjithëse thirrja jonë ka qenë që të dialogohet edhe për këtë çështje. Tentuam që të vijojmë ta prekim që përpara 30 korrikut të vazhdojmë diskutimet për to. Nuk patëm dakordësi për këtë. Siç duket, PD- ja nuk do që të vazhdojë. Ne menduam që në përgjigje të thirrjeve të partnerëve, Këshilli Politik mund të ishte një forum shumë i mirë”.