Basha: Vaksinim falas për të gjithë popullsinë në vjeshtë
"Biznesi, taksë e vetme 0.5% e xhiros"
Kreu i PD, Lulzim Basha i ka bërë apel qeverisë që të marrë menjëherë urgjentisht masat për të siguruar vaksinën e gripit falas për gjithë popullsinë në vjeshtë. Sipas Bashës, kjo masë do të mbronte shqiptarët nga gripi stinor dhe komplikacionet e tij, por nga ana tjetër në sajë dhe të pandemisë nga COVID- 19 do të ndihmohej sistemi shëndetësor për ta pasur të gjithin në dispozicion të pacientëve me koronavirus.
Basha shton se vaksinimi kundër gripit, falas për të gjithë këtë vjeshtë do të ishte një masë shumë e rëndësishme, lideri i opozitës, gjithashtu, u drejtohet me një mesazh qytetarëve që të marrin masat e duhura për distancimin social, maskën për të mbrojtur veten dhe familjen.
Por nga ana tjetër sipas tij, duhen rritur domosdoshmërisht kapacitetet e testimeve për të lehtësuar sa më shumë sistemin shëndetësor, mjekët dhe infermierët.
STATUSI NGA LULZIM BASHA
Me një situatë pandemie që fatkeqësisht rëndohet përditë, ne duhet të marrim të gjitha masat e duhura për të lehtësuar sa më shumë sistemin shëndetësor dhe mjekët dhe infermierët që janë përditë në vijën e parë të betejës me virusin.
Përveç zbatimit të masave të distancimit social, mbajtës së maskës dhe higjienës si dhe rritjes së domosdoshme të kapaciteteve të testimit, qeveria duhet te marrë urgjentisht masat dhe të sigurojë vaksinën e gripit falas për të gjithë popullsinë në vjeshtë. Kjo do të mbronte shqiptarët nga influenca e stinës dhe komplikacionet e saj, dhe do të ndihmonte sistemin tonë shëndetësor për ta pasur atë të gjithin në dispozicion dhe të përgatitur për ta përballuar pandeminë COVID- 19.
Secili prej nesh duhet të bëjë detyrën për të mbrojtur veten dhe familjen e tij. Ndërsa qeveria duhet të bëjë gjithçka ka në dorë për të mbrojtur njerëzit në këto kohë të vështira! Vaksinimi kundër gripit falas për të gjithë këtë vjeshtë, është një masë shumë e rëndësishme
SHIFRAT
Sipas të dhënave të Drejtorisë të Përgjithshme të Tatimeve në total janë 3,568 biznese me pakicë të veshjeve dhe 582 biznese të tregtimit me pakicë të këpucëve dhe artikujve prej lëkure. Ato zënë rreth 4% në totalin e ndërmarrjeve.
për shëndetin e shqiptarëve!
QENDRIMI PER EKONOMINE
Kreu i Partisë Demokratike, Lulzim Basha, në një postim në mediat sociale hedh akuza kundër qeverisë për rënien e ekonomisë në vend. Në një reagim, teksa ka publikuar disa biznese që janë mbyllur, Basha shkruan se ritmet e mbylljes së bizneseve të vogla po rriten çdo muaj.
Numri një i opozitës shton se plani i tij ekonomik ka në themel të tij mbështetjen dhe nxitjen e bizneseve të vogla si gjenerator të punësimit të shqiptarëve. Sipas Bashës një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin.
"Paaftësia e qeverisë Rama për t'i ardhur në ndihmë ekonomisë në këtë kohë krize të thellë, është vrastare për biznesin e vogël i cili punëson 70% të shqiptarëve. Ritmet e mbylljes së bizneseve të vogla po rriten çdo muaj. Sot ato po ulin masivisht qepenat duke lënë pa punë mijëra familjarë prej taksave të larta, korrupsionit dhe tarifave të shumta të pushtetit lokal.
Plani ynë ekonomik ka në themel të tij mbështetjen dhe nxitjen e bizneseve të vogla si gjenerator të punësimit të shqiptarëve. Një taksë e vetme sa 0.5% e xhiros, dhe do të heqim të gjitha taksat dhe tarifat lokale, për të luftuar informalitetin, për të rritur fitimin dhe për të nxitur punësimin. Karantinimi i çdo inspektorati për 1 vit, deri në një reformë të vërtetë të standardeve europiane, do të zhdukë terrorin e bandave të inspektorateve dhe do të rivendosë dinjitetin dhe lirinë e sipërmarrjes. Shqiptarët meritojnë dhe do të kenë një qeveri që me përgjegjshmëri dhe seriozitet do ti kthejë frymëmarrjen ekonomisë sonë. # ditemetemira", shkruan Basha.