Kim e Soreca në zyrën e Ramës, SHBA- BE: Ndryshimet kushtetuese, në frymën e 5 qershorit

Yuri

Kim është rikthy er këtë fillim jave në zyrën e kryeministrit Rama, por kësaj here e shoqëruar edhe nga ambasadori i BE- së në Tiranë, Luigi Soreca. Pas një ore takim, zyrat e shtypit të dy diplomatëve kanë pranuar t’i përgjigjen interesit të gazetarëve, duke zbuluar çështjet që u diskutuan. Veç falënderimeve për kreun e qeverisë, për angazhimin në miratimin e marrëveshjes së 5 qershorit, Kim dhe Soreca i kanë shprehur edhe opinion e tyre se diskutimet për ndryshimet kushtetuese duhet të jenë gjithëpërfshirëse. Edhe pse në të njëjtin qëndrim artikulimi, të dy ambasadorët ka detaje që i dallojnë. “E falënderoj kryeministrin për udhëheqësinë e tij në sigurimin e miratimit të marrëveshjes së 5 qershorit dhe që mirëpriti vazhdimin e diskutimeve të ndërsjella në Këshillin Politik në lidhje me masa shtesë. Siç kemi thënë publikisht, theksoj rëndësinë që të gjitha palët të marrin pjesë në mirëbesim, në mënyrë gjithëpërfshirëse dhe transparente”. “Falënderoj kryeministrin për angazhimin e tij në miratimin e marrëveshjes së 5 qershorit dhe e ftoj atë që të punojë me shpejtësi për zbatimin e saj.

Në të njëjtën kohë, ai mirëpriti vazhdimin e diskutimeve në Këshillin Politik në lidhje me ndryshimet shtesë, për të respektuar frymën dhe rezultatet e 5 qershorit. Gjithëpërfshirja është thelbësore kur bëhet fjalë për çështjet elektorale”. Si gjithmonë, kur politika shqiptare “ndizet” për çështje të ndryshme, ambasadorët e SHBA- ve dhe BE- së janë aktivë në selitë e qeverisë, opozitës dhe presidentit, për të ndihmuar që palët të afrojnë qëndrimet e tyre. Edhe marrëveshja e 5 qershorit ishte rezultat i negociatave të diplomatëve të huaj në Tiranë, ku rolin kyç e kishte zyra e BE- së.