Kuvendi miraton raportin, Meta nuk shkarkohet nga Presidenca

Votimi, kush janë deputetët që votuan “pro” shkarkimit të Metës në Kuvend Rama: Ligj organik për presidentin, që të mos bëjë më “çudira”

Presidenti Ilir Meta nuk do të shkarko het. Shumica, si iniciatore e nismës se komisionit hetimor për kreun e shtetit vendosi të marrë parasysh rekomandimet e Komisionit të Venecias dhe të mos i cilësojë si shkelje të rënda, si shfuqizimin e datës së zgjedhjeve qershorin e shkuar, ashtu edhe moskryerjen e ceremonisë së betimit për Arta Vorpsin si anëtare të Gjykatës Kushtetuese.

VOTIMI

Kuvendi votoi dje me 78 vota pro, 17 kundër dhe 8 abstenim raportin e komisionit hetimor të ngritur për kontrollin e ligjshmërisë së veprimeve të kryera nga ana e Presidentit Ilir Meta. “Pra, Kuvendi miraton raportin me rekomandimet që bën ky raport për mosshkarkimin e presidentit, ashtu edhe për miratimin e rekomandimeve që mban ky raport”, tha kreu i Kuvendit, Gramoz Ruçi, në përfundim të seancës plenare. Më herët në fjalën e tij, kryetari i komisionit hetimor, Ulsi Manja, u shpreh se Presidenti Ilir Meta ka kryer shkelje kushtetuese me veprimet dhe mosveprimet e tij në rastin e zhdekretimit të datës së zgjedhjeve vendore të vitit të shkuar, si dhe në emërimin e gjyqtarëve kushtetues, por duke theksuar se ato nuk janë aq të rënda sa për shkarkimin e tij. Ndërkohë që opozita parlamentare është shprehur kundër konkluzioneve të prezantuara nga kryetari i komisionit.

ARSYET

Arsyet e kësaj vendimmarrjeje i beri prezente kryeministri Rama dje në parlament. “Ne mendojmë që Ilir Meta duhet shkarkuar, por ne jemi ndryshe. Por, në respekt të konstatimeve të Komisionit të Venecias, që nuk e ka nxjerrë të larë presidentin, por përkundrazi ka nxjerrë në pah një nga një të gjitha shkeljet”, - tha kreu i qeverise. Retorika e ashpër kundër presidentit, që e quan tutor të opozitës nuk mungoi edhe për Ilir Metën si president, për keqpërdorimin që i ka bërë institucionit të Presidencës, që nuk ka të krahasuar me asnjë nga paraardhësit. “Përpara Ilir Metës, Bujar Nishani duket si Xhorxh Uashingtoni. Ilir Meta e ka kthyer zyrën e Presidentit në një seli të operacioneve politike të njëanshme, në një vatër të ndezjes së zjarreve, duke e përdorur Kushtetutën si letër dhe mllefin e tij ndaj kësaj shumice si benzinë, tutor i opozitës”, - u shpreh z. Rama.

SHKARKIMI

“Ne kemi menduar që Ilir Meta duhej shkarkuar. Ne mendojmë që Ilir Meta duhet shkarkuar, por jemi ndryshe, sepse nuk themi jemi vetëm ne dhe bëjmë si të duam, Komisioni i Venecias na e ka vënë këtë fjali para syve, që shkeljet janë, por jo aq të rënda…”, - tha z. Rama.

MANJA: META SHKELI LIGJIN

Kreu i komisionit hetimor, Ulsi Manja, u shpreh se Presidenti Meta ka kryer shkelje kushtetuese me veprimet dhe mosveprimet e tij, në rastin e zhdekretimit të datës së zgjedhjeve vendore të vitit të shkuar, si dhe në emërimin e gjyqtarëve kushtetues, por duke theksuar se ato nuk janë aq të rënda sa për shkarkimin e tij.

SHMANGIA

Nga foltorja e Kuvendit, kryeministri Edi Rama theksoi rëndësinë e një ligji organik për institucionin e Presidentit, që qartëson kompetencat formale dhe substanciale të tij, në mënyrë që sipas tij, në të ardhmen të mos ketë “çudira” si ai i zhdekretimit të zgjedhjeve ven

dore të vitit të shkuar dhe emërimin e gjyqtarëve kushtetues. Për të shmangur çdo shkelje të Kushtetutës, siç mendon Rama se Meta ka bërë gjatë kësaj periudhe që drejton shtetin, por edhe për çdo drejtues të atij institucioni, shumica përsërit një refren të vjetër në politikën shqiptare, domosdosh

mërinë e ligjit për presidentin. “Një ligj organik për Institucionin e Presidentit, ku të përfshihet dhe përcaktimi për mosbllokimin në të ardhmen e proceseve zgjedhore në vend. Imagjino një president që thotë ‘ nuk të thërras në betim’, kjo nuk mund të vazhdojë më, ashtu si kundër nuk mund të ndodhë më që presidenti të refuzojë të dekretojë ministra”, - theksoi kreu i qeverise. Atyre që e shohin këtë vendim si tërheqje të mazhorancës, Rama u kundërgjigj: “Unë e para iu them atyre që e komentojnë këtë vendim si ndryshim të kursit tonë në raport me Ilir Metën, jo nuk është i tillë. Ne kemi menduar që Ilir Meta duhej shkarkuar, ne mendojmë që Ilir Meta duhet shkarkuar, por ne jemi ndryshe. Sepse nuk themi që jemi vetëm ne dhe bëjmë si të duam, Komisioni i Venecias na e ka vënë këtë fjali para syve, që shkeljet janë, por jo aq të rënda… Ne mendojmë se janë shumë të rënda, por në respekt të një të vërtete të thjeshtë, që ne asnjëherë nuk i kemi thënë vetes që jemi të pagabueshëm dhe asnjëherë nuk i kemi ngritur vendimmarrjet tona mbi idenë e pagabueshmërisë tonë. Mbase kanë të drejtë ata. Unë mendoj që ne kemi të drejtë, ama në këtë rast ne nuk përfaqësojmë thjesht dhe vetëm disa njerëz, përfaqësojmë shtetin shqiptar, qeverinë e shtetit shqiptar”.