Largohet nga sistemi i drejtësisë pas 27 viteve në detyrë gjyqtari i Apelit në Tiranë, Alaudin Malaj
“Jap dorëheqjen për shkak të një marrëdhënieje të re pune”
- Gjyqtari i Gjykatës së Apelit në Tiranë, Alaudin Malaj ka dhënë dorëheqjen nga detyra. Mësohet se përmes një letre drejtuar kryetares së Kolegjit të lartë Gjyqësor ( KLGJ- së), Naureda Llagami, Malaj ka sqaruar se jep dorëheqjen për shkak të një marrëdhënie tjetër pune, e cila, siç sqaron Malaj, nis më 1 gusht 2020. Ndër rreshta, gjyqtari përmend fillimin e karrierës së tij, duke u shprehur se ka respektuar gjithmonë Kushtetutën. Me këtë lëvizje, Alaudin Malaj i shmanget kështu procesit të vetingut. Dorëheqja e tij ka ndodhur pak kohë para se ai t’i nënshtrohej procesit të vetingut. Gjyqtari Alaudin Malaj, radhitet si një ndër gjyqtarët më të
VENDIMI
Mësohet se vendimi për t’u larguar ishte i pritshëm, pasi zërat në korridoret e Gjykatës së Apelit Tiranë për dorëheqjen e Malajt u shtuan menjëherë pas dorëheqjes së gjyqtarit Gjin Gjoni. Letrën e dorëheqjes, Alaudin Malaj ia ka dorëzuar pak ditë më parë sekretarisë së Këshillit të Lartë Gjyqësor, këshill i cili pritet që në ditët në vijim të marrë një vendim konkret për këtë çështje.
polemizuar në sistemin e gjykatave të vendit. Kjo pasi me disa nga vendimet e tij, shumë qytetarë por edhe fraksione të ndryshme politike e kanë anatemuar atë si një gjykatës, jo të drejtë me ligjin.
“Ka qenë një nder dhe privilegj i jashtëzakonshëm për
mua që të ushtroj detyrën e gjyqtarit në Republikën e Shqipërisë prej viti 1993 deri aktualisht. Vendimi për të filluar këtë profesion, më shumë se 27 vjet më parë ka qenë vendimi më i rëndësishëm për mua dhe familjen time. Kanë qenë vite të mbushura me sfida të jash
tëzakonshme në periudha shumë të vështira që ka kaluar vendi ynë përgjatë tranzicionit. Duke pasur parasysh se dorëheqja nga detyra dhe mbarimi i statusit të magjistratit është një proces automatik, i detyrueshëm, një algoritëm, kam pranuar gjithashtu edhe heqjen dorë nga ky status. Unë jam plotësisht i bindur në ushtrimin nga ana juaj të kompetencave kushtetuese dhe ligjore për të pranuar dhe vijuar sa më shpejt me këtë kërkesë, pasi detyra e re më kërkon që ky vendim të merret sa më shpejt të jetë e mundur. Askush nuk është i pagabueshëm, as unë, por i kam qëndruar besnik Kushtetutës”, - shkruan Malaj në letrën e tij. Para tij, dorëheqjen nga posti i gjyqtarit e ka dhënë edhe kolegu i Malajt, Gjin Gjoni, po ashtu pak ditë para vetingut. Sipas Gjonit, dorëheqja kishte ardhur pasi ai nuk besonte se do të përballej me gjykim të drejtë nga trupa e KPK- së.