Koronavirusi u merr jetën 6 personave për 24 orë, shkon në 144 numri i vdekjeve
Daja: 117 të infektuar të rinj, Tirana vatër zjarri me 63 raste
Ehëna ka nisur me një bilanc të rëndë vde kjesh dhe të infektuarish nga koronavirusi në Shqipëri. Brenda 24 orëve të fundit 6 persona kanë humbur betejën me virusin vdekjeprurës, 3 prej të cilëve nuk vuanin nga sëmundje të tjera. Të dhënat mbi situatën epidemiologjike në vend janë bërë me dije nga specialistja e ISHP- së, Rovena Daja. "Ministria e Shëndetësisë dhe Mbrojtjes Sociale ju informon për situatën epidemiologjike në vend në 24 orët e fundit. Thellohet bilanci i viktimave nga koronavirusi në vendin tonë. Fatkeqësisht nuk e kanë fituar dot betejën me sëmundjen në spitalin COVID- 2 ' Shefqet Ndroqi' 6 qytetarë: një 49- vjeçar nga Shkodra, një 54- vjeçar nga Mirdita, një 58- vjeçar nga Tirana, pa sëmundje të tjera, një 56- vjeçar, një 68vjeçar dhe një 76- vjeçare nga Tirana, me sëmundje bashkëshoqëruese. Ministria e Shëndetësisë dhe Mbrojtjes Sociale u shpreh ngushëllimet familjarëve", - tha Daja gjatë komunikimit të saj për mediat dhe qytetarët. Deri më tani numri i viktimave që prej fillimit të pandemisë ka arritur në 144.
INFEKTIMET E REJA
Janë kryer 500 testime për të dyshuar të prekur me COVID- 19, nga të cilat janë konfirmuar 117 raste pozitive. Shpërndarja gjeografike e rasteve është si vijon: 63 raste në Tiranë, 10 në Durrës, 8 në Fier; nga 4 raste në Kukës, Has; nga 3 raste në Krujë, Lushnje; nga 2 raste në Korçë, Elbasan, Kavajë, Tepelenë, Divjakë dhe nga 1 rast në Shkodër, Kurbin, Lezhë, Vlorë, Mirditë, Mallakastër, Përmet, Sarandë, Dibër, Himarë, Klos, Shijak. Gjatë 24 orëve të fundit janë shëruar 63 qytetarë, duke e çuar numrin e të shëruarve në 2745 që nga fillimi i epidemisë.
PACIENTË TË HOSPITALIZUAR
Brenda 24 orëve të fundit ka pasur një rritje të numrit të personave të shtruar në spital. Ministria e Shëndetësisë bëri me dije se, "ka vijuar rritja e rasteve të reja edhe gjatë javës që lamë pas, në një kohë që mesatarja javore e rasteve të reja ka qenë rreth 96 raste në ditë. Vihet re se ka pasur një rritje të ndjeshme të shtrimeve në dy spitalet COVID. Situata paraqitet serioze, pasi është rritur gjithashtu numri i pacientëve në terapi intensive dhe i atyre të intubuar, që është shoqëruar fatkeqësisht me humbje jete. Aktualisht në spitalin infektiv dhe spitalin "Shefqet Ndroqi" po trajtohen 114 pacientë, 19 janë në terapi intensive dhe 3 pacientë janë të intubuar. Ndaj u drejtohemi me një thirrje të gjithë qytetarëve të tregojnë kujdes me respektimin e masave, duke u rikujtuar detyrimin ligjor për të vendosur maskën në çdo ambient të mbyllur, për të respektuar distancën dhe ruajtur higjienën. Ministria e Shëndetësisë dhe Mbrojtjes Sociale u bën thirrje qytetarëve të ndjekin sistemin e referimit: telefononi në numrin unik të Urgjencës Kombëtare, 127, nëse keni shenja të sëmundjes dhe në linjën e gjelbër 0800 40 40 për informacion rreth COVID- 19 apo këshillim psikologjik", - apelon Ministria e Shëndetësisë.